GENERAL HRUAITUTE PROGRAMME:
General Superintendent Rev. Zohmingthanzama chuan May ni 19, 2024 Pentecost Day ni hian North Mizoram District Headquarters Kohhran, Tuikhuahtlang-ah hun hmangin rawngbawlna a nei ang.
General Secretary Rev. Lalmalsawma Sailo chuan May ni 19, 2024 Pentecost Day ni hian Chanmari Kohhran, North Mizoram District-ah Thusawi rawngbawlna a nei ang.
General Treasurer Rev. R. Laichhingpuia chuan Pentecost Day Programme Mualpui Kohhran hmanpuiin, zan-ah Thusawi rawngbawlna a nei ang.
General Missions Director Rev. C. Vanlalena chu Zobawk Bial, Imanuel Kohhran, Lunglei District ten Pentecost Day Programme an hmanah Speaker-ah tangin rawngbawlna a nei ang.
General Sunday School Director Rev. Biaksangzuala chuan Pentecost Day ni hian Thingsulthliah Kohhran-ah hun hmangin rawngbawlna a nei a, zan lamah Sesawng Kohhran ah rawngbawlna a neih chhunzawm ang.
———-
UPC NORTH EAST INDIA HRUAITUTE CHARGE INHLAN:
May ni 15, 2024 Nilaini Dar 10:30 am khan UPC North East India Geneal Treasurer leh Department hrang hrangte bakah Compassion Center Project Director-te charge inhlanna General Headquarter Committee Room, Mualpui Salem veng Aizawl-ah neih a ni.
Charge inhlanna hi General Secretary Rev. Lalmalsawma Sailo chuan kaihhruaiin, Rev. Biaksangzuala’n hunserh a hmang a ni. Geneal Official Election, 2024 Kolasib Diakkawn Headquarter a neihin UPC North East India General Treasurer a tana ruatthar Rev. R. Laichhingpuia chuan Charge-la in, hemi hnu hian Department hrang hrang, Compassion Center Project Director leh CBC OB ten charge inhlanna an nei bawk.
Kum 2024 atanga 2025 chhung a UPC North East India, Department hrang hrang hruaitu a tan a ruat tharte chu:
GENERAL MISSIONS DEPARTMENT HRUAITUTE:
1. Gen. Missions Director, Rev. C. Vanlalena
2. Gen. Missions Secretary, Rev. VL. Tluanga Sinate
3. Gen. Missions Treasurer, Evan. F. Lalsangliana
GENERAL SUNDAY SCHOOL DEPARTMENT HRUAITUTE:
1. Gen. S.S Director, Rev. Biaksangzuala
2. Gen. S.S Secretary, Rev. JH. Zahluna
3. Gen. S.S Treasurer, Evan. R. Lalbiakfela
GENERAL PYD HRUAITUTE:
1. Gen. PYD President, Rev. C. Lalthantluanga
2. Gen. PYD Secretary, Evan. R. Vanlalpeka
3. Gen. PYD Treasurer, Evan. Laldinpuia Sailo
GENERAL LAD HRUAITUTE:
1. Gen LAD President, Sis. Lalramthangi B/W
2. Gen LAD Secretary, Sis. Lalramlawmi B/W
3. Gen. LAD Treasurer, Sis. Krawschhuanawmi B/W
CALVARY BIBLE COLLEGE HRUAITUTE:
Principal – Rev. K Malsawmtluanga
Registrar – Rev. K. Lalthazuala
Bursar – Rev. BD. Kowarson
Compassion Center Project Director, Kolasib khuangpuilam – Rev. R. Vanlalawia te an ni.
————-
GENERAL PYD SUB COMMITTEE CHARGE INHLAN:
May ni 15, 2024 Nilaini Dar 2:30 pm khan UPC North East India Geneal PYD, sub Committee hrang hrangte charge inhlanna General Headquarter Committee Room, Mualpui Salem veng, Aizawl-ah neih a ni.
Geneal PYD hnuaiah hian sub Committee pariat (8) awmin chungte chu:
i) Kumpuan Committee
ii) Education Committee
iii) Music & Choir Committee
iv) Non-Mizo Service Committee
v) Thlamuantu (The Comforter) Committee
vi) Overseas Ministry Working Committee
vii) Environment Protection Committee
viii) Fund Raising Committee te an ni.
Charge inhlanna hi General PYD President Rev. C. Lalthantluanga chuan a kaihrua a ni.
———-
———-
CHURACHANDPUR DISTRICT
Hruaitute Pentecost Day Programme:
Churachandpur District Superintendent, Rev. B.Lalzamluaia chuan May ni18-19, 2024 chhung hian Lamka Local ah hun hmangin rawngbawlna a nei ang.
