GENERAL HRUAITUTE PROGRAMME:
General Superintendent Rev. Zohmingthanzama chuan Aug ni 3, 2024 inrinni hian Imphal District Board a neihpui.
General Secretary Rev. Lalmalsawma Sailo chuan North Bengal & Sikkim Missions Field chhunga Siliguri Biak In en fel bakah Sikkim Missions Field a tlawh ang.
General Treasurer Rev. R. Laichhingpuia chuan August ni 2 zirtawp ni khan ASC Home, Khuangpuilam, Kolasib-in thawktu Case worker a lakna ah telpuiin hun a hmang.
General Missions Director Rev. C. Vanlalena chuan Aug ni 1-13, 2024 chhung hian North Bengal & Sikkim Missions Field chhunga kohhran hmun hrang hrang te tlawh kualin hun a hmang ang.
General Sunday School Director Rev. Biaksangzuala chuan Aug ni 3 leh 4, 2024 chhung hian Bairabi Bial, North Mizoram District ten Sunday School Seminar cum Revival, Bairabi Bethel Biak Ina an neihah Resource Person-ah tangin rawngbawlna a nei ang.
————
CITY PYD LIVE CRUSADE:
August ni 2-4, 2024 hian Aizawl City PYD Co-ordination Committee chuan North Mizoram District Headquarters Biak In, Tuikhuahthlangah Live Crusade a buatsaih dawn a, he program hmang tur hian kohhran mi a duh apiang tel turin an sawm a ni. Inkhawm Program:
Thupui : I Pathian tawk turin inpeih rawh’ Amosa 4: 12
2nd August, 2024 (Zirtawpni Zan)
Chairman: Evan. Lawmsangkima, Chairman, ACPYD
Solo : Sis. Lalruatpuii, Bazar bial
Zaipawi : Headquarters bial, NMD
Speaker : Rev. B Vanlalruata, President, PYD NMD
3rd August, 2024 (Inrinni Zan)
Chairman: Evan. F Malsawmdawngliana, Treasurer, ACPYD
Solo : Bro. Lalruatdika, Dinthar bial
Zaipawl : Pentecostal Choir, AED
Speaker : Pastor Lalhmingsanga, President, PYD AED
4th August, 2024
Pathianni Zing:
Chairman: Evan. K Rotluanga, Vice Chairman, ACPYD
Solo : Sis. Chinsanlun, Bawngkawn bial
Zaipawl : General Choir
Speaker : Rev. R Laltlankima, Superintendent, AED
Pathianni Zan:
Chairman: Evan. Lawmsangkima, Chairman, ACPYD
Solo : Sis. Lalfakzuali, Tlangnuam bial
Zaipawl : N Mizoram District Choir
Speaker : Rev. K Lalduhsanga, Superintendent, NMD
#Tan hun Zan: 7:00p.m., Pathianni Zing: 11:00a.m.
#Inkhawm apiangin crusade pual thawhlawm khawn a ni ang.
#General Pennet Youtube Channel-ah live-in pek chhuah a ni ang.
————
GENERAL SUNDAY SCHOOL MEET CHUNGCHANGA NGENNA LEH HRIATTIRNA
UPC (NEI) Sunday School Department chuan 2023-a thudah a lo neih tawh angin kumin 2024 November 22-24 hian North East India huap-in Meet ropui tak a buatsaih dawn a, He Meet-a tel theuh tur hian Kohhran tina Sunday School Department te kan ngen che u a, A hnuaia tarlan Items te pawh uluk leh taima taka zira stage-a perform thei ngei turin Pathian ropui nan in lo inbuatsaih dawn nia.. Lalpa’n malsawm che u rawh se.
Meet Items neih tur te:
1. Live Band
2. Worship Dance
3. Skit (Musical Drama, Short Play Drama, Action song etc)
4. Solo (Duet, Trio, Quarted)
5. Choir
6. Recitation (Single or Group)
Evan. MS Dawngliana
Secretary
SS Meet Organising Secretary
———-
KOHHRAN SUM AUDIT:
July ni 23 atanga ni 26, 2024 chhung khan General Headquarters Office, Mualpui Salem veng, Aizawl ah Kohhran sum kum chanve Audit-neih a ni.
