GENERAL HRUAITUTE PROGRAMME:
Faith Interaction Summit:
April ni 10 -15, 2024 chhung hian Philippines UPC hruaitute leh India rama UPC hruaitute inhmuh khawmna Faith Interaction Summit chu Philippines Manila-ah hman a ni.
He intawh khawmna hi Summit Hotel Greenhills,13 Annapolis, San Juan, 1504 Metro, Manila, Philippines-ah neih niin, Rev. Lynden Shalm, Regional Director for Asia bakah Texas, USA-a UPC hruaitu, Rev. Ken Gurley, Rev. Clifford Pereira, Rev. Chad Harper-ten an telpui a; tin, Philippines UPC hruaitute bâkah UPC in India hruaitute, UPC Andhra Pradesh Unit hruaitute leh UPC NE India hruaitute an tel a ni.
UPC NE India hruaitute hian Faith Interaction Summit hmang tur hian April 6 inrinni khan Aizawl chhuahsanin, April ni 7 Pathianni khan Batanagar, Kolkata-a Field Director Qtrs. thar hlanna an nei a, April 8 zanlaiah khan Manila an pan a ni, ruahman ang chuan April 17-ah Aizawl an lo thleng leh ang.
UPC NE India hruaitute hian an châm chhungin United Pentecostal Church Philippines Incoporated hmunpui, New Headquarters Office, 8 Balete Drive, Brgy. Kaunlaran, Quezon City, Philippines leh hmun pawimawh dangte an tlawh nghal bawk ang.
———-
MISSIONARY TIHCHHUAHNA NEIH A NI:
March ni 27, 2024 zan khan UPC North East India General Missions Department chuan Missionary lak tharte tirhchhuahna programme Salem veng Biak in a nei.
He Tirhchhuah inkhawm hi General Missions Director Rev. R. Laichhingpuia chuan kaihruaiin, Aizawl East District Missions Director, Rev. VL Hnemtluanga chuan hunserh a hmanga, Rev. R. Lalrinsanga, General Superintendent hnen a tangin Fuihna thuchah ngaihthlak a ni bawk.
General Missions Department in Missionary lak tharte awm na tur Location Report Evan. F. Lalsangliana, General Missions Treasurer hnen atanga ngaih thlak a nih hnu ah Rev. R. Laichhingpuia chuan Tirhchhuahna hun a nei a ni. General Hruaitute Rev. Lalmalsawma Sailo leh Rev. Zohmingthanzama ten thu tawi sawina hun hmang bawkin Rev. C. Lalramthanga, District Missions Director, N. Mizoram chuan Malsawm tawngtaina in hun a tin a ni.
Missionary tirhchhuah turte leh An awmna hun tur:
1) Lunminlal Gangte, Imphal – Tawang, Arunachal M/F
2) Evan. H. Lalnunmawia, Dinthar – Gangtok, N. Bengal/Sikkim M/F
3) A. Denis-a, Vairengte – Odhisa M/F
4) Evan. Peter Lalawmpuia, Boro-arkap – Andaman M/F
———-
56th GENERAL CONFERENCE 2024_HRIATTIRNA LEH SAWMNA
United Pentecostal Church of North East India General Conference Vawi 56 -na chu April 25-28, 2024 chhung hian Kolasib Vengthar (North Mizoram District) ah neih a ni dawn a, kohhran memberte kan inhriattir e, kohhran dan anga khawmpui palai tur Licence neia rawngbawltute chu thahnem ngai taka General Conference hmang turin kan insawmin kan in hriattir a ni.
Rev. Zohmingthanzama
Secretary
United Pentecostal Church North East India.