Churachandpur District Secretary Rev. Paosei, chuan May ni18-19, 2024 chhung hian Thingkangphai Local ah Pentecost Day Programme a hmanpui ang.
Churachandpur District Treasurer Rev. Lalzawm chuan May ni18-19, 2024 chhung hian Tuinom Local ah hun hmangin rawngbawlna a nei ang.
———-
———-
LUNGLEI DISTRICT
TRAINERS’ TRAINING BUATSAIH:
May ni 8, Nilaini khan PYD Lunglei District buatsaihin District UPC Conference Hall-ah Ruih hlo do kawnga hmalakna atan Trainers’ Training buatsaih a ni.
He hun hi hun hnih ah then niin, 1st Session hi District PYD President Evan.C.Lalremchhunga chuan a kaihruai a, District Secretary Rev.PC.Lalfakawma chuan hunserh hmangin Evan.Lalringzuala Pachuau, Secretary, District PYD chuan inhmelhriattirna a nei a, Sist.B.Vanlalropeki a zai. ‘Ruih hlo do’ tih thupui hmangin Pu Ch.Lalhruaitluanga, Social Worker, WADA chuan zirtirna a pe a ni.
2nd Session hi Upa C.Malsawmkima, Vice President, District PYD chuan a kaihruai a, Sist.V.Lalnuchhungi chuan zaia rawngbawlna neiin, Lalramnunpuii Punte, Specialist in Financial Literacy and Protection Officer, DVA chuan ‘Protection of Women from Domestic Violence Act 2005 & Child Marriage’ tih thupui hmangin kalkhawmte zirtirna a pe bawk.
He Trainers’ Training ah hian Bial aiawh mi 2 leh Town Area Local tin aiawh mi 2 telin mi 60 chuang an kalkhawm a ni.
———-
REV.C.VANLALENA THLAHNA HUN HMANG:
May ni 12, Pathianni chawhnu dar 1:30 khan UPC Lunglei District buatsaihin District UPC Conference Hall-ah General Missions Director thar Rev.C.Vanlalena thlahna hun hman a ni.
He hun hi District Superintendent Rev.C.Lalrintluanga chuan a kaihruai a, Rev.C.Lalhriatpuia District Missions Director chuan hunserh hmangin, District Secretary Rev.PC.Lalfakawma chuan Rev.C.Vanlalena chanchin a sawi a, District Board Member-te aiawh Rev.VL Hmuaka leh Pensioner aiawh Rev.C.Darkhuma ten thu a sawi bawk.
Rev.C.Vanlalena thlahna ah hian District UPC Choir, Sist.C.Lalrinzuali Farmveng leh Sist.Thelma Lalrinfeli Bazar te an zai a, District Treasurer Rev.K.Vanlalhruaia chuan Pastor Welfare aiawhin thilpek a hlan a, District Department, Bial leh Local hrang hrang atangin thilpek hlan a nih bakah mimal thahnem takin thilpek an hlan a ni.
General Missions Director thar Rev.C.Vanlalena chuan thu sawiin Lunglei District kohhran member-te chungah lawmthu a sawi a, rawngbawlna kawnga a bul tan dan leh rawng a bawl chhoh dan te sawiin, tun thlenga Pathian hruaina a chan ah lawmthu a sawi bawk. Lunglei District kohhran member-te amah fuih a, tawngtai sak fo turin a chah a ni.
Rev.C.Vanlalena hian kum 1998 khan rawngbawlna Local Licence neiin, kum 2000 ah General Licence a nei leh a, kum 2002 khan Pastor hna thawk tanin Hnahthial bial ah kum 2002-2006 chhungina awm e, kum 2007-2010 ah Thingsai bial ah awm leh in, kum 2010-2014 chhung khan District Secretary atan thlan a ni a, kum 2014-2018 khan District Treasurer ah thlan niin, kum 2018-2019 chhungin District Secretary atan thlan nawn leh a ni a, kum 2019-2024 chhungin District Superintendent hna a chelh leh a ni. District Superintendent ah a hun a hman zawh hnuin Zobawk bial ah ni 7.4.2024 atang khan a awm a, May ni 15 hian General Missions Director mawhphurhna hi a la ang.
Rev.C.Vanlalena thlahna programme hi Rahsiveng bialtu Pastor Rev.B.Kamliana chuan tawngtainain a titawp a ni.
———-
PENTECOST DAY-A HRUAITUTE PROGRAMME:
District Superintendent Rev.C.Lalrintluanga chuan May ni 17 Zirtawp zan atangin Pukpui Local-ah Crusade a nei ang a, May ni 19 Pentecost Day pawh a hmang nghal ang. May ni 16 Inrinni ah Pukpui Local rawngbawltute Seminar a neipui ang a, Leadership leh Rawngbawltute mawhphurhna tih chu thupui ah hman a ni ang.