General Hqrs. Account hrang hrang bakah General Administration hnuaia Department leh Committee peng hrang hrang te sum Audit niin, Auditors te hi Rev. H. Lalropuia, Rev. K. Vanlalhruaia, Rev. Lalsawmliana Sailo leh Rev. K. Lalduhsanga te an ni.
———-
———-
LUNGLEI DISTRICT
REVIVAL CRUSADE HLUNG TAKIN HMANG ZO:
Revival Committee, UPC Lunglei District-te buatsaih Town huap Revival Crusade chu July ni 25-28 chhung khan Headquarters Local UPC Biak Inah hlim taka hman a ni.
Revival Crusade hman chhung hian Rev. C. Lalrintluanga, District Superintendent, Sertlangpui bialtu Pastor Rev.R.Lalramhluna, Lungsen bialtu Pastor PC.Zionrammawia, Haulawng bialtu Pastor Lallawmsanga, Thingsai bialtu Pastor T.Zahmingliana, Chhipphir bialtu Pastor Lalengzauva leh S.Vanlaiphai bialtu Pastor K.Lalnunpuia te hnen atangin Pathian thu tha tak tak ngaihthlak a ni a, Zaipawl hrang hrang, District UPC Choir, Pukpui Bial PYD Zaipawl, Rahsiveng Bial PYD Zaipawl leh Headquarters Bial PYD Zaipawl te an zai a, Sist.Lalduhawmi Chawngthu Rahsiveng Local, Sist. Janet Lalruatfeli Electric Local, Sist. Lalbiaksangi Pukpui Local, Evan.Sangthuama Sailo Headquarters Local, Sist.C.Lalduhawmi Zion Local Venghlun, Bro.PC.Lalrinsanga Hauruang Local leh Sist.B.Vanlalropeki Luangmual Local-te an zai bawk. July ni 27 Inrinni chawhnu ah Ke sil rawngbawlna District Secretary Rev.PC.Lalfakawma chuan a nei.
Revival Crusade hi tan zan atangin Pathian Thlarau Thianghlim chenchilhna hnuaiah hlim takin hman a ni a, Crusade tan zan atangin inkhawm banah zaikhawm nghal a ni a, Thlarau Thianghlim dawng thar leh harh tharna chang mi engemawzat an awm a, Revival Crusade hlawhtling tak neih a ni.
He Crusade hi TV leh Youtube lamah Live-in pek chhuah a ni lo a, tunah hian Pennet Lunglei Youtube channel lamah inkhawm Programme thenkhat te en theihin a awm.
———-
ZIRTIRTU PUITU (Teacher’s Manual) TLANGZARH:
July ni 25 Ningani chhun dar 12 khan Lunglei District UPC Office-ah Sunday School Department-te buatsaih Zirtirtu puitu (Teacher’s Manual) chu tlangzarh a ni.
Tlangzarh inkhawm hi Evan.PC.Zosangliana Director, District Sunday School Department chuan a kaihruai a, Evan.R.Ropianga, Secretary, District Sunday School Department chuan lehkhabu buatsaih anih dan leh a bu chhunga thu awm te a sawi hnuin District Superintendent Rev.C.Lalrintluanga chuan a tlangzarh a, Rev.C.Lalhriatpuia chu Pathian hnenah lehkhabu hlanin a tawngtai.
Zirtirtu puitu lehkhabu hi District Sunday School Conference-in buatsaih nise tia a lo rel a ni a, a bu chhungah hian thupui hrang hrang 11, General SS Department chanchin, Lunglei District SS Department chanchin bakah Bial leh Tualchhung SS inenkawlna tur a dan te, SS pawimawhna bakah Zirtirtu in enlawkna leh zirlai kaihhruai dan leh thil pawimawh hrang hrangte dah a ni.
Lehkhabu hi District-in Bial Sunday School hruaitute hnenah thawn chhuakin annin Local lamah an thawn chhuak ang. Bu khat Rs.50 a zawrh tur a ni.
———-
THISEN PE:
July ni 29 Thawhtanni hian Lunglei District PYD Conference-in Blood Donation neih nise tia a lo rel bawhzui nan Tawipui bial PYD-te chuan Thingfal Community Hall-ah thisen Unit 39 Lunglei Civil Hospital tan an pe.