———-
56th GENERAL CONFERENCE
PROGRAMME SCHEDULE
Theme : Ngai teh, ani chu a lo kal e.(Thup 1:7)
Behold he cometh. (Rev. 1:7)
25.04.2024(Thursday Night) 7:00 pm_Evangelistic Service
Chairman : Rev R.Lalrinsanga, General Suptd., UPC NEI
Welcome speech : Rev. K. Lalduhsanga, District Supdt., N Mz Dist
Choir : District Choir, N. Mizoram
Introduction : Chairman
Speaker : Pastor Kapliana, Maryland, USA
26.04.2024 (Friday Morning) 10:30 am_Departmental Conference:
1. General LAD : Vengthar Biak in
2.General Missions : Conference pandal
3.General Sunday School : Diakkawn Biak in
26.04.2024 (Friday Night) 7 : 00 pm:_Evangelistic Service
Chairman : General Suptd. UPC NEI
Choir : General Choir
Speaker : Rev. Peter Biswas, General Secretary, UPC of Bangladesh
27.04.2024 (Saturday) 7:00 am
General Election@Diakkawn Biak in
27.04.2024 (Saturday) 10:30am – 4:00pm
Conference business@ Conference Pandal
27.04.2024 (Saturday Night) 7:00pm :_Evangelistic Service
Chairman : Rev. R. Lalrinsanga, General Suptd., UPC NEI
Choir : Pentecostal Choir, Aizawl East District
Speaker : Rev. John Overton, Maryland, USA
28.04.2024 (Sunday Morning) 10:30pm :_Evangelistic Service
Chairman : Rev. Zohmingthanzama, General Secretary, UPC NEI
Ordination Service : General Superintendent, UPC NEI
Choir : District Choir, Lunglei
Speaker : Rev. John Overton, Maryland, USA
Choir : District Choir, N. Mizoram District
Certificate distribution
28.04.2024 (Sunday afternoon) 2:00pm: Lenkhawm @ Conference pandal
Kaihruaitu:
1) Rev. C. Laltlanchhuaha, Rengdil
2) Pastor Zoramthara, Lengpui
28.04.2024(Sunday Night) 7:00pm_Evangelistic Service
Chairman : Rev. Lalmalsawma Sailo, General Treasurer, UPC NEI
Chanchin sawina : Rev. Zohmingthanzama, General Secretary, UPC NEI
Choir : Pentecostal Choir, AED
Presentation : From UPCNEI, All Dist & Deptt, Personal.
Choir : District Choir, Lunglei
Valedictory Message : Rev.R.Lalrinsanga, General Suptd., UPC NEI
Choir : General Choir
———-
———-
LUNGLEI DISTRICT
ZOBAWK BIAL HAWN A NI:
April ni 7, 2024 Pathianni hian Lunglei District Conference vawi 59-na in a lo rel angin Zobawk Bial thar chu hawn a ni.
Bial thar hawn inkhawm hi Zobawk Local UPC Biak inah neih a ni a, Rev. PC. Lalfakawma District Secretary chuan inkhawm a kaihruai a, Rev. C. Lalrintluanga District Superintendent chuan Bial thar hi a hawng.
Rev. C. Vanlalena, Zobawk bialtu Pastor Rev. K. Lalchhuansanga Theiriat Bialtu Pastor kal chhuak ta, Rev. R. Lalsangzuala Theiriat Bialtu Pastor thar, Upa P. Lalthanzuala Secretary Zobawk Bial, Upa HS Lalbiakngura Secretary Theiriat Bial, ten thu tawi sawina hun an hmang bawk. District Kohhranpui aiawhin Rev K. Vanlalhruaia District Treasurer-in thilpek hlanna hun a hmang a, District Department hrang hrangte bakah Theiriat Bial leh Sertlangpui Bial ten bial thar tan lawmpuina thilpek an pe bawk.
Bial thar hawnna inkhawmah hian Sist.PC. Lalrengpuii, Zobawk Local leh Sist. F. Lalrinhlui Farm Veng Local ten Pathian fak hla sain, Rbt V. Darthuama Treasurer, Zobawk Bial hnen atangin lawmthu sawina ngaihthlak a ni a, Rev C. Lalhriatpuia, District Missions Director-in malsawm tawngtaina in hun a khar a ni.
Zobawk bial chhungah hian Theiriat Bial a awm thin Zobawk Local, Zobawk Vengthar Local, Immanuel Local Zobawk, Dawn Local leh Ralvawng Local-te an awm a, Lunglei District-a bial 21 na tur a ni. Zobawk Bial-ah hian District Board-in a lo rel angin Rev C. Vanlalena a awm ang.
Bial thar hawnna ah hian Bial tharin a huam chhunga Bial mipuite bakah, Theiriat bial atangin mi engemawzat an tel a, District Department hruaitute bakah Bialtu Pastor engemawzatin he hun hi an hmanpui bawk.
