North Mizoram District Conference vawi 67-na rorelin a passed angin June ni 25 Pathianni hian North Mizoram Ditrict huam chhunga Pastor Bial 30-na turin Zawlnuam-Bawrai Bial thar hawn a ni dawn.
Bial thar hawn inkhawm hi zanin June ni 24 Inrinni zan atang hian Bawrai UPC Biak Inah neih a ni anga, District Treasurer Rev. Chhiarpuia’n inkhawm kaihruaiin Bial thar vawngtu tur atana ruat Evan. K. Malsawmkima chu Rev. Chhiarpuia’n a lawmlut ang. Pathian thuhril rawngbawlna Rev. Lalremtluanga Thenzawl Bialtu Pastor-in a nei bawk dawn a ni.
Bial thar hawn inkhawm Pathianni khian Bawrai UPC Biak Inah neiin Bial vawngtu Tirhkoh K. Malsawmkima’n inkhawm kaihruaiin Bial thar hawnna District Secy. Rev. Laltluanga’n a nei anga, Rengdil Bialtu Pastor C. Lalthlengliana leh Upa K. Lalthanzama ten thu an sawi bawk ang.
Pathianni chhunah Bial Conference vawi-1 na leh Bial Board vawikhatna neiin hun an hmang nghal ang. Kar leh PenNet Programme-ah Bial thar hawn chanchin leh Conferenre rorel kimchang kan tarlang dawn nia.
Facebook