Thisen an pek hma hian hunserh tawi hman hmasak a ni a, Rbt. T.Lalrinmawia, Treasurer, PYD Tawipui bial chuan kaihruaiin, Rev. R.Vanlalenga, Bialtu Pastor chuan hunserh a hmang a, Bial PYD Secretary Bro.Laithangpuia hnen atangin Report tawi ngaihthlak niin Blood Bank lam atangin thisen pek pawimawhna leh thil tul dang ngaih thlak a ni bawk. Rbt. Lalhmunsanga President PYD Tawipui bial chuan lawmthu a sawi hnuin Rbt. C.Lalngilneia, Vice President chuan tawngtaina neiin hunserh tawi hman chu tih tawp a ni.
Tawipui Bial PYD atanga thisen Unit 39 petute hi Mipa 36, Hmeichhia 3 an ni.
Tawipui bial PYD-te hian Kum li (4) a zawn in Civil Hospital tan hian Thisen an lo pe tawh a, kum 4 chhunga an thisen pek belhkhawm hi Unit 151 a tling a ni.
———-
SUNDAY SCHOOL KUMPUAN PUAL SEMINAR NEIH A NI:
July ni 28, Pathianni khan Zobawk Section Sunday School Department buatsaih in bial chhung Sunday School hruaitute leh zirtirtute tan General Sunday School kumpuan bawhzuina in Seminar neih a ni.
He hun hi Evan. C. Lianchhunga Bial Sunday School Director in kaihruaiin, bialtu Pastor Jerry Lalmuanawma chu Resource Person-ah hman a ni. Thupui pahnih ‘Thianghlimna’ tih leh ‘Zirtirtu mawhphurhna’ te hmangin thu zirna neih a ni.
Seminar ah hian bial chhung Sunday School hruaitu leh zirtirtute atangin mi 40 vel an kal khawm a, hlawk taka Seminar hi hman a ni.
———-
MI THAR:
– July ni 28 Pathianni khan Emmanuel Local, Zobawk ah mi thar pathum (3) chhungkaw khat leh July ni 31 Nilaini khan mi thar pakhat chu Pastor Jerry Lalmuanawma, Bialtu Pastor in a lawmlut.
Bial thar anih hnuah member thar 8 Zobawk Immanuel Local-ah hian lawmluh tawh a ni.
– July 28 Pathianni zing khan Mualthuam N Electric Local-ah chhungkaw khat mi 3 Evan.Engzawna Local Chairman in a lawmlut a, Chibai bukin tawngtai sakna nei.
———-
———-
AIZAWL EAST DISTRICT
LIVE CRUSADE NEI:
Aizawl East District Kohhranpui buatsaihin Serchhip District, Serchhip Dinthar Biakinah Live Crusade neih a ni a. Speaker-ah Rev. KVL. Hmangaihkima hman niin Crusade hi July 24, Nilai zan atang khan hman tan a ni a, Pathianni zan thleng a awh.
Crusade tan zan khan Dinthar Bialtu Pastor K. Lalhmingmawia chuan inkhawm kaihruaiin Rev. R. Laltlankima, District Superintendent chuan Crusade hlanna neiin District Kohhranpuiin hma a lak dan tlangpui report a pe bawk a ni.
Inkhawm hi Serchhip Bialtu Pastor C. Lalchhuanga bakah Dinthar Bialtu Pastor K. Lalhmingmawia leh Dinthar Bial bakah Serchhip Bial hruaituten kaihhruaina an in thawhchhawk thin a, Crusade neih chhung hian Zaia rawngbawlna, Sis. Laltleipuii leh Sis. Lalneihpuii ten an nei bawk a ni. Pathianni chawhnu khan Serchhip Chanmari Volley Ball Court-ah Mual inkhawm neih a ni bawk.
District Kohhranpui buatsaih Live Crusade hi Serchhip-a Cable Network bakah Pennet AED Youtube channel-ah Live-a pekchhuah a ni.
Kumin District Conference in Aizawl East District chhunga District Capital tinah Crusade lian tham tak buatsaih ni se tia alo passed tawh angin a hmasaber atan Champhai khawpui chhungah Live Crusade hi June 12 atanga 16 chhung khan neih alo ni tawh a, Serchhip-a neih bakah hian hun remchang hmasa berah Aizawl khawpui-ah nei leh turin ruahmanna siam a ni bawk.