———-
MEILAM SIAL HNATLANG:
April 6 Inrinni khan Environment Protection Committee, PYD Lunglei District-te hmalaknain Lunglei Town huap hnatlang runpui neih a ni.
He hnatlang ah hian Lunglei tlaklam kham hnuai BRTF road kawngpui kam vel tihfai (meilam sial) hna thawh a ni.
Hna tan hmain hunserh tawi hman a ni a, Upa C.Malsawmkima EPC Chairman-in hun a kaihruaia, Rev.C.Lalrintluanga, Lunglei District Superintendent chuan hunserh hmangin EPC-te hmalakna tha a tih thu leh Tui hna kang zel ven nan leh boruak thianghlim Thing leh Mau atanga kan hmuh thin thu te a sawi a, heng kan Thing leh Maute hi kangmei laka humhalh a tul zia te a sawi lang bawk.
Evan Laldinpuia Sailo District PYD Treasurer-in hnatlangte hnenah lawmthu sawina a nei a, Rbt. A.Lalchhuanawma Secretary EPC hnen atangin hnathawh dan tur ruahmanna te ngaihthlak a ni a, Lunglei khawpui kangmei laka venhimna hna thawka hnatlangte chungah lawmthu a sawi nghal bawk.
Environment Protection Committee, PYD Lunglei District hian kum tin Tuihna humhalh leh Environment humhalhna kawngah hian hma a la thin a,Changel leh Thingte phun in District chhung Bial leh Local hrang hrangah hma nasa takin a la a ni. Tuikhur humhalh kawngah pawh Lunglei Dist chhunga khaw hrang hrangah hma a la bawk.
Meilam sial a hnatlang thawk chhuak hi mi sawmriat (80) chuang an ni.
———-
KUMPUAN HMA LA THA LEH VIDEO TAWI INSIAMSIAK RESULT PUAN LEH LAWMMAN SEMNA HUN HMANG:
April ni 5, Zirtawp zan khan District UPC Conference Hall-ah PYD Lunglei District Kumpuan Committee hmalaknain Kumpuan hma la tha bial leh Video tawi insiamsiak result puan leh lawmman semna hun hman a ni.
He hun hi thiam takin Sist. K. Lalrinkimin a kaihruai a, Rev.K.Vanlalhruaia, Treasurer UPC Lunglei District chuan hunserh a hmang a, Sist.Thelma Lalrinfeli leh Sist.B.Vanlalropeki ten zaia rawngbawlna neiin, Rbt.C.Lalbiakenga, Secretary Kumpuan Committee chuan Report a pe a, Evan.Laldinpuia Sailo, Chairman Kumpuan Committee chuan thu a sawi bawk.
Evan.H.Lalhmingmawia, Treasurer Kumpuan Committee chuan Result a puang a, lawmman sem chhunzawm a ni.
VIDEO TAWI IN SIAM SIAK :
1-na College veng Local PYD
2-na Chhipphir Local PYD
3-na Electric veng Local PYD
KUMPUAN BAWHZUI THA BIAL :
1-na Pukpui bial PYD
2-na Pangzawl bial PYD
3-na Rahsiveng bial PYD
He hunah hian District PYD Kumpuan Committee Member-te bakah Town Area-a, PYD Member mi 50 chuang an kal khawm a ni.
———-
TAWIPUI BIAL PCD TEN SPORT MEET CUM RALLY HLIM TAKIN AN HMANG:
April ni 5-7 chhung khan Tawipui Bial PCD-te chuan Tawipui N-II Local-ah Sport Meet Cum Rally hlim takin an hmang.
He hun hi April ni 5, Zirtawp zan atang khan hman tan a ni a, April ni 6 Inrinniah Outdoor games chi hrang hrang hmangin intihhlimna neih a ni a, April ni 6 Inrinni zan atangin April ni 7 Pathianni zan thlengin inkhawm neiin hun hman a ni. Inkhawm banah hian Solo, Recitation, Group zai, Sermon leh Lengkhawm zai hmangin intihsiakna neih chhunzawm thin a ni a, Pathianni chawhnuah fellowship neih a ni bawk.
He Sport Meet cum Rally ah hian member 116 an riak lut a, inkhawmna ah te hian District PCD hruaitute, Vice President Rbt.V.Lalromawia, Treasurer Bro.PC.Vanlaltluanga, Asst.Secretary Bro.C.Lalnunfela leh Tawipui bial PCD V.President Upa Kalvari Famkima ten Pathian thu an sawi a ni.
———-
LUANGMUAL BIAL PYD-IN SILVER JUBILEE AN LAWM:
April ni 6, Inrinni chawhnu dar 1:30 khan PYD Luangmual bial te chuan Luangmual Local Biak Inah an kum 25-na Silver Jubilee hlim takin ruai nen an lawm.
Biak In pawnah hruaitu hlui mi 25 ten Jubilee dar an vua a, he hun hi Silver Jubilee Organising Comt. Secretary Bro.R.Lalbiakthuama chuan a kaihhruai a, Biak In chhungah Jubilee lawmna inkhawm neih chhunzawm niin, inkhawm hi Silver Jubilee Organising Comt. Chairman Rbt.K.Lalrintluanga chuan a kaihruai a, bialtu Pastor Rev.Lalbiakdika Chawhte chuan Pathian thuchah a sawi. Evan.C.Lalremchhunga, President PYD Lunglei District leh Luangmual bial PYD Vice President hmasa ber Evan.C.Lalnuntluanga ten thu an sawi bawk.
He inkhawmah hian Bial PYD Zaipawlte an zaia, Bial PYD Secretary leh Souvenir Editor Rbt.B.Lalrozama hnen atangin bial chanchin tlangpui leh Souvenir buatsaih anih dan leh a chhunga thu awmte ngaihthlak anih hnuah Upa H.Lalkungpuia chuan Souvenir a tlangzarh a, Silver Jubilee Organising Comt. Asst.Secretary Rbt.C.Lalnunpuia kaihhruainain hruaitu hlui mi 33 te hnenah chawimawina thuziak leh Souvenir hlan a ni. Jubilee hriatrengna Pastor Quarters a tar tur thuziak hlanna Silver Jubilee Organising Comt.Treasurer Sist.Zonuntluangin a nei a, Bial PYD Treasurer Rbt.Lalrindika kaihhruainain Luangmual bial PYD member Bible chhiar chhuak mi 9 te hnenah lawmpuina Memento hlan a ni bawk.
Tun dinhmunah Luangmual bial PYD huam chhungah hian Local 5 awm mekin member hi 264 an awm mek a ni.
Jubilee lawmna hi April ni 7 Pathianni zan thlengin hman a ni a, Speaker atan Evan.R.Lalrokhawma, Home Missionary Zehtet field, Thingsai bialtu Pastor T.Zahmingliana leh Evan.R.Lalthlamuana, Home Missionary Vaisam Field-te hman an ni a, April ni 7 Pathianni chawhnuah Jubilee Fellowship neih a ni a, Rbt.Lalfamkima Sailo chuan a kaihruai.
———-
———-
AIZAWL EAST DISTRICT
Charge inhlan:
Aizawl East District hnuaia Kohhranpui leh Department hrang hrang bakah Kohhranpui hnuaia Sub- Committee peng hrang hrangte chuan April 2, Thawhlehni khan District Hqrs. Biakin-ah Charge inhlanna an nei. He hun hi Rev. KVL. Hmangaihkima, District Superintendent chuan kaihruaiin tawngtaina a hmang nghal a ni.
Heng Dept.hruaitu leh Committee peng hrang hranga hruaitu turte hi District Board, March 12 – 14 chhunga neih khan alo ruat tawh a, District Kohhranpui hruaitu tharte pawh hi Kumin March thlaa District Conference, N. Lungpher hmunah neihah khan thlan thar an lo ni tawh bawk a ni.