District Secretary Rev.PC.Lalfakawma chuan Dawn Local-ah May ni 17, Zirtawp zan atangin Crusade a nei ang a, May ni 19 Pentecost Day a hmang nghal ang.
May ni 18 Inrinni hian District Treasurer Rev.K.Vanlalhruaia chuan Thingfal Local rawngbawltute Seminar a neihpui ang a, May ni 19 Pentecost Day hi Speaker niin a hmanpui ang.
———-
———-
AIZAWL EAST DISTRICT
Bial Joint Revival hlim taka hman a ni:
Aizawl East District chhunga Bial hrang hrang te chuan Joint Revival hlim takin an hmang.
Aizawl khawpui chhung Bial 5 Joint Revival chuan Bawngkawn Bial, Bawngkawn Biakinah May 11, Inrinni zan atanga Pathianni zan thleng khan an hmang a, Inirnni zan khan Evan H. Lalrinawma, Upper Republic Bial chuan thusawina neiin Pathianni chawhmaah Evan. C. Lalremruata, Mualpui Bial, Pathianni chawhnu-ah Evan. Hr. Lalrindika, Bazar Bial leh Pathianni zanah Rev. T. Lalbiakliana, Bethlehem Bial ten thusawi rawngbawlna an nei thin a ni. Pathianni zan inkhawmah khan Thlarau Thianghlim dawnglo puala hun hman niin Pathian Thlarau Thianghlim awmpuina hnuaiah hlim takin hun an hmang a ni. Bial 5 Joint Revival-ah hian Bawngkawn Bial, Bazar Bial, Bethlehem Bial, Upper Republic Bial leh Mualpui Bial te an awm a ni.
Serchhip Bial, Serchhip Dinthar Bial leh Chhingchhip Bial te pawhin Bial 3 Joint Revival hi Serchhip Bial, New Serchhip Biakinah May 10, Zirtawp zan atanga Pathianni zan thleng khan an hmang bawk a, Zirtawp zan khan Evan. H. Lalngaihzuala, Chhingchhip Bial chuan thusawina neiin Inrinni zanah Evan. K. Remruatfela, Serchhip Bial, Pathianni chawhmaah Pastor K. Lalhmingmawia, Serchhip Dinthar Bial, Pathianni chawhnuah Pastor C. Lalchhuanga, Serchhip Bial leh Pathianni zanah PastorHP Ramfangzauva, Chhingchhip Bial ten thusawina an nei bawk a ni. Inrinni khan Revival pual hian Pathian chawimawina neiin hetah hian Evan Zarzoliana, Serchhip Dinthar Bial hnen atangin Pathian thuchah ngaihthlak a ni bawk.
E.Lungdar Bial, Khawhai Bial leh N.Vanlaiphai Bial te pawhin Bial 3 Joint Revival hi North Vanlaiphai Bial, Khawlailung Dinthar hmunah May 10, Zirtawp zan atanga Pathianni zan thleng khan an hmang bawk a, Zirtawp zanah Evan Lalremhlua, E. Lungdar Bial, Inrinni chawhmaah Upa Lalsailova, Khawhai Bial leh Inrinni zanah Pastor B. Lalhmingliana, N. Vanlaiphai Bial, Pathianni chawhmaah Pastor V. Kamneithanga, E. Lungdar Bial bakah Pathianni chawhnu-ah Upa CVL Hmuchhuaka, Khawhai Bial leh Pathianni zanah Pastor B. Lalhmingliana, N. Vanlaiphai Bial ten thusawi rawngbawlna an nei a ni.
Zohmun Bial, Sakawrdai bial, Khawlian Bial, Suangpuilawn bial, Khawruhlian bial leh Darlawn bial te pawhin May 6, Zirtawp zan atanga Pathianni zan thleng khan Suangpuilawn bial, Vanbawng hmunah Bial 6 Joint Revival hi an hmang a, Zirtawp zan khan Pastor H. Lalhmingmawia, Darlawn Bial chuan thusawina a nei a, Inrinni zanah Bro. Lalnunpuia, Zohmun Bial, Pathianni chawhmaah Pastor H. Lalbiakzauva, Khawruhlian Bial chuan thusawina neiin Pathianni chawhnuah Pastor Vanlalrosiama, Sakawrdai Bial hnen atangin thusawi ngaihthlak a ni a, Pathianni zanah Pastor Philip VL. Hmuchhuaka, Khawlian Bial chuan thusawina a nei bawk a ni. Inrinni khan Vanbawng Playground-ah Sport Item chi hrang hrang hmangin intihhlimna hun an hmang bawk a ni.
