1. Bawngkawn Bial Tualchhung Kohhran kohhran hrang hrang ten Good Friday hun an hmang a, Peniel Kohhran ten lungngaih zan khan Bialtu Pastor buatsaihin Lalpa Zanriah Sacrament an kil ho a, Good Friday kha ruai nen hlim takin an hmang a, hunpui chhung hian Rev R. Sangthanga chu Speaker atan an hmang a ni. Bawngkawn Kohhran-ah chuan Good Friday zan khan Lalpa zanriah sacrament kil hovin hlim takin hun an hmang a, Ramhlun Vengthar Kohhran-ah chuan Good Friday ni khan Lalpa zanriah sacrament hi an kilho thung a, Inrinni zan khan Kesil rawngbawlna an nei bawk a ni.
2. Champhai Bial Tualchhung Kohhran te pawhin he hunpui hi hlim taka hmangin North Khawbung leh Chhungte Kohhran te chuan ruai nen he hun hi an hmang a, Dinthar Kohhran-ah mi pakhatin Thlarau Thianghlim a dawng thar bawk a ni.
3. Hnahlan Bial chhunga Local hrang hrang 7-ah Lalpa zanriah sacrament sem vek niin Hnahlan khawchhung Kohhran 4 chu Bialtu Pastor K. Lalhmingmawia chuan a tlawh kuala, a bak Kohhran-ah Tirhkohte tirh niin an rawngbawlna Lalpa’n mal a sawm hle a ni. Khuangphah Kohhran-ah chuan Damlo Inkhawm theih lote chu Evan Lalzarzoliana Parte chuan an chenna Inah Sacrament semin tawngtaina a nei a, chawp leh chilha damna changin an inkhawm thei nghal a ni. April 15, Inrinni khan Bro Thangsangliana te chhungkua Hnahlan chuan Pathian chawimawina neiin Kohhran hoten hlim takin hun an hmang bawk a ni.
4. Bazar Bial chhunga Local hrang hrangten Isua Krista lungngaih zan khan Lalpa zanriah sacrament hi an kilo vek a, Bial chhunga Pastor awm leh Tirhkoh te local hrang hrangah insemdarh in hun hman a ni. Good Friday ah local thenkhat in tisa lam ruai nen a hun hman laiin Local thenkhat chuan thingpui leh chhang ruai nen hun an hmang thung a ni. Chhinga Veng Kohhran ah hian Rev Vanlalfela Ramtiam, District Treasurer chuan hmanpuiin April 15, Inrinni khan Sis Sangkhawlthangi te chhungkua chuan Pathian chawimawina neiin Speaker ah Rev Vanlalfela Ramtiam, District Treasurer bawk an hmang a ni.
Ramthar local te chuan Good Friday leh a vuakvet ah Speaker atan Evan R.Vanchhunga chu hmangin thlarau malsawmna hnuai ah hun hmangin, kohhran a mi inphalte thawhkhawmin, April 22, Inrinni hian chawimawina an nei bawk a ni. Bial Headquarter Bazar kohhran pawh nasa takin Pathian in a awmpui a, naupang leh tleirawl te ah thlarau hnathawh ropui a thleng a, zaikhawmna ah pawh an hlim thin hle a ni, Thawhtan zan PYD Inkhawm pawh kha cancel in, Kohhran in zaikhawmna hun atan an hmang a ni.
5. Bethlehem Bial chhunga Tualchhung Kohhran te pawhin hlim taka hmangin Bethlehem Veng chuan Good Friday leh Easter Sunday kha hlim takin an hmang a. Pastor, Tirhkoh leh Upa ten he hunpuiah hian Thu an insawi chhawk thin a ni. Lungngaih zan khan Bialtu Pastor Rev. Dr. K. Thanchungnunga buatsaihin Lalpa zanriah sacrament kil a ni a, Kesil rawngbawlna an nei bawk a ni. Tunah hian Bethlehem Bial Missions Department chuan May thla atangin an Bial chhungah a rem channa hmun a pianga rawngbawl Turin Home Missionary rawih a tum mek bawk a ni.
6. Ngopa Bial ah Good Friday leh Easter Sunday kha hlim taka hman a ni a, Bial chhung khawtin ah Good friday khan Lalpa zanriah sacrament kil vek a ni. Bialtu Pastor R.Malsawma chuan Ngopa Hqrs leh Damaska ah te rawngbawlna neiin sacrament a buatsaih a, thingpui ruai nen he hun hi an hmang a ni.
Bial chhung Tirhkohte pawh hetiang hian sacrament rawngbawlna neiin an chhuak- Evan V.Lalngilneia N.EKhawdungsei ah, Evan Zomuanthanga, Lamzawl-ah, Evan.Zc Munga, Selam Biak Inpui leh Vengthar Kohhran-ah, Evan Vanlalpeka, Mimbung leh Teikhang ah, Evan F.Lalrotluanga, Kawlbem Kohhran ah te kal in rawngbawlna an nei theuh a Lalpan a thawhpuiin an hlim hle a ni.
7. Darlawn Bial chuan Bial chhung khawtinah Lalpa zanriah sacrament leh kesil rawngbawlna te neiin Bial chhungah hun hman vek a ni a, Ratu Melkawn Local leh Sunhluchhip Local ten tisa ruai thehin he hunpui hi an hmang a ni.
8. N.Vanlaiphai Bial chhunga Local hrang hrangte chuan April 13 (Ningani) zan atang khan Good Friday Programme an hmang tan a, April 15 (Inrinni) zan atangin Easter Sunday Programme an hmang bawk a ni. N.Vanlaiphai Hqrs. Local chuan April 13, Ningani zan atang khan Good Friday Programme an hmang a, April 14 (Good Friday) chawhma, chawhnu leh zanah te hman chhunzawmin rawngbawltute hnen atangin Pathian thuchah an ngaithla thin a ni. Easter Sunday pawh kha hlim takin an hmang a ni. Leilet Local chuan April 13, Ningani zan atang khan Good Friday Programme an hmang a, hemi zan hian Bialtu Pastor H.Lalropuia’n Sacrament a buatsaih an kilho a ni.
Rawlkhang Local chuan April 13, Ningani zan atang khan Good Friday Programme an hmang a, April 14, 2017 (Good Friday) zanah H.Lalropuia, bialtu Pastor-in Sacrament a buatsaih an kilho ni. Khawlailung Dinthar Local te pawhin Good Friday kha hlim takin an hmang a, Speaker-ah Evan. K. Vanlaldika (Chekawn Home Missionary) chu Speaker-ah an hmang ni. Khawlailung Bunghmun Local leh Lungkawlh te pawhin he hunpui hi hlim takin an hmang bawk a ni.
9. Khawruhlian Bial chhung Local hrang hrangten hlim takin hun an hmang a, lungngaih zan khan Bialtu Pastor leh tirhkohte buatsaihin Lalpa zanriah Sacrament an kil ho a ni. Lailak Local te chuan Good Friday kha tisa ruai nen hlim takin an hmang a,Hqrs. Local-ah Easter Sunday khan Manigong-a Missionary a awm mek Evan KVL Ruatmawia’n rawngbawlna a nei bawk a ni.
10. Mualpui Bial chhunga Tualchhung Kohhran te pawhin Good Friday leh Easter Sunday kha hlim takin an hmang a, lungngaih zan khan Lalpa zanriah Sacrament an kil vek a ni. Good Friday kha chhang ruai nen hmangin Easter Sunday khan Easter Artui an buatsaih hlawm bawk a ni. Salem Veng Kohhran Naupang Sunday School te chuan Easter Sunday zingkar khan Sunrise Service hun Biak In kawtah hlim takin an hmang bawk a ni.
11. Sakawrdai Bial te pawhin hunpui hi hlim takin an hmang a, Sakawrdai Vengpui Local te chuan lungngaih zan khan Bial Pastor K. Lalmuanpuia buatsaihin Lalpa zanriah sacrament kil hona an nei a, Good Friday ni khan Thingpui ruai a theh a ni. Sakawrdai South Local te pawhin lungngaih zan khan Evan Lalamena’n buatsaihin Sacrament kil hona an nei bawk a ni.