District Kohhranpui leh Department hrang hrang hruaitu tharte:
Kohhranpui hruaitute:
Superintendent: Rev.R. Laltlankima
Secretary: Rev.H. Lalropuia
Treasurer: Rev.VL. Hnemtluanga
Department hruaitu tharte:
Missions Department:
Director: Rev.C.Lalmalsawma
Secretary: Evan C Lalremruata, Mualpui Bial
Treasurer: Evan C.Lalthlamuana, Bazar Bial
PYD
President: Pastor J.Lalhmingsanga
V.President: Evan Dr.R.Vanlalpeka, Bazar Bial
Secretary: Evan Lalfelkima, Bethlehem Bial
Asst.Secretary: Evan F.Malsawmdawngliana, Bawngkawn Bial
Treasurer: Evan Lawmsangkima, Zemabawk North Bial
Fin.Secretary: Evan K.Lalbiaknunga, Bawngkawn Bial
S.S:
Director: Rev.C.Lalengliana
Secretary: Evan K.Lalmuansanga, Upper Republic bial
Treasurer: Evan.Lalramzauva, Bethlehem Bial
LAD
President: Sis.R.Lalramsiami B/W, Bazar Bial
V.President: Sis.Rodingliani Sailo B/W, Serchhip Bial
Secretary: Sis.Lalhmunsiami Khiangte B/W, Zemabawk North Bial
Asst.Secretary: Sis.Saimawii B/W, Serchhip Bial
Treasurer: Sis.Laldinpuii, Bazar Bial
Fin.Secretary: Sis Lalbiakkimi, Upper Republic Bial
———-
Pastor induction:
Aizawl East District Board March 12-14 chhunga neihin Bialtu Pastor thenkhat an awmhmun a sawnte chuan April 5.2024, Zirtawpni khan an awmna tur thar an thleng hlawn a, heng Bialtu Pastor an awmna hmun sawn te hi April 7, Pathianni khan lakluhna, induction hetiang hian neih a ni.
1. Pastor Hmingchungnunga, Thingsulthliah Bial chu Pastor Laltlanhlua Hnamte, Upper Republic Bialtu Pastor in lakluhna a nei a
2. Rev.Rosanga Kawlni, Bazar Bial chu Rev. R. Laltlankima, District Superintendent in lakluhna neiin
3. Rev C.Lalengliana, Zemabawk North Bial chu Rev. KVL. Hmangaihkima’n lakluhna a nei a
4. Pastor H.Lalbiakzauva, Khawruhlian Bial chu Rev. R.Malsawma, Zemabawk Bialtu Pastor in lakluhna neiin
5. Pastor Philip VL.Hmuchhuaka, Khawlian Bial chu Rev. VL. Hnemtluanga, District Treasurer in lakluhna a nei a ni.
6. Pastor H.Lalhmingmawia, Darlawn Bial chu Rev. H. Lalropuia, District Secretary in lakluhna neiin
7. Pastor Robert Lalrinsanga, Khawbung bial chu Rev. E.Vanlalpeka Zote, Champhai Bethel Bialtu Pastor in lakluhna a nei bawk a ni.
———-
Rial leh thli thlehin In a tihchhiat, Zohmun khua te hnenah tanpuina hlan:
April 1.2024 zinglam Dar. 12:30 bawr vela rial leh thli thleh avanga Zohmun khua Chhungkaw engemawzat chenna In a tihchhiat chhawmdawlna atan Rev.H.Lalropuia, District Secretary chuan April 5, Zirtawpni khan District Superintendent Relief fund atangin tanpuina a hlan.
Heng chhiatna tawkte tanpuina atan hian District aiawhin Rev H. Lalropuia hian Zohmun VC te hnenah a tul anga an hman atan Rs. 100,000 (Nuaikhat) a hlan a, hemi bakah hian Zohmun Bial chhunga Kohhran Chhungkaw 64, rialin a denchhiat chhawmdawlna atan hian Rs. 2000 theuh hlan an ni bawk.
Rial tla leh thli tleh hian Zohmun Bial Pastor Quarters leh Zohmun Biakin thenkhat tichhe bawkin heng siamthatna tur hi District hian chhawmdawlna an tum dawn bawk a ni. District Hruaitute chungah Zohmun Bial chuan nasa takin lawmthu a sawi a ni.
April 6, Inrinni zingkarah pawh khan Saitual Bial, Tualbung khuaa Kohhran chhungkaw In, Thli leh rialin a tih chhiat te tanpuina hi Rev VL. Hnemtluanga, District Treasurer chuan a hlan bawk a ni.
———-
District PYD hnuaia Sub- Committee peng hrang hrang hruaituten charge an hlan:
April 4, Ninga zan khan District Committee room-ah Kum 2024 chhunga District PYD hnuaia Sub-Committee peng hrang hrang hruaitu hlui leh thar ten charge inhlanna hun an nei. He hun hi Pastor J. Lalhmingsanga, District PYD President chuan a kaihruai a ni.
