1. Oct. 7 inrinni khan Saikuti hall-ah PENTECOSTAL CHILDREN DEPARTMENT (PCD) Lunglei district buatsaihin PCD MEET hlawhtling taka hman a ni.
Meet hi District PCD President Bro. R. Ramdingliana’n a kaihruaia, Treasurer Bro. Jacob Ramengmawia’n hunserh hmangin, Senior Adviser Rev. C. Lalrintluanga leh District PYD Education Committee atang thusawi ngaihthlak a ni. Sis. B. Lalrinsangi kaihhruaina in Solo Competition leh Special item hmuhnawm tak tak en ho a ni.
Meet-ah hian PCD member 700 chuang local 17 atangin an kalkhawm a, Solo ah hian Mipa 14 leh Hmeichhia 17 ten intihsiakna neiin, Special Item hmuhnawm tak tak local 14-in an entir bawk.
Hetiang hi Solo a lawmman dawngtute an ni.
MIPA:
1-na Lalhlimpuia Sailo, Headquarters local.
2-na Lalrinsiama, S.Phaileng local.
3-na Alex Vanlalhruaizela, Venglai.
HMEICHHIA:
1-na CV.Remsangzuali, Kikawn.
2-na Hmingthansangi Pachuau, Sekhum.
3-na Lalrindiki Punte, Rahsiveng.
2. Oct.6-8 chhung khan Rahsiveng bial PYD Meet chu Vanhne-ah hman a ni a, bialtu Pastor Rev. P. Lalthanga chuan he Meet-hi a hawng.
Oct.6 (Fri) zan khan Education Sub.Comt.buatsaihin quiz Competition neih a ni a, Oct.7.(sat) zan lamah Music Committee-te buatsaihin malzai leh lengkhawm zai intihsiakna neih a ni bawk. He meet hi District PYD President Evan.V.Lalduhawma chuan hmanpuiin Oct.8 (Sun) zing inkhawmah thusawi
rawngbawlna a nei a ni.
He meet-ah hian Vanhne local chu pakhatna niin, Hauruang local chu pahnihna an ni a, Rahsiveng local chu pathumna an ni.
Tin, October 14 Inrinni hian Theiriat bial PYD te chuan Zobawk biakin ah Musical Meet an hmang dawn. He meet hi bialtu Pastor Rev.R.Vanlalenga chuan a hawng ang a, District PYD Choir chuan zaiin rawngbawlna an nei bawk ang.
He meet-ah hian bial chhung local hrang hrang atangin Zaipawl, Solo,Worship Dance, Group zai leh Special Item hmuhnawm tak tak thlir ho a ni ang.
Facebook