General PYD Conference rorel angin January 15 zan khan North East India huapa PYD inkhawm kim zan hman a ni.
Mizoram chhunga District 4- North Mizoram , Aizawl East, Lunglei leh Chhimtuipui ah te a bik takin urhsun takin hman a ni a-
Lunglei District chhunga local PYD hrang hrangten he hun hi hlawhtling takin an hmang a, General PYD President hlui leh tuna Lunglei District kohhranpui Treasurer nilai Rev. C. Vanlalena chuan inkhawm kim zan hi Zobawk local-ah a hmanpuiin thuchah a sawi a, District PYD hruaitute pawhin inkhawm kim zan hi mahni local-ah theuh an hmang bawk.
North Mizoram District Local hrang hrangah PYD te pawhin urhsun takin an hmang a, PYD member thar lawmluhna leh infuihtharna te neiin; Local thenkhat te chuan thingpui ruai nen he hun hi an hmang a ni. General PYD Secretary Evan. J.H. Malsawmdawngliana leh North Mizoram District PYD President Evan. F. Lalngaihawma te chuan Chaltlang Local PYD te hun an hmanpui a PYD fuihna thu an sawi bawk.
Chhimtuipui District chhunga local hrang hrang ten urhsun takin an hmanga, local thenkhatah chuan fellowship in hun an hmang. He hunah hian PYD active member ten an member hla-te Biak buk hruai thleng in hun hlimawm tak an hmang bawk.
Aizawl East District chhunga PYD te pawhin he hun hi ruhsun takin an hmang a, local hrang hrang ten an remchan anga hmangin Fellowship a hmang pawh an awm bawk a ni.
Facebook