———-
BIAL SUNDAY SCHOOL JOINT FELLOWSHIP HMANG:
Bawngkawn Bial Sunday School Department buatsaihin July 28, Pathianni chawhnu khan Ramhlun Vengthar Biakinah Naupang Sunday School te tan Joint Fellowship hlawhtling taka hman a ni.
Hun hmasa Evan.K.Lalbiaknunga, Bial Sunday School Treasurer chuan kaihruaiin hunserh Upa HK.Lalnunsanga, Bial S.S Director chuan a hmang a ni. Hunserh hman zawh hian Host T.Upa H.Lalhumhima kaihhruaina hnuaiah hun hlimawm tak hman niin Bial chhunga Tualchhung Sunday Sunday naupangte hnen atangin Solo, Group Recitation leh Worship Dance te thlir hova, ngaihthlak ho niin Pathian faka zaihona hlimawm tak neih a ni bawk. He hun hmanah hian Bawngkawn Bialtu Pastor, Rev.Vanlalfela Ramtiam hnen atangin Sunday School Kumpuan, Thianghlimna thu ngaihthlak a ni bawk.
Bawngkawn Bial S.S Department ten Joint Fellowship an hmanah hian Bial chhunga Local 4 te an telkim thei a, naupang engemaw zat bakah Zirtirtute telin hlim takin hun an hmang a ni.
———-
INTLAWH TAWN HLIMAWM TAK HMAN A NI:
Saitual Bial PYD te chuan July 26 atanga 28 chhung khan Thingsulthliah Bial PYD te tlawhin hun hlimawm tak hman a ni. Thingsulthliah Bial PYD te hian Bial Hqrs. Thingsulthliah Kohhranah lo thlengin July 27, Inrinni khan intihhlimna neih a ni. He hunah hian Siatual Bial PYD atangin thusawi ngaithlak thin niin Pathian thlarau thianghlim awmpuina hnuaia hlim takin hun an hmang a ni.
Chhingchhip Bial PYD-te pawhin Pathianni hmang khan Thenzawl Field Veng PYD-te tlawhin rawngbawlhona nung leh hlimawm tak an hmang a, Pathian thlarau thianghlim chenchilhna hnuaiah hlim takin hun an hmang a ni.
———-
REVIVAL CRUSADE HLAWHTLING TAKA NEIH A NI:
Apostolic Revival Team speaker Evan. JH. Lalhminghlua leh a team-te chuan July ni 3 ațang khan July ni 28 thleng Zemabawk Bial, Lungbial Kohhranah Revival Crusade hlawhtling takin an nei.
An rawngbawl chhung hian kohhran dang ațangin member thar 9 an seng luh bakah PYD member Thlarau Thianghlim dawng thar mi 12 bawr vel awm bawkin, baptisma chang 2 an awm bawk a ni.
———-
MI THAR LEH BAPTISMA CHANG THAR:
July 28, Pathianni khan New Vervek, Sakawrdai bial kohhrana lawi turin mi thar pakhat Kohhranah sengluh a ni.
New Vervek kohhranah hian Bro H.Vanlalhruaia District Missions Free Evangelist in rawngbawlna a nei a ni.
Thuampui Kohhranah pawh chhungkaw khat, member 4 chu Kohhran Chairman Upa R Lalrammuana’n sengluhna a nei bawk.
Ṭhuampuiah hian Evan Vanlalramnghahmawia leh a Team ten June 28 aṭangin rawngbawlna an nei a, Pathian Thlarau hnathawh a thleng nasa hle. Thlarau Baptisma chang thar awm nual in, Sual ngaihdamna Baptisma mi 14 in an chang tawh bawk.
Khawbung Bial, Khuangleng Kohhran ah Mithar Pakhat Kohhranah sengluh a ni bawk.
Khuangleng Kohhran ah hian Sis. Vanlalpari B/W ten rawngbawlna an nei mek a n.
Melbuk kohhran, Bethel bial a lawi turin member thar mi 4 chu July 28, Pathianni khan sengluh an ni bawk.
