Aizawl East District Missions Department buatsaihin February 5, Pathianni Chawhnu Dar 1 khan District Hqrs Biak In, Ramhlun South-ah Missionary tirhchhuahna hun hman a ni. Tirhchhuah te hi Kum khat atana lak mi 7 leh thla khat atana lak mi 7 te an ni.
He hun hi Rev Darchhawna, District Missions Director chuan kaihruaiin Rev Rosanga Kawlni, District Superintendent chuan Missionary tirhchhuah leh thuchah sawina neiin sengkhawmna hna thawk a, Thianghlim taka nung vawng turin leh Hmangaihna nena rawngbawlna hna thawka, Lalpa ropuina tura rawngbawl turin a chah a ni. Missionary te tawngtai sakna hun Rev K.Hrangvunga’n a hmang.
Missionary te fuihna Rev Vanlalfela Ramtiam, District Treasurer chuan neiin, Missionary te chu nuamsa taka rawngbawl tur an nih loh thu leh hrehawm tawrh pawh huama an rawngbawl hna hlen tur an nih thu a sawi a ni. Pathian fakna hla Bazar Bial Zaipawl, General PYD Choir leh Lalthansanga Kawlni ten an sa a, C.Lalmalsawma, District Missions Secretary chuan Missionary tirhchhuahte chanchin report a pe bawk.
Missionary tirhchhuahte tan hian February 3, Zirtawpni khan Training an lo nei tawh bawk a ni. Missionary tirhchhuah te leh an awmna hmun te:
Kumkhat chhung atana lakte:
- Evan Lalduhawmsanga, Dulte-Kawlkulh Bial-ah
- Evan Rodingliana, Zokhawthar -Champhai Bethel Bial-ah
- Evan K.Vanlaldika, Chekkawn – North Vanlaiphai Bial-ah
- Sis Sangkhumi B/W, Lamherh – Suangpuilawn Bial-ah
- Evan HK Lalhmangaiha, Tawizo-Keifang Bial-ah
- Evan R.Lalfamkima, Sialhawk – Khawhai-ah
- Evan J.Lalhmingsanga, Thuampui-Zemabawk Bial-ah
Short Term (Thla hnih) atan lak te:
- Evan Larchhuakmawia, Sialhau -Serchhip Bial-ah
- Evan F.Zirliana, Leithum – Khawbung Bial-ah
- Evan Lalbiakmuana, Khawpuar -Sakawrdai Bial-ah
- Evan Ramfangzauva, Hermon -Khawzawl Bial-ah
- Evan H.Malsawmthanga, Darlawng- Thingsulthliah Bial-ah
- Evan Kamneihthanga, Chhungte- Champhai Bial-ah
- Evan K.Laltlanmawia, Pamchung- Rabung Bial te an ni.
Facebook