October 12, Nilaini khan Aizawl East District Literature & Publication Board chu Rev. Rosanga Kawlni, District Superintendent kaihhruaiin Superintendent room-ah an meeting in Kum 2017 chhunga Aizawl East District puma Nilai Zan thupui zir tur editing an nei.
Kumin May thla-a Literature & Publication Board thukhawm chuan Kum 2017 chhunga Nilai zan thupui zir tur leh a ziaktu tur ngaihtuahna lo nei tawhin Thupui atan “Ringtute mawhphurhna leh Tunlai Khawvel” tih thlan a ni a, a ziak turin Rev.KVL Hmangaihkima, Khawruhlian Bialtu Pastor chu a lo ruat tawh a, Nilai Zan thupui hi June leh July 2016 chhunga ziak zovin, editing hna hi August thla chhunga neih ni se, October 2016 ah chuan hralh chhuah hman tura hmalak nise alo tih angin tunah hian chak takin hmalak chhoh mek a ni. Kum 2017 Nilai Zan thupui-ah hian Thupui hlawm hrang hrang bung 42 zir tura siam niin : Kohhrana mawhphurhna tih te, Ringtute mawhpurhna tih te, Ringtute mawhphurhna- Inkhawmah tih te, Ram leh hnam leh khawtlangah tih te, Krista tana Palai kan ni tih te, Thianghlimnaah tih te, Thlarau lamah tih te, Ram la tura hmalak dan tur tih te bakah Ram lak nan Thuthlung tih te, Pathian ralthuam tih te Thupui hlawm then lian zual zir tura chhawpchhuah te an ni.
Kuminah hian Literature & Publication Board member atan hian Chairman-ah Rev Rosanga Kawlni, District Superintendent, Secretary atan Tual Upa Lalfelkima leh member atan mi 8: Rev Biaksangzuala, District Secretary, Rev Vanlalfela Ramtiam, District Treasurer, Rev R.Lalthanzuala, Pensioner, Rev Rohmingliana, Rev C.Laldintluanga, Pastor VL Hnemtluanga, Pastor Lalhmangaihawma Parte leh Pastor V.Lalnienga te chu District Board chuan alo ruat tawh a ni.
Aizawl East District Literature & Publication Board te hmalakna in tunah hian Kohhran Hla Bu, Android Version a siam chu Download theih turin peih alo ni ta a, Google Play Store-ah “Kohhran Hla Bu” tia zawn tur niin awlsam takin a Download theih ta a ni. Hemi-a tha leh zung sengtu zawng zawng bakah siam phalna pe tu General Hruaitute hnenah Aizawl East District Literature & Publication Board chuan lawmthu a sawi a ni.
Facebook