He hunah hian hruaitu hlui leh tharte an kal tha in charge inhlanna neih zawh hian Sub-Committee peng hrang hranga committee member turte ruatna an nei leh nghal a ni. Kumin March 8-a District PYD Board neih khan Sub-Committee hruaitu tur hi alo ruat tawh a ni.
District PYD hnuaia Sub-Committee neihte:
1. Kumpuan 2. Education
3. Environment 4. Fund Raising
5. Street Ministry 6. Archive 7. Music & Choir
———-
Mithar leh baptisma chang thar:
April 6, Inrinni zan inkhawmah khan Khawbung Bial, Khuangleng hmunah Sis. Vanlalpari B/W, District Missions Evangelist rawngbawlna kaltlangin mithar pakhat Kohhranah sengluh a ni. Sengluhna hi Upa. Ramchanzauva, Bial Missions Secretary chuan a nei a ni.
April 7, Pathianni khan Serchhip Dinthar bial, Ramthar kohhranah Evan H Malsawmthanga rawngbawlna kaltlangin mithar pakhat sengluh a ni bawk.
April 7, Pathianni vek khan Evan F. Zirliana rawngbawlna kaltlangin Champhai Bethel Bial, Melbuk Kohhrana lawi turin chhungkaw khat, member pathum chu sengluh an ni bawk.Sengluhna hi Evan.F.Zirliana’n a nei nghal a ni.
Champhai Bethel Bial, Zokhawthar Kohhranah pawh April 9, Thawhleh zan khan member 4 chu sengluh an ni bawk. Zokhawtharah hian Evan H Laltlanzela’n rawngbawlna a nei mek a ni.
April 10, Nilai zan khan Kahrawt Bial, Chhungte Kohhrana lawi turin District Missions home Evangelist, Sis. Ramdinmawii rawngbawlna kaltlangin chhungkaw khat, member 7 chu Bialtu Pastor F. Malsawmtluanga’n sengluhna a nei. Chhungte hmunah hian Sis. Ramdinmawii’n rawngbawlna a nei mek a ni.
———-
District Missions Board:
Aizawl East District Missions Department hnuaia rorelna sang, District Board nikhat awh chu April 11, Ningani khan neih a ni. District Committee room-a neih District Missions Board hi Rev. C. Lalmalsawma, Director chuan a kaihruai a ni. He hunah hian District Kohhranpui hruaitute pawh telin Bial atangin Board member an kal tha hle a ni.
Rorelte:
1. Kum 2024 District Missions Department Conference na hmun a tan Khawzawl bial nise tih a ni.
2. Elpida Rehabilitation fancing na tur District PYD in an rawn Dil na chu, tha tih tlan a ni a, hruaitu ten hma lo la in, lo bawhzuise tha tih tlan a ni.
———-
Hruaitute Programme:
Rev R. Laltlankima, District Superintendent chuan a bial hmui mek, Suangpuilawn Bial tlawhin rawngbawlna a nei ang.
Rev VL. Hnemtluanga, District Treasurer chuan Ngopa Kohhrana Evan V. Lalngilneia te chhungkua in Pathian chawimawina an neiah Speaker-ah tangin rawngbawlna a nei.
———-
———-
NORTH MIZORAM DISTRICT
UPC (NEI) NORTH MIZORAM DISTRICT OFFICE HRUAITUTE PROGRAMME:
North Mizoram District hruaitu pathum Rev. K. Lalduhsanga, Supd. Rev. C. Lalthantluanga, Secretary leh Rev. C. Lalmuanpuia te chuan kum 2024 chu District kohhranpui hruaitu leh Department hruaitute bakah Committee peng hrang hrang hruaitute inruat thar kum a nih angin Dist. Level committee peng hrang hrang Committee puiin April ni 8-12 kar chung hun an hmang a, heta hian PSM, LAD, PYD, Literature Board, PenNet te meeting an neihpui a ni.
———-
LITERATURE COMMITTEE THUKHAWM:
UPC (NEI) North Mizoram District Literature Board Committee chuan April ni 9 Thawhlehni chawhma dar 11:00 khan Dist. Office Superintendent Room-ah kumin atana Meeting vawi 1-na an nei.