12. Zohmun Bial te pawhin Good Friday leh Easter Sunday khan Pathian Thlarau Thianghlim awmpuina hnuaiah hlim takin an hmang hlawm a, N.Tinghmunah Local te chuan Good Friday khan tisa ruai nen hmangin Bialtu Pastor B.Lalhmingliana’n Kesil rawngbawlna leh Sacrament rawngbawlna a nei a, Bial PYD Secretary Bro Lallawmsanga leh Bro Peter Lalvohbika te nupain an tawiawm bawk a ni.
Palsang Local ah Evan Jeho Lalthantluanga’n Kesil rawngbawlna leh Lalpa zanriah Sacrament rawngbawlna a nei bawk a, .Zohmun Local-ah Evan Lalsanglura’n rawngbawlna neiin Mauchar Local ah Evan. B. Laltanpuia’n Sacrament a bustsaih bawk a ni. Upper Sakawrdai a lawi Upa C Khupa te chhungkua chuan April 16, Easter Sunday khan Pathian chawimawina neiin Kohhran hoten hlim takin hun an hmang bawk a ni.
13. Serchhip Bial chhunga Tualchhung Kohhran hrang hrangte pawhin he hunpui hi Pathian Thlarau Thianghlim awmpuina hnuaiah hlim takin an hmang a, lungngaih zan khan Lalpa zanriah Sacrament kil hovin Good Friday khan Tualchhung tam zawk chuan chhang ruai nen hun an hmang a, College Veng Kohhran, New Serchhip leh Sialhau Kohhran ten tisa ruai nen he hun an hmang a ni.
14. Thuampui Bial chhunga Tualchhung Kohhran te pawhin Good Friday leh Easter Sunday kha Pathian Thlarau Thianghlim awmpuina hnuaiah hlim takin an hmang a, Thuampui Kohhran te chuan Good Friday kha tisa ruai nen hmangin Rev Darchhawna, Missions Director hnen atangin thuchah ngaithla in Easter Sunday pawh kha hlim takin hun an hmang a ni.
15. Zemabawk Bial te pawhin hunpui hi hlim takin an hmang hlawm a, April 13, lungngaih zan khan Tualchhung Kohhran zawng zawngah Kesil rawngbawlna leh Lalpa zanriah Sacrament buatsaih vek niin Tuirial Kohhran te chuan Good Friday kha ruai nen hlim takin an hmang a, mi inphalte thawhkhawm atangin Easter Monday thleng khan tisa ruai hi an la theh a ni. Tuirial-ah hian Kohhran in hmang ngailo tawh lo ten inhmang thar lehin Inkhawm ngailo te pawhin Pathian thu te an sawi thei hial a ni.
Zemabawk Vengpui Kohhran-ah pawh Good Friday ni khan Bro Rohmingthang te chhungkua chuan Pathian chawimawina neiin tisa ruai kilho a ni a, Easter Sunday kha Easter Artui cheimawi hmangin hlim takin hun an hmang a ni. Zemabawk Local te pawhin Pathian Thlarau Thianghlim awmpuina hnuaiah hlim takin hun an hmang a,Good Friday leh Easter Sunday chhung zawng khan Speaker-ah Evan J.Lalhmingsanga chu an hmang a ni. Good Friday ni khan Upa K.Thanchungnunga te chhungkua chuan Pathian chawimawina neiin Kohhran hoten hlim takin tisa leh thlarau ruai an kil ho a ni.
16. Rabung Bial chhunga Tualchhung Kohhran te pawhin Good Friday leh Easter Sunday kha hlim takin an hmang a, lungngaih zan khan Lalpa Zanriah Sacrament Kohhran hoten kilin Good Friday ni khan Bro Lalchungnunga te chhungkua, Khualen Kohhrana lawi te chuan Pathian chawimawina an nei a, Bialtu Pastor, Rev C.Lalengliana chu Speaker atan an hmang a, Aiduzawl leh Saichal Kohhran te pawhin ruai nen hlim takin an hmang a ni.
Facebook