CBC NEW BUILDING HAWN A NI:
April ni 24, 2024 Nilaini hian UPC North East India Pathian thu zirna Calvary Bible College (CBC) New Building, Mualpui Salem veng, Aizawl a mi chu UPC North East India General Superintendent Rev. R. Lalrinsanga’n Lalpa Isua hmingin a hawng.
Calvary Bible College (CBC) hawnna inkhawm hi General Secretary, Rev. Zohmingthanzama, chuan kaihruaiin General Treasurer, Rev. Lalmalsawma Sailo leh CBC Principal, Rev. K. Malsawmtluanga te chuan Building sak dan leh CBC sawn a nih dan report an pe a ni. He hun hi Mizoram Assambly Speaker Pu Lalbiakzama leh Pu Lalchhuanthanga Bialtu MLA te chuan hman puiin thusawina hun an nei bawk. CBC New Building hawnna ah hian North East India UPC hnuaia District hrang hrang hruaitute leh Kohhran mipui te bakah, Salem veng khawtlang hruaituten an tel pui bawk a ni.
Calvary Bible College (CBC) hi Shillong-a awm thin niin kum 2021 khan UPC North East India General Conference Vawi 53 na Rorel chuan Aizawl a sawn chhoh turin a rel a, hmalakna kalpui chhunzawm zel niin November ni 28, 2022 Thawhtan zing 10:00 khan Building LUNGPHUM phumna, CBC Site, Mualpui, Aizawl ah neih a ni tawh bawk. Tichuan, Hmalakna chak taka kal puiin Building hi luah theih tur a peih a ni ta a ni.
———-
UPC-NEI 56TH GENERAL CONFERENCE TAN A NI.
United Pentecostal Church of North East India Inkhawmpui Lian Vawi 56-na chu Dt. 25 April 2024 (Ningani) zan khan Kolasib Vengthar-ah neih tan a ni a. Thupui atan “Ngai teh, a ni chu a lo kal e (Thup. 1:7)” tih chu hman a ni.
Rev. R. Lalrinsanga, General Superintendent chuan inkhawm hi kaihruaiin Rev. Zohmingthanzama, General Secretary hnen atangin General Conference chu Dt. 25-28 April 2024 chhung awh tur a nih thu leh inkhawmpuia hun hmangtu turte ngaihthlak a ni.
Rev. K. Lalduhsanga, NMD Superintendent chuan a thlengtu District aiawhin inkhawmpui palai lo kalte chibai bukna leh lawmna thu te a sawi bakah, khuarel chhiatna vanga Conference Pandal chim ta sak that leh nana mi thahnemngaite chungah lawmthu a sawi.
North Mizoram District Choir hnen atangin fakna hla ngaihthlak a ni a. Chairman kaihhruainain inkhawmpui palaite inhmelhriattirna hun hman chhunzawm a ni a, General hruaitute aiawhin Chairman in a lo lawm a ni.
Inkhawmpui palai lo kal inhmelhriattir te:
1. Special Field – Delhi, leh Kolkata
2. Missions Field – Bihar, N. Bengal & Sikkim, Arunachal, Upper Assam & East Arunachal, Dimapur, Assam, Bhutan.
Pathian thuchah ropui tak Pastor Kapliana, Maryland, USA hnen atangin ngaihthlak a ni a. America lama an rawngbawl dan leh kalphungte, Zohnahthlak unaute huikhawma thuthlung puan a tulzia thu te, America rama UPC-NEI zaipawl te rawngbawl tura chah luh an tum thu te, leh Kohhranin thianghlimna tel lova Isua hmel hmuh a theih loh tur thu te Speaker hnen atang hian ngaihthlak a ni.
Thuhriltu hun tawpah lamtuala mipuite ko khawmin tawngtai rual neih niin Rev. SR Tourngam Anal chuan malsawm tawngtaiin inkhawm a tin a ni.
