1. Lunglei District in thla khat awh Pathian thu zirna a neih, Pentecostal Bible School (PBS) chuan June 29 Nilaithawhtan khan exam an tan ta a, Exam hi July 4 thleng an nei ang. Kumin hian PBS hian zirlai 22 awmin, July 9, Pathianni hian Graduation Day Headquarters biak in an nei dawn a ni.
2. Aizawl East District Pathian thu zirna, Oneness Theological Seminary (OTS) chuan July 2, Pathianni chawhnu 1:30 hian District Hqrs. Biak In, Ramhlun South-ah Graduation Day a hmang dawn.
He hun hi Rev Biaksangzuala, Principal chuan a kaihruai anga, Hunserh, Rev Ramtharpara Bazar Bialtu Pastor-in a hmang ang. Rev Lalmalsawma Sailo, General Superintendent chuan Degree Confer-na neiin Thusawi tawi Rev Lalmalsawma Sailo, Gen. Superintendent, Rev Rosanga Kawlni, District Superintendent, Rev Ellic Hnehzova Fanai, Lecturer leh zirlaite Graduate te aiawhin Pastor K. Lalhmingmawia te hnen atangin ngaihthlak a ni ang.
OTS-ah hian kuminah Zirlai 31 awmin heng zingah hian zirlai 12 te chuan an Graduate dawn a, Final Exam hi June 26 atanga ni 29 chhung khan an lo nei tawh a ni.
3. June 26-29 chhung khan Chhimtupui District enkawl Pathian thu zirna Apostolic Bible School chuan examna an nei a. July 2, Pathianni chawhnu hian District Headquarters Biak In ah Graduation Day vawi 9na an hmang dawn.
He Graduation Day ah hian kum dang a an lo tih thin tawh angin Senior Pastor (Pensioner) atangin speaker tur an ruat thin a, kumin Graduation Day speaker atan Rev.S.Ngunchunga hman a ni ang. Kumin hian Bial hrang hrang atangin zirlai 20 an awm in an zing a pathum te hi Graduate tur an ni. Zirtirtu te leh an subject lak dan :
- 1. Rev. Wl Thanghre – 1) Church History
- 2. Pastor Joseph L. Thlauhthang – 1)Epistle 2) Life and work of Christian Minister
- 3. Rev. Thanchunga Sailo – 1) Minor Prophets
- 4. Rev. Ramthatzawla – 1) Tabernacle
- 5. Rev. Dr. C. Sihmo – 1)Bible Doctrine 2)Pneumatology
Graduation day pual inkhawm buatsaih hi Rev. W.L Thanghre, Principal chuan kaihruaiin, Pastor Joseph L.Thlauhthang Registrar in result a puang ang a, Degree hlanna Rev.Wl Thanghre Principal in neiin Saiha Bial PYD Choir ten zaia rawngbawlna an nei ang. Tichuan Rev. S.Ngunchunga’n zirlaite tana fuihna thuchah a sawi dawn a ni.
Facebook