1. Rev. Lalmalsawma Sailo, General Superintendent chuan Chaltlang Kohhran Diamond Jubilee lawm programme hman meka a lawmna pui ber naktuk May 27 inrinni chawhma dar 10 ah Diamond Jubilee lungphun a hawng anga, Zan lam thleng awmin thusawi rawngbawlna a nei ang.
2. Rev. Zohmingthanzama, General Treasurer pawhin Chaltlang Kohhran Diamond Jubilee lawmna hun May 28, Pathianni hian a hmanpui dawn a, May 24 zanah khan Jubilee puala Pathian thusawi rawngbawlna atana an siamsak chu a hmang tawh bawk a ni.
3. Rev. R. Lalhawia, General Missions Director chuan Arunachal Pradesh Missions Field ah rawngbawlna a nei mek a, Headquarters Along-a Silver Jubilee Hall an sak hawng tur leh Arunachal Missions Field chhung – Tadunia, Along, Manigong leh Itanagar te a tlawh dawn a. Dimapur Missions Field-lamah kual nghalin thla thar June 5ah Aizawl a kir ang.
4. Rev. R. Laichhingpuia, General Sunday School Director leh Rev. R. Vanlalawia, General Sunday School Secretary te chuan May 28 Pathianni hmang hian Tlangsang Bial, Tripura-ah Sunday School pual seminar an neihpui dawn. a He hun hmang tur hian May 28 inrinni hian Aizawl an chhuahsan ang.
5. Rev. C. Lalrammuana, North Mizoram District Superintendent chuan naktuk May ni 27 Inrinni hian Chaltlang Bial Diamond Jubilee lawmnaah telin Thuhrilh rawngbawlna a nei ang.
6. Rev. Laltluanga, North Mizoram District Secretary chuan May ni 28 Pathianni zing hian Chaltlang Kohrhan Diamond Jubilee lawmna Programme kal zelah Thuhrilh rawngbawlna a nei ang.
7. Rev. K. Lalduhsanga, North Mizoram District Missions Director leh District Missions Treasurer Evan. J.H Malsawmdawngliana chuan May ni 22 Thawhtanni khan Home Missions Field Kolalian tlawhin Kohhran dinhmun an thlithlai a, rawngbawlna an neihsak bakah kohhran hmasawn dan tur an ngaihtuah bawk.
8. Rev Rosanga Kawlni, Aizawl East District Superintendent chuan naktuk May 27 Inrinni-a Sis Zoramhmangaihi te chhungkua, Tlungvel ten Pathian chawimawina an neih-ah Speaker-ah tangin Pathianni Zan thleng hian hun a hmang ang.
9. Rev Biaksangzuala, Aizawl East District Secretary chuan May 27 Pathianni hian Falkland Kohhran-ah rawngbawlna a nei ang.
10. Rev Darchhawna, Aizawl East Missions Director chuan Khawzawl Bial Tualchhung Kohhran hrang hrang-ah May 27 Pathianni hmang hian rawngbawlna a nei ang.
11. Rev. Lalzawm, Churachandpur District Superintendent, Rev. Paosei District Secretary leh Rev. Haungam, District Treasurer te chuan May 27, inrinni atanga tanin V. Munhoih local-ah rawngbawlna an nei dawn a, May 28 Pathianni chhunah New Mata local-ah leh zanah Pangzawl local-ah hun an hmang chhunzawm dawn a ni.
Facebook