April 29, Inrinni khan Headquarters bial Sunday School Department buatsaihin Headquarters biak in ah bial chhung local hrang hranga Sunday School hruaitute leh zirtirtute pualin Seminar buatsaih a ni dawn a, he hun hi Evan.F.Lalhmangaiha resource person atana hman a ni ang.
Seminar Thupui atan ‘Zirtir dan leh zirtirtu pawimawhna’ tih leh ‘Sunday School pawimawhna leh a thil tum te’ tih chu hman a ni ang.
April 29, inrinni vek khan Luangmual biak in ah Luangmual bial chhunga rawngbawltute, bial leh local hrang hrang a Department hnuaitute tan Seminar buatsaih a ni dawn a, he Seminar ah hian District Treasurer Rev.C.Vanlalena chuan ‘Church Administration’ leh ‘Leadership’ tih thupui hmangin zirtirna a pe ang a, District Sunday School Director Evan.C.Lalremchhunga chuan ‘Accountancy’ leh ‘Thilpek’ tih thupui hmangin zirtirna a pe bawk ang.
—————–
Tawipui bial hmalakna a local intlawh kual nise tih bawhzui nan Mualthuam S local-te chuan April 30, Pathianni hmang hian Tawipui N II local-ah rawngbawlna an nei ang. (Pic. Tawipui biak in)
April 30, Pathianni vek hian Lungsen N local te chuan bial LAD Conference rorelin bial chhung local tinte intlawh kual nise tia a lo rel bawhzuiin Phairuangkai local an tlawh ang. (Pic. Phairuang biak in)
Theiriat bial Conference rorelin bial chhung local hrang hrangte intlawh kual nise tia a lo rel bawhzuiin April 30, Pathianni hian Hrangchalkawn local te chuan Zobawk local an tlawh ang. (Pic.Zobawk biak in)
—————
April 28-30 chhung hian Pangzawl bial PYD te chuan Sport meet cum revival Khuanghlum local-ah an nei mek. April 29 hian infiamna chi hrang hrang hmangin intihhlimna neih a ni ang a, zan lam atangin revival programme a hun hman chhunzawm a ni ang.
——————
Hnahthial bial LAD leh PYD joint Conference vawi 25-na chu April 28-30, chhung hian Hnahthial Chanmari biak in ah neih a ni dawn a, Speaker atan Chengpui Home Missionary Evan.F.Lalsanglura chu hman a ni ang. He Conference ah hian hruaitu lo ni tawhte chawimawina neih a ni ang.
Facebook