Committee, Literature Comt chairman Rev. C. Lalthantluanga, Dist. Secy in a kaihruai a, rorel pawimawh zingah Kum 2025 Nilai zan thupui chungchang an sawi ho va, THupui hlawm hetiang hian zirtur an chhawp chhuak:-
1. Ringtu nun leh Tawngiaina
2. Pentecost Zia
3. Kohhran Ni pawimawhte
4. Pathian chungchang
5. Kohhrana Department-te
6. Unau Inhmangaih Kohhran
7. Khawtlang rawngbawlna
Heng Thupui hlawm sarih (7) te hi thupui ziaktute’n zan 45 zir turin an ruahman dawn a ni.
Nilai Thupui ziak tur atan committee chuan heng mite hi a thlang chhuak bawk a ni.
1. Rev. B. Vanlalruata
2. Rev. P.Vanlalfela
3. Rev. C. Lalmuanpuia
4.Rev. C. Lalrammuana
5. Rev. K. Malsawmtluanga
6. Rev. Lalmalsawma Sailo
7. Rev. K. Lalduhsanga
8. Upa Lalnghinglova
(Literature committee)
———-
PENTECOSTAL SCHOOL OF MINISTRY COMMITTEE NEI:
April ni 10 Nilaini chhun Dar 12 khan UPC(NEI) North Mizoram District hnuaia Bible zirna Pentecostal School of Ministry (PSM) committee neih a ni. Committee hi District Supdt. Rev. K. Lalduhsanga’n a kaihhruai a, Committee hi District Office Committee room-ah neih a ni.
Meeting-ah thil tam tak ngaihtuahin Zirlai zirtirtu tur hetiang hian ruahmanna an nei.
1. Rev.K.Lalduhsanga : UPC NEI Manual
2. Rev.C.Lalthantluanga : Major Religion
3. Rev.C.Lalmuanpuia : Bible Doctrine I
4. Rev. C.Lalrammuana : Personal Evangelism
5. Pastor Lalduhsaka Saza: Bible Doctrine II
PSM Graduat turte sight seeing an neihpui thin chu kalpui leh nise tih a ni a. Rev. C. Lalrammuana kaihhruaina hnuaiah July ni 4-ah sight seeing neih an rel. Hei bakah hian Practical training tih leh tur niin June ni 30 hian an ruahman bawk.
Registration Day hi May ni 31-ah neih ni se tih a ni a. Programme District hruaitute kuta dah a ni.
Practical Training neih dan tur ruahman nghalin hetiang hian Practical kalpui dan tur an duang:-
Rev.K.Lalduhsanga : Sacrament
Rev.C.Lalthantluanga : Kesil
Rev.C.Lalmuanpuia : Inneih leh Mitthi Vui
Rev. C.Lalrammuana : Baptisma leh Hriakhnawih
Pastor Lalduhsaka Saza: Nauhlan
PSM Zirlaibu Man leh Admission Fee atan Rs1200.00 ni se tih a ni
Graduation Day hman hun atan July ni 5 zirtawpni Dar 1.00 pm an ruahman a, District Headquarters biak in tuikuahtlang-ah hman tur a ni ang. (PSM Committee)
———-
DISTRICT LAD EXECUTIVE COMMITTEE NEI:
April ni 9 (Thawhlehni) Chawhnu Dar 2:00 khan UPC (NEI) North Mizoram District LAD chuan Executive committee neiin; Dist. LAD President Sist F. Rohlupuii B/w in meeting a kaihruai.
District hruaitu pathum Rev. K. Lalduhsanga Dist. Supdt. Rev. C. Lalthantluanga, Dist. Secretary leh Rev. C. Lalmuanpuia, Dist. Treasurer ten meeting hovi’n District LAD hruaitute pualin fuihna thu tha tak tak an sawi.
Dist. LAD Executive meeting- hian 2024 District Tailoring board member thar an ruat bakah District office-a LAD aiawha a tul ang apiang lo buaipui turin District Office Staff Sist. K. Lalrokimi an ruat a. Hei bakah hi NMD LAD Board hun tur ruahmanna an nei bawk. (Dist. LAD Exe Comt)
———-
DISTRICT PYD EXECUTIVE COMMITTEE NEI:
April ni 10 (Nilaini) Chawhnu Dar 2:30 khan UPC (NEI) North Mizoram District PYD chuan Executive committee neiin; Dist. PYD President Rev. B. Vanlalruata’n meeting a kaihruai.
Meeting-ah District hruaitu pathum ten hovin District hruaitu pathum te hian thusawiin thalaite fuihna thu tha tak tak an sawi.