Melbuk kohhranah hian Evan F.Lalzirliana Mission Dept Evangelist in rawngbawlna a nei mek a ni.
———-
———-
NORTH MIZORAM DISTRICT
DISTRICT KOHHRANPUI NEWS:
UPC, NORTH EAST INDIA, NORTH MIZORAM DISTRICT HRUAITUTE PROGRAMME (OFFICE)
North Mizoram District hruaitu pathum Rev. K. Lalduhsanga District Superintendent, Rev. C. Lalthantluanga, Dist. Secy leh Rev. C. Lalmuanpuia Dist. Treasurer te chuan North Mizoram District Bord July ni 23rd – 25th (Thawhlehni – Ningani) chhunga neihah telin hun an hmang.
Rev. K. Lalduhsanga, Dist. Supdt. hi UPC ( NEI) Auditor a nih angin, July ni 26 (Zirtawpni) khan Audit hna thawkin General Office Mualpuiah a fehchhuak, Dist. Supdt. Rev. K. Lalduhsanga vek hian City PYD buatsaih Live Crusade, North Mizoram District Hqrs. Biak ina Aug ni 2-4 chhunga neih turah Pathianni zanah Speaker-ah tangin rawngbawlna a nei ang.
District Secretary Rev. C. Lalthantluanga chuan ruahman lawk angin Aug ni 2 Zirtawpni ah “Thianghlimna” thupui hmangin Kolasib Venglai Bial-ah seminar a nei ang a, hetiang hian Kolasib Venglai Bial Kohhran hrang hrangah Thianghlimna chungchang thu sawiin a inkhawm bawk ang Aug ni 3 Inrinni zanah Tuitha Veng localah, Aut ni 4 Pathianni zingah Kolasib Venglai Localah, Pathianni chawhnuah Tumpui Localah leh Pathianni zanah Project Local-ah te a inkhawm ang a, Bialtu Pastor leh Bial Thianghlimna Committee ten an tawiawm ang.
Missions Director Rev. C. Lalramthanga chuan Mamit Bial Bawngva Missions Field-ah Aug ni 1 Ningani atanga Pathianni thlengin Biak leh Quarters sak hna tul tul thawk turin an fehchhuak leh ang.
———-
NORTH MIZORAM DISTRICT CHUAN JULY THLA BOARD NEI:
UPC (NEI) North Mizoram District chuan July ni 23-25 Thawhlehni atanga Ningani chhung khan District Board an nei.
District Board hi District Office Committee Room-ah neiin Rev. K. Lalduhsanga, Dist. Supdt. in Board meeting a kaihruai a, Board memberte thawh hona tha nei turin a sawm a, Board member te inpekna a zarah kohhran chak tak neih a beisei thu a sawi a, intawngtaipui tawn zel a pawimawh thu a sawi bawk.
Gen. Supdt. Rev.Zohmingthanzama General Superintendent chu District Board Member te hmaah inhmelhriattirin, Chairman hian Pastor atana lak thar District Board Member thar ni bawk Pastor C.Lalruatsanga chu Lal Isua hmingin a lawmlut a, District Board member te aiawhin Rev.C.Lalrammuana’n Lal Isua hmingin chibai a buk a ni.
Chairman Rev.K.Lalduhsangan Galatia 6:6-8 thu chhiari’n Lalpa rawngbawlna kawngah inthlahdah lovi’n Pathian thu hriatna kawngah pawh nasa zawka tan lak a pawimawh thu a sawi a,
Chairman sawm angin General Superintendent Rev.Zohmingthanzama’n chuan thu sawi bawkin, kohhranhote duhsakna avanga Ex-Officio District Board member a lo nih ve tak chungchangah a lawmthu a sawi a. Kohhranin hmasawnna chungchangah lawmthu a sawi bakah ‘Rorel khawla kan awm chuan, rorelna kawngah diktaka ro kan rel thin a pawimawh’ a ti Hei bakah hian UPC NEI hmasawnna hrang hrangte hetiang report pein CBC -ah zirlai 54 an awm thu te, CBC chhuak mi thiam tak tak ten kohhran an tihhlut thinzia te, hmun hrang hranga Pathian thu an zir zawmna hmunah CBC chhuakte an chhuanawm zia te tarlangin, CBC hmun Shillong chhuahsan tak, Principal Quarters chu General LAD -in Guest Room atan an chei fel vek tawh thu te a tarlang a, Office-a hman thin chu Heritage Centre-a dah a nih thu te a tarlang tel bawk.