———-
Dt. 26 April 2024 (Fri) chawhma Dar 10:30 khan Department Conference rorel neih a ni a. General hruaitute insiam remin Department hrang hrang rorel inkhawm an telpui.
Missions Department Conference rorel chu Conference Pandal-ah neih a ni a.
Rorel palai mi 149 kal khawm theiin, agenda 7 neia rorel a ni. Missions Department hi Rev. R. Lalrinsanga, Gen. Superintendent chuan a telpui.
Ladies Auxiliary Department Conference rorel chu Vengthar Biak Inah neih a ni thung a. Agenda 10 neiin rorel palai mi 100 an kal khawm thei. General hruaitu aiawhin Rev. Zohmingthanzama, Gen. Secretary chuan a telpui.
Sunday School Department Conference rorel chu Diakkawn Biak inah neih niin, rorel palai mi 104 ten agenda 5 an rel a; Rev. Lalmalsawma Sailo, Gen. Treasurer in a hmanpui.
General Department hrang hrang pathum te’n an rorel inkhawm zawh chawhnu lamah General Board neih chhunzawm nghal a ni a. Pentecostal Youth Department chuan Conference a hranga an neih dawn avangin hemi ni vek hian rorel inkhawm chauh an nei thung.
———-
———-
AIZAWL EAST DISTRICT
Ramlak beihpui thlakna tur atana rawngbawltu tur, District Evangelist lak an ni.
District Conference Kumin 2024 in Kum 2024-ah ramlak beihpui thlak leh ni se a tih angin District chhunga Ramlak beihpui thlakna tur atana rawngbawltu tur, District Evangelist lakna chu April 23, Thawhlehni hian District Committee room-ah Interview kaltlanga lak an ni. District Evangelist lak tharte hian May 2024 atangin rawngbawlna hi an nei tan dawn a ni.
District Evangelist lak tharte:
1. Upa Lalrokima, Ratu Melkawn, Darlawn bial
2. Evan. Lalbiakmuana, Zemabawk, Zemabwk N bial
3. Evan. C. Lalzidinga, Zion Veng, Bethel bial
4. Evan. Lalamena, Sakawrdai, Sakawrdai bial
5. Evan. H. Lalrinfela, Ramthar, Bazar bial
District Evangelist lak turah hian mi 14 in an dil a ni.
———-
Mithar leh Baptisma chang thar:
April 20, Inrinni zan khan Darlawn Bial, Ratu Melkawn ah Dist. Evangelist Upa Lalrokima rawngbawlna kal tlangin chhungkaw khat, Member 8 chu Rev. C. Lalmalsawma Dist. Missions Dept. Director chuan, Lalpa Isua hming in Kohhran ah a lawm lut.
April 21, Pathianni zan khan N.Vanlaiphai bial Lungchhuan khua a rawngbawl mek Evan Vanlalchhawrzela’n member pakhat a sengltu bawk.
———-
Champhai Bethel Bialah Crusade neih niin, mithar lawmlut:
Dt. 18- 21.4.2024 chhungin Champhai Bethel Bial, Zote kohhran ( PP)ah Bial Missions hmalaknain Revival Crusade hlawhtling tak neih ani a. Speaker-ah Upa David R. Lalsawmtluanga hman a ni. Thian 3 hruaiin an rawngbawlna a ropui hle a, Inkhawm apiangin Thlarau lam hla nen hun hman thin a ni.
Zote Kohhran-a lawi tur hian April 19 leh 21 khan member thar 11 sengluh an ni a, April 19 zanah chhungkaw 1, member 3 chu Evan.Lalvenhima’n lawmluhna neiin, baptisma a chantir nghal a, April 21 khan mi 8 chu Rev. E. Vanlalpeka Zote, Bialtu Pastor-in lawmluhna a nei bawk. Zote- ah hian Evan. Lalvenhima, Dist. Missions Evangelist-in rawngbawlna a nei mek a ni.
