Rengdil Bial Bajirung khua Thinghlun Vengthar an tihah Pentecost kohhran an pung zel a, he khuaah hian Bro. K. Pazawna chu Headquarters Bialte’n ruaiin kar kal taa member thar 75 neih a nih hnuah member thar 55 in an belh leh tawh a, tunah hian Bajirung ah hian member 130 chuang neih a ni tawh a ni.
Rengdil bial vek Sihthiang khuaah tun hnai khan Pentecost member an pung zel a, Bro. L.C Enga chuan District tirhin rawngbawlna a nei kalmek a, April thla chhung hian member thar 71 lai Lalpan mithar a pe tawh a ni.
—————
District Mission Director: Dist. Missions Director Rev. K. Lalduhsanga chu Phainuam Bial PYD bul tum Crusade Saipum Local-a neihah April ni 28 Zirtawpni zan atanga Pathianni zan hun a hmang ang. District Missions Director hian Missionary Support nei duh a zawng nghal bawk dawn a ni.
—————-
Missions Field Tlawh Chanchin –
North Bengal & Sikkim Missions Field tlawha fehchhuak North Mizoram District Pastor 9 te chuan tluang takin Aizawl an thleng.
2017 kum tir North Mizoram District board-in a rel “District Pastor ten General Missions Field fan nise” tih chu, rorel bawhzuiin North Mizoram District Pastor 9:- 1) Rev. C.Lalbiakzuala Chaltlang Bialtu Pastor, 2) Rev. PC Lalfela, Aibawk Bialtu Pastor 3) Rev. Rev. R.Lalhmangaiha, Sumsuih Bialtu Pastor, 4) Rev. C.Lalthantluanga, Vairengte Bialtu Pastor, 5) Pastor Lalramthanga Kawlni, Sialsuk Bialtu Pastor, 6) Pastor PC Laltlankima Chawlhhmun Bialtu Pastor, 7) Pastor R.Thanglura Bukpui Bialtu Pastor leh anmahni hruaitu District Drivers R.Lalnuntluanga,
R.Lalthanpuia leh H.Lalthantluanga te chuan kar kalta April ni 20 Ningani zing khan Aizawl an chhuah san a, heng Tour member te hi District hruaitu Rev. C. Lalrammuana, Dist. Supdt. leh Rev. Chhiarpuia, Dist. Treasurer te’n an ho a ni.
Tour member te hun hman dan kimchang ngaithla ila:- April ni 24 Thawhtanni khan Assam ram khawpui Guwahati, Assam Field Director Pastor Lalsiamliana Zote inah zanriah eiin he hmunah hian Assam Mission Field-a kohhran member te leh thawktu Missionary te tan urhsun takin tawngtaina hun an hmang.
April Ni 21 thawhlehni zing dar rukah Guwahati chhuahsanin Birpara panin an kal a, kawng lakah Nepalpara Biak In North Mizoram District Missions Department sak lai an tlawh bawk. Nepalpara hi Evan. Thandawla bial chhunga awm a ni. Tlai dar 2:00 PM ah Birpara thlengin Nandala Biak In North Mizoram Dist in an sak chu an tlawh nghal a. Nandala Biak In hian hungna (Fencing) ala neih loh chu Chaltlang Bial, Chanmari Local ten an tumsak dawn a ni.
Nandala Biak In an tlawh hnu hian Tukra Jatesuar biak in tlawh lehin, Nandala Biak In hi Ram Sai bakah thli leh ruahin a tihchhiat chhawmdawl ngai tak a ni a, Chawlhhmun bialten a siamthat hna an thawk dawn a ni.
April ni 21 thawhlehni tlai hian zanriah chaw Birpara Bialtu Pastor Titus a Quarters-ah eiin, Pastor Titus-a quarters hi a zim deuh avangin Quarters zauhna tur Chaltlang Bialte’n thawh an tum a, hei bakah hian Field Director te hman turin Washing Machine Vairengte ten an lei sak bawk.
Ni 22 Nilaini -ah Targherra Kohhran tlawhin Targherra biak in hi North Mizoram District-in an sak a ni a. Rev. C. Lalrammuana District Superintendent hawn a ni nghe nghe. Targherra-ah hian Kohhranhoten tour member te thingpui ruai an lo buatsaih sak bawk a ni.
Hemi ni vek hian Siligury Mission Field tlawh leh in, Missionary Ramesh an alo dawngsawng a, Siligury rawngbawlna kal zel dan tur te, hmasawnna atana thil tulte an sawi ho. Hemi ni hian Tista Sundari a rawngbawltu Tara Subha chenna in tlawhin, Missionary hian a rawngbawlna report a pe a, kohhran hmasawn zel dan tur an sawiho nghal a ni.
April Ni 23 Ningani-ah Birpara Headquarters ah inkhawmin Kohhran ho an hlim hle a, mi 4 in Lalpa Isua hmingin Rev.C.Lalrammuana kutah Baptisma an chang. Birpara Kohhranho te hian chawhlui an lo buatsaihsak a, Tour member te an lawm hle a ni.
Hemi ni Chawhnu hian Tulsipara biak in tlawh nghalin Missionary Quarters kawtah inkawm khawmna neih a ni a, zanah Lankapara Kohhran te an inkhawmpui a, Pastor tour member te hian Pathian fakna Mizo-a sain zaia rawngbawlna an nei a, Thlarau lam hla nen hlim takin an sak chhunzawm nghe nghe. Inkhawm banah Missionary Lallianbuangate in zanriah kohhranhote lo buatsaih an kil nghal bawk.
April Ni 24 zirtawp khan Darjeeling Field tlawh lehin Tukvar-a Missionary Harish John Lepcha inah tukthuan an ei a, Darjeeling Mission kalpui dan turte sawi ho nghal a ni. Darjeeling atangin Gangtok lamah kal lehin Gangtok Missionary Benjamina inah inkhawm tawi neih a bawk a, Benjamina inah hian Chawhlui an kilho nghal a ni. Gangtok Missionary te tan hian Sialsuk bial, Bukpui bial, Sumsuih bial leh Aibawk bialten Washing Machine an leisak a ni.
Tour member te hian April Ni 25 Inrinniah Pakyong Mission Field tlawhin April ni 26- Nilaini ah Madhubaghan ah an inkhawm ang a, Bhutan Mission Field tlawh lehin Jaigown West Bengal-ah an riak thla a, April ni 27 ninganiah Shillong-ah riakin, April ni 28, Zirtawpni khan dam takin Mizoram an thleng a ni.
Facebook