District Board rorel tlangpui te:
1. NMD Office Chowkidar tanglai pensiona a chhuak tak avangin Interview kaltlangin District Board chuan MR-in Bro F. Lalsangzuala, S/o Upa Lalsuaka Dinthar chu a la.
2. Aizawl Kulikawn East Chekbawk-ah Biak in hmun lei nise.
3. Chawlhhmun Bial Govt Complex Local tih thin chu Sorkar-in Ainawn veng tia a thlak tawh avangin Ainawn Local tia thlak a ni
4. District Conference thlengtu tanpuina Rs. 300000-500000 ni thin chu Rs. 500000-700000-ah tihsan a ni.
5. District Office hmun remchang-ah PenNet Studio siam ni se.
6. 2024 Aug thla chu Rammut thla a nih angin Pastor engemaw zat Rammut dan tur ruahman a ni.
7. Biak in sak tanpuina tihsan nise tih a ni a, Ruahmanna Building Committee kutah dah a ni.
8. Local tina Statiscian te Training neih ni se
9. Financial Campaign neih nise, ruahmannain hruaitute’n neih ni se.
10. Hunthar Bialtu Rev.H.Zabiaka chu November ni 23, 2024-a pension-a a chhuah dawn tak avangin, a bial a chhuahsan hnuah District Supdt. In lo hmui hrih se.
11. District in Evangelist-a rawih Transfer TADA senso zat ve District in a tum thin chu a vaia tum tawh ni se.
———-
REVEREND TITLE HLAN:
UPC-North East India, General Aministrative Committee chuan North Mizoram District Board in a recommend angin Pastor Jacob Lalremsanga chu kum 10 chuang Pastor rawngbawl hna rinawm taka a thawh tak avangin July ni 19, 2024 Zirtawpni khan Reverend title a hlan a, tun hnuah chuan Rev. Jacob Lalremsanga tia lam leh ziah tawh tur a ni awn a ni.
———-
SEMINAR NEI:
General LAD Kumpuan ‘TAIMAKNA’ tih thupuia hmangin July ni 27 Inrinni khan Kawnpui Bial LAD te chuan Bial Hqrs. Kawnpui Venglai Biak Inah, bial huap seminar buatsaihin Bialtu Pastor Rev. Lalruatkima Fanai chuan seminar a pe.
Resource person hian powerpoint presentation neiin, rawngbawlna kawnga taimakna te, eizawnna kawnga taimakna leh chhungkaw enkawlna kawnga taimakna tih te thupuia neiin zirtirna a pe a. Kalkhawmten thupui zirho aṭangin sawihona an nei bawk. Seminar-ah hian bial chhung local hrang hrang aṭangin LAD member 46 an kalkhawm a ni.
———-
Hqrs. Bial Thianghlimna:
Hqrs. Bial Thianghlimna Committee hmalaknaa Local tina inkhawm kuala Thianghlimna chungchang thu sawi leh a kaihhnawih awareness an neih thin chu chhunzawm zelin July ni 28 Pathianni zan khan Nursery Biak inah inkhawm hi neih leh a ni.
He inkhawmah hian Nursery kohhran atangin Chair hna thawkin Sist. Lalhmingliani, Khatla South-in hun hmasa a hmang a, Upa Lalfakzuala, Tuikual South chuan Thuhrilh rawngbawlna a hmang thung a ni.
He inkhawmah hian Sist. Noel Lalduhawmi chuan fak hla sain hun a hmang bawk.
Hqrs. Bial Thianghlimna committee te hian kumtir atang tawhin Thianghlimna kawnga zirtirna uar taka kalpuiin Bial chhun kohhran tina an inkhawm kual balah hian zuk leh hmuam that lohna lam inzirtirin mithiam te ruaiin Programme an hmang thin bawk a ni.