Kahrawt Bial, Champhai Bethel Bial, Khawbung Bial leh Hnahlan Bial, Bial 4 Joint Revival pawh May 10, Zirtawp zan atanga Pathianni zan thleng khan Kahrawt Bial, Vengthar Biakinah hlim takin an hmang a, Zirtawp zan khan Evan Lalzarzoliana Parte, Hnahlan Bial chuan thusawina neiin Inrinni chawhmaah Upa R. Vanlalvuana, Bethel Bial hnen atangin thusawi ngaihthlak leh niin Inrinni chawhnuah Upa H. Lalmalsawma, Khawbung Bial chuan thusawina neiin Inrinni zanah Rev. E. Vanlalpeka Zote hnen atangin thusawi ngaihthlak a ni a, Pathianni chawhma-ah Evan T. Vanlaldika, Kahrawt Bial, Pathianni chawhnuah Pastor Albert Chanchinmawia, Hnahlan Bial leh Pathianni zanah Pastor Robert Lalrinsanga, Khawbung Bial ten thusawina an nei bawk a ni.
Keifang Bial, Saitual Bial, Thuampui Bial bakah Zemabawk Bial, Zemabawk North Bial leh Thingsulthliah Bial te chuan remchan zawkna avangin May 3 atanga 5 chhung khan Thuampui Bial, Thuampui Biakinah Bial 6 Joint Revival hi an lo hmang tawh a ni.
Bial 4, Ngopa, Khawzawl, Kawlkulh, Rabung Bial Joint revival hi May 24 atanga 26 hian Kawlkulh Bialah an hmang thung ang.
———-
Theological Education Board thutkhawm neih a ni:
May 9, Ningani khan District Superintendent room-ah Theological Education Board thutkhawm, Rev. R. Laltlankima, Chairman kaihhruaiin neih a ni. He hunah hian member an kalkimin an thu passed langsar zualte:
1) Zirtirtu leh an subject lak tur hetiang hian ruahman a ni.
a) Bible Doctrine 1 – Rev R Laltlankima
b) Bible Doctrine 2- Rev C Laldintluanga
c) Major Religions – Pastor Laltlanhlua Hnamte
d) Personal Evangelism- Rev VL Hnemtluanga
e) Manual- Rev Rosanga Kawlni
F) Sermon & Ministry- Rev KVL. Hmamgaihkima
2. June 3, Thawhtanni-ah 2024 Session opening programme hman tura tih a ni.
3. 2024 Session atan mid- term exam June 17 & 18 hian neiin Final Exam July 3 & 4 hian neih tura tih a ni a, Graduation day hi July 7, Pathianni-ah neih ni se tih a ni bawk.
———-
District Thianghlimna Committee neih a ni:
May 9, Ningani khan Rev. Rosanga Kawlni, Chairman kaihhruaiin District Thianghlimna Committee, District Committee room-ah neih a ni. He hunah hian hmalakna tur hrang hrang ngaihtuah niin an thu passed langsar zualte:
1. Pennet Thianghlimna lam hawi thusawi tawi video siam tha tih niin Sermon leh Talk show buatsaih ni se tih a ni bawk.
2. Excise & Narcotics Dept. leh Mizoram Social Defence and Rehabilitation Board te bia in, a theih anga Memorandum of Understanding (MoU) ziah ni se tha tih a ni.
3. Kum 2024 chhungin Bial leh Tualchhung report bakah, Thianghlimna Statistics felfai taka lak tha tih a ni.
4. A theih ang angin Bial leh Tualchhungah campaign neih thin ni se tha tih a ni.
5. Thianghlimna Sam inphuahsiak buatsaih nise tha tih a ni.
Heng bakah hian Circular chhuah tura ruahmanna siam niin Bial leh Tualchhung hmalakna te a khat tawka chhui zui nise tha tih a ni bawk.
———-
Pentecost Day:
May 19, Pathianni hi Pentecost Day a nih angin Aizawl East District chhunga Tualchhung Kohhran hrang hrangte chuan urhsun taka hmang turin ruahmanna an siam. Pentecost Day-ah hian District atangin a hman dan turah ruahmanna hranpa siam ni lovin Church Board Committee ten an remchan angin Programme an ruahman a, tualchhung Kohhran thenkhat chuan awmni khamin Pathianni chawhma, chawhnu leh zan hun an hmang anga, Tualchhung thenkhat chuan Pathianni chawhma leh zan hun an hmang bawk ang. Pentecost Day hi hetiang hian District hruaituten hmun hrang hrangah an hