United Pentecostal Church of North East India kohhran rorelna sang Executive Board favang thutkhawm chu September 1, Ningani khan General Headquarters Committee Room, Mualpui Salem vengah tan a ni a, September 2, Zirtawpni khan tluang taka zawh fel a ni.
Kumin favang thutkhawmah hian New Pension scheme chungchang, Kokataa Bengali Bible School din dan tur, Archives Cell din rawtna, Guwahati Building Project chungchang, Pastor thar nemngheh dan tur, General Conference senso chungchang, General leh District PYD Conference a rorel palai bik siam rawtna, Calvary Bible College thawktute Promotional Grade chungchang te leh District hrang hrang atanga Agenda lut te an ngaihtuah a, kum 2016 Half Year Audit report an thlir ho bawk. Chanchin buatsaih lai hian report kimchang hriat theih a nih loh avangin karleh lamah chanchin kimchang tarlan a ni ang.
Ni hnih awh Favang thutkhawmah hian Board member te an kal kim thei a ni. Mizoram chhung District hrang hrang leh State pawn – Nagaland, Meghalaya, Tripura, Manipur leh Assam state atanga member te pawh an rawn kal kim thei a ni.
Facebook