Kumtina North East India UPC District thenkhatten an neih thin thla khat chhung Bible zirna neih thin Calvary Bible College Syllabus buatsaih chu kumin atan tan leh a ni dawn ta a.
1. May 31, Nilaini khan Kum 2017 session atan Aizawl East District huam chhunga Pathian Thu zirna short term course, Oneness Theological Seminary chuan Registration Day an hmang.
He hun hi District Committee Room-ah hman niin Rev Biaksangzuala, Theological Education Board Chairman chuan kaihruaiin Zirlaite hming ziahluhna neih nghal a ni. Rev Rosanga Kawlni, District Superintendent leh Rev Vanlalfela Ramtiam, District Treasurer hnen atangin thu sawiin zirlaite chu uluk taka an zirlai zir turin leh Kum thum chhung an kal avanga Graduate nghal ngawt tura inngai lo turin leh an nundan te uluk taka hmang turin fuihna thu a sawi. OTS Registration Day-ah hian Zirlaite leh zirtirtute chu telkim tura beisei an nih angin an telkim thawkhat hle a, Registration Day hman zawh hian Class siam remna hun an nei nghal a ni.
June 1, Ningani atang khan Class an tan nghal a, ruahman dan chuan Zirlaite tan awlsam zawkna leh hmasawnna a nih beiseiin June 15. Ningani-ah Mid-Term Exam neih tura tih niin July 2, Pathianni-ah Graduation Day hman tura ruahmanna siam a ni bawk.
Kumin-ah zirlai 31 an awm mek a, zirtirna hhna thawk turin Rev R. Lianzama, Evan K.Vanlalhlimpuia, Rev Biaksangzuala, Rev K.Satinvela, Rev Ellic Hnehzova Fanai bakah Rev Rosanga Kawlni leh Rev. Vanlalfela Ramtiam te an ni. OTS hi Kum 1998 atang khan din tan tawh niin mi engemaw zatin an lo Graduate tawh a, tunah hian rawngbawla chhuak mek leh Bialtu Pastor hna thawk tawhte pawh an an awm nual tawh a ni.
2. North Mizoram District chuan June 1, ningani dar 1:00pm khan Headquarters Biak In Tuikhuahtlangah Shoirt Term Bible zirna P.S.M (Pentecostal School of Ministry) chu an hmang a. Chairman Rev. C. Lalrammuana kaihhruaina in neih a ni a, tawngtaina Rev. Chhiarpuia, District Treasurer chuan neiin Rev. Laltluanga, PSM Secretary chuan Registration hun a kaihruai a. Pathian fakna hla Sist. Lalhlupuii hnen atanga ngaihthlak a ni. Thusawi Rev. C. Lalmuanpuia, Maubawk Bialtu hnen atangin ngaihthlak na ni a, District LAD ten Present hlanna leh thu tawi sawina hhun an hmang bawk. Pathian fakna hla sa in Rev. Lalremtluanga’n malsawm tawngtaina in kalkhawmte a tin ta a ni.
3. Lunglei District ten thla khat awh Pathian thu zirna ‘Pentecostal Bible School (PBS)’ chuan June 5, Thawhtanni hian Registration day a hmang dawn.
Registration day hman inkhawm hi June 5, chawhnu dar 2-ah Headquarters local biak in ah neih a ni dawn a, he hun hi Rev. R. Lalrosanga, PBS Principal chuan a kaihruai ang. District Missions Director, Rev. VL. Hmuaka chuan hunserh a hmang ang, Student inhmel hriattirna leh hriattur pawimawhte puanna neih chhunzawm a ni ang a, PBS Teacher ten thusawina neiin, Student ten an hruaitu tur thlanna an nei chhunzawm leh ang a, District Secretary Rev. C. Lalrintluanga chuan tawngtainain he hun hi a khar ang.
Kumin hian 1st Year ah 10, 2nd Year ah 8, leh 3rd Year ah 6 ten PBS hi an kal ang a, Class hi June 6, thawhlehni atang kal tan tur a ni ang.
Kumin hian Subject pasarih (7) an zir dawn a, zirtirtu atan Rev. C. Lalrintluanga, Pastor K. Vanlalhruaia, Pastor Jerry Lalmuanawma leh Evan. Remruatpuia Fanai te an ni ang.
Facebook