———-
Dinthar Bial PYD te PYD inkankual Programme hmang:
Dinthar Bial PYD te chuan a thawh hnihna atan inkankual Inkhawm Dinthar UPC Biak Inah an hmang, He Programme hi July ni 22 Thawhtanzanah hmangin Evan. H. Lalbiakhluna, Dinthar Local PYD Vice President in hun a hmang a, Sist. Rosy K. Vanlalkimi, Fin Secretary Chawnpui PYD chuan hun hmasa a hmang.
Pathian thuchah sawitu Evan. Vanlalzemawia Fanai chuan Pathian thu sawiin ‘Thlamuanna dik leh Khawvel hneha ngamna thu sawiin, Thalaite’n Lalpa thlir tlatin, khawvelah Amah avanga hrehawm tuar ngam tur leh huaisenna nei turin a fuih.
He inkhawmah hian Tuikual Local PYD Zaipawl ten fak hla remin PYD thiltum sawirual a ni bawk a, Bial Secretary Report ngaih thlak a nih bakah Kumpuan Sub Committee Secretary Bro. Lalthanpuia’n Slogan inziahsiak lawmman a sem bawk.
———-
N.MIZORAM DISTRICT MISSIONS DEPARTMENT HRUAITU TEN DISTRICT CONFERENCE NEIHNA HMUN TUR AIBAWK BIAL AN TLAWH:
July ni 21, 2024 (Pathianni) khan North Mizoram District Missions Department hruaitu Pathum Rev. C. Lalramthanga, Director, Evan. R. Lalthangchhuana, Secretary leh Evan. JH Malsawmdawngliana, Treasurer te chuan kum 2024 District Missions Conference thlengtu tur Aibawk Bial Hruaitute tlawhin an ruahmanna te an thlir ho va, hma lak zel dan tur hmachhawp te an thlir ho bawk.
Aibawk Bialte hian District Missions hruaitute hi Programme lo siamsakin hetiang ang hian ruahmanna siamin Local hrang hrangah District hruaitute’n inkhawm an lo neih pui bawk a ni.
July ni 21 Chawhma inkhawmah Aibawk Kohhranah hun hmangin Evan.R. Lalthangchhuana, Dist. Missions Secretary in rawngbawlna a nei a, Chawhnu inkhawm Sateek kohhrana hmangin Evan JH Malsawmdawngliana, Dist. MissionsTreasurer hun a hmang thuang a, Zan lamah Falkawnah hun hmang lehin Rev C.Lalramthanga, Director in Pathian thuchah a sawi thung a ni.
District Missions Department puipate te hi Bialtu Pastor P.C Lalrokima leh Bial Missions Department hruaituten an ṭawiawm zel a ni.
———-
RASDALI AH MITHAR:
July ni 28 Pathianni khan Bairabi Bial Rasdali Missions Field ah Mithar 1 lawmluh a ni. Mithar lawmluhna hi Evan Jonathan Lallawmzela’n nei in Rasdali M/F hi Sist F. Lalsiamliani B/W in Missionary niin a țhutchilh mek a ni.
———-
TUAHZAWLAH LALPAN RAM AZAUH ZEL E:
Lengpui Bial Tuahzawl ah Rehobot Revival team te rawngbawlna kal zelah Pathian malsawmna changin Pathian Chawimawina tum 6 a awm tawh a, July ni 21 Pathianni zing khan member thar duhawm tak chhungkaw 1 member 5 awmna chu Isua hmingin lawmluh an ni. Member thar lawmluh te hi khawtlang thilah pawh mi chhuanawm leh puitling tak chhungkua an ni. Rehobot Revival Team ten he hmuna an rawngbawl chhung hian mithar 6 Lalpan a pe a ni.
———-
DINTHAR BIAL PYD MEDIA CELL BUATSAIHIN PHOTO & VIDEOGRAPHY TRAINING NEIH A NI:
Dinthar Bial PYD Media Cell committee hmalaknain Media hmanga rawngbawlna kawnga hmun luah tu pawimawh tak Photo & Videography Training July ni 19 Zirtawpzan Dinthar NPSS Hall ah an nei.
Training Programme hi Bro. Vanlalremruata Sailo Secy. Bial media Cell –in a kaihruaiin Photography training hi Bro. Ms Dawngzela Chaltlang in zirtirna pein Videography lam zirna hi Bro. Johny Lallawmkima hnen atangin ngaihthlak a ni bawk.
———-
———-
Facebook