1. Rev. Lalmalsawma Sailo, General Superintendent leh Rev. Zohmingthanzama, General Treasurer te chuan September 24, Zirtawpni khan Aizawl chhuahsan in Delhi an pan a, September 25 Missionary Day chu Delhi Kohhranah an hmang ang.
General Superintendent leh Treasurer te hian September 27 – 30 chhunga khawvel pum huap UPC kohhran inkhawmpui lian General Conference, Indianapolisa, Croune Naza, USA-a hmang nghal dawn a ni.
September 26 zingah Delhi atangin Amsterdam an pan anga, chuta tangin New York thleng leh in Indianapolis chu September 26, Thawhtan zanah an lut ang. USA-ah hian October 1-9 chhung an cham anga, kohhran thil pawimawh hrang hrangte an buaipui nghal ang a, October 10, Thawhtanni ah India panin an haw ang.
2. Rev. R. Lalrinsanga, General Secretary chu September 26 hian Tripura District a Kohhran pawimawh thawk turin a chhuak anga, Agartala leh hmun hrang hrang a tlawh ang. September 30 ah N. Mizoram District, rengdil Bial Missions Conference Borai khuaa neih turah thusawi rawngbawlna a nei anga, October 3 hian Aizawl ah a kir leh ang.
3. Rev. R. Lalhawia, General Missions Director chuan Champhai Bial Missions Conference ah thusawi rawngbawlna a nei ang. Missions Director hi Pastor James Lawrence, North Bengal and sikkim Missions Field Director chuan a tawiawm ang.
4. Rev. R. Lalrosanga, Lunglei District Superintendent chuan September 23-25 chhunga Serchhip bial Missions Conference ah thusawi rawngbawlna a nei ang.
5. Rev. C. Lalrintluanga, Lunglei District Secretary chuan September 23-25 chhunga Haulawng Lalveng local ten Missionary Day puala Crusade an buatsaih mek ah thusawi rawngbawlna a nei ang.
6. Rev. C. Vanlalena, District Treasurer chuan September 24-25 chhunga Ramthar local ten Missionary Day puala crusade an buatsaih ah thusawi rawngbawlna a nei ang.
7. Rev. C. Lalrammuana, N. Mizoram District Superintendent chuan zanin September 23 atanga tan Pathianni zan thleng awh tur Kawlkulh Bial Missions Dept. Conference vawi – 30-naah thusawi rawngbawlna a nei ang. Conference thupui atan hian “Li thuk lam pan la, len te deng rawh” tih hman a ni ang.
8. Rev. Laltluanga, N. Mizoram District Secretary chuan Thianghlimna beihpui thlak bawhzuiin September 18 khan Thenzawl Bial chhung Vengthar Kohhran, Vengpui kohhran leh PTS Kohhrante tlawhin Thianghlimna campaign a nei a, Kohhran hmun hma enfel ngai te a enfel nghal bawk.
9. Rev. Chhiarpuia, N. Mizoram District Treasurer chuan September 18 Pathianni chawhnu inkhawm Chaltlang Bial huap seminar Chanmari Kohhranah rawngbawltute puala neih chu a hmanpui a, Bial leh Local Department OB te an tel tha hle. District Treasurer chuan “N. Mizoram District Board chuan 1964 daih tawh khan license neite leh pastor nupuite zuk leh hmuam zawrh leh tih a khap tawh a, 1998 District Board ah license nei te chu an nupui ten zuk leh hmuam an tih chuan an license paih theih turin a rel tawh a ni. Rawngbawlna licence hi Kum 2015 thleng khan General Conf in mi 1046 hnenah License a pe tawh a, chung zingah chuan zuk leh hmuam tih avangin mi 80 vel chu an license paih sak ni tawhin, mi 40 dang chu case ziah loha chawl, zuk leh hmuam vang tho a chawl nia hriat an ni” a ti a, NEI ah hian License drop tawh chu an vaiin mi 414 an ni a, kohran chhuahsan vang te, politics vang te leh zirtirna dik loh vangte a ni tlangpui, Rev Chhiarpuia chuan a ti bawk a ni.
10. Rev Rosanga Kawlni, Aizawl East District Superintendent chuan September 23 Zirtawp Zan atanga tan Bazar Bial Missions Department Inkhawmpui neih chu a hmanpui anga, September 24 Inrinni atanga Pathianni thleng awh Thingsulthliah Bial Missions Department Inkhawmpui-ah rawngbawlna a nei leh bawk ang.
11. Rev Biaksangzuala, Aizawl East District Secretary chuan September 23 Zirtawp Zan atanga Bial Missions Inkhawmpui Khawruhlian Bial a neih chu a hmanpui ang.
12. Rev Vanlalfela Ramtiam, Aizawl East District Treasurer chuan September 26, Thawhtanni hian Hnahlan-a Kohhran hmun leh hma enin a kal anga, September 27 Thawhlehni-ah Aizawl a rawn let leh ang.
Facebook