An Rorel pawimawh zingah District PYD Board neih hun tur ruahmanin May ni 2 an ruahman a, Office Staff April ni 11-a pensiona chhuak tur Bro. Lalbiakmawia thlahna thilpek pek an rel bawk. District huap Music Festival neih hun tur ngaihtuah bawkin a hun atan Dec ni 6 atanga 8 ni se. a hmun atan Reiek an ruahman bawk.
(PYD Exe Committee)
———-
REHMANG BIAK IN HAWN A NI:
April ni 8 thawhtanni khan Arunachal Field chhunga, Manigong biala awm, Rehmang Biak in chu N.Mizoram District Mission Director Rev.C.Lalramthanga chuan Lal Isua hmingin a hawng a, Pathian hnenah hlanna a nei nghal bawk a ni.
Biak in hi ft 24×60 niin RCC-a sak a ni a, sum leh pai hi engemaw chen N.Mizoram Dist, Mission Dept a tum a ni.
Remang Biak in sak nan hian cheng nuai kua vel hman a ni. Biak in hawn Inkhawm hi Field Director Rev. James L. Joute in a kai hruai a, Speaker Rev. C. Lalramthanga chuan Kohhran nihphung leh Kohhran chu Lal Isua din ngei a nihzia sawiin Kohhranah rinawm taka Lal Isua lokal hma zawnga, a rawngbawl tlat turin kalkhawmte a chah.(Remang Biak in hawng)
———-
PENNET COMMITTEE NEI:
UPC (NEI) North Mizoram District PeNet Committee chu April ni 11 chawhma dar 11:00 khan District Office Committee room ah neih a ni. Meeting Rev. C. Lalmuanpuia, Dist PenNet Chairman in a kaihruai a, Dist. Supdt. Rev. K. Lalduhsanga leh Dist. Secretary Rev. C. Lalthantluanga ten an ho.
District Hruai 2 te hian thusawiin; PenNet hmansawnna tur leh fuihna thu tha tak an sawi bawk..
Rorel pawimawh zingah General Conf thlirlawkna neiin Gen. Conference vawi 56, 2024 Apri 25-28-a Kolasib-a neih tur chhungah Gen PenNet nena thawhho dan tur chungchang sawi ho a ni a, General Confe. Media Cover chungchangah Gen PenNet hmalakna a theih dan kawng kawnga lo puih ve nise tih an rel a, Crew Training buatsaih chungchang rel bawkin vawi 1 mai nei lovin a hmasa atan PenNet in 2024 & 2025 atana Crew a ruat thar te pualin neih hmasa nise tih a ni a, a hun atan April ni 20 (Inrinni) Dar 10:00 Am ni se. trainers atan Bro. Lalchhuanawma (Ana) ruat a ni. PenNet Bungraw pawimawh lei chungchang ngaihtuah a ni a, PenNet bungraw lei tur tam taka awm zingah mamawh hmasa lei turin Rs. 300000 sanction hmasak ni se tih a ni. Hei bakah hian Recording Studio neih tha tih a ni a, District Board-ah dil nise tih an rel bawk. (PenNet Committee)
———-
NORTH MIZORAM DISTRCT HQRS. BIAL PYD TE WORK CAMP IN FEHCHHUAK:
UPC (NEI) North Mizoram District, Headquarters Bial PYD te chuan Bial PYD Conference rorelin a passed bawhzuiin April ni 10 (Nilaini) chawhma dar 9:30Am khan Work Camp turin an fehchhuak.
Workcamp hi Mission Dept enkawl Lengpui Bial, Dilzawl Missions Field-ah niin, Field-ah hian Biak in leh Missionary Quarters-ah Electric Wiring hna an thawk dawn a ni.
Workcamp –a chhuak te hi Bial PYD Hruaitu Bro. Lalvensanga Chawngthu, President. Bro. T. Lalzekima, Treasurer, Bro. Vanlalneiha, Vice President leh Bro. Zion Ramnghahmawia, Asst. Secretary ten hovin, T.Upa C. Lalthlengliana, Bial SS Treasurer-in a ho bawk.
Workcamp –a fehchhuak te hi an vaiin member 20 an ni a, Car 3 leh two wheeler engemaw hmangin an kal a ni. (Workcamp-in fehchhuak)
Facebook