Champhai Bethel Bial tho, Zotlang Kohhran (PP)-ah, April 21, Pathianni chawhma inkhawmah mithar 10 seng luh an ni bawk a, Evan. Lalzidinga, Dist. Evangelist-in lawm luhna a nei a ni.
———-
Siamthar lehna camping neih a ni:
April 16 – 20.2024 chhungin Serchhip Electrict Kohhran UPC Biakin ah Tualchhung Missions Department hmalakna in Siamthar lehna Camping neih a ni. He Camping ah hian Pastor HMS Dawngkima, Rabung bialtu chu Speaker ah hman ni in, Councellor hi T. Upa Lalrongura leh Bro, Ramfangzaua te an ni a, Bro Hrangthanzuala leh Sis. Lalropari Renthlei ten zaia rawngbawlna an nei bawk.
He Camping ah hian mi 20 lut in, mipa _9 leh Hmeichhia 11_an ni. Campers zingah Thlarau Thianghlim Baptisma chang mi 8_ an awm a, siamtharna chang mi engemaw zat an awm bawk. Ni 20 inrinni ah Camp chhuak in, hemi ni hian Mi 12 in Lal Isua hmingin sual ngaihdamna Baptisma an chang nghal a ni. Inrinni zan atang hian Follow up programme hman chhunzawm a ni a Pathianni zan ah Thlarau Thianghlim hnathawh lo thlengin taksa chetna leh tawng danga tawng theihna tel a Thlarau hnathawh alo thleng bawk a ni
———-
———-
LUNGLEI DISTRICT
PCD RALLY:
April ni 19-21 chhung khan Hnahthial bial PCD-te chuan Venglai Local UPC Biak Inah Rally vawi 8-na hlim takin an hmang.
He Rally-ah hian Solo, Elocution, Bible Quiz, Lengkhawm leh Zaipawl hmangin intihsiakna neih a ni a, Venglai Local PCD-te chu a pumpuiah pakhatna an ni. April ni 20 Inrinni chhun lamah infiamna chi hrang hrang neih a ni a, Inrinni zan atangin Speaker Evan R Lalnunthara’n hun hmangin, Sunday chawhnuah Dr.Ebenezer Lalhruaitluanga’n Ruihhlo that lohna Awareness Campaign a nei bawk. April ni 20-21 chhung khan Lungsen bial PCD Rally vawi 12-na chu Lungsen N Local Biak Inah neih a ni a, Speaker atan District PCD President Rbt.C.Lalramluahpuia hman a ni.
April ni 20 Inrinniah Outdoor Games hmangin intihhlimna an nei a, April ni 21 Pathianni chawhnuah Solo, Recitation, Lengkhawm zai leh Quiz hmangin intihsiakna an nei a, hlim takin hun an hmang a, District PCD Secretary Bro.Jacob Ramengmawia leh Fin.Secretary Sist. Elizabeth Zothansangi ten an hmanpui bawk.
———-
DINTHAR BIAK IN SAK HNATLANG NEIH A NI:
April ni 20 Inrinni khan Dinthar, Lungrang (Chawngte Bial) Biak In sak hnatlang neih a ni a, bial member 60 chuang an thawkchhuak a ni.
Biak In Lungphum phumna Bialtu Pastor Jerry Lalmuanawman a nei nghal bawk. Dinthar Local-ah hian member 45 vel awm mekin, Biak In hi a dung feet 40, avang feet 21 a zau a sak a ni.
———-
BUKNUAM AH MI THAR PATHUM (3) LAWMLUT :
Ni 21 April 2024 Pathianni zing khan Zehtet Field, Buknuam Local-ah Chhungkaw khat (1) Member pathum (3) chu Evan. R. Lalrokhawma Home Missionary-in a lawmlut a, Nau pakhat (1) a hlan nghal. Hun remchang hmasa ber ah Isua hmingin Baptisma an chang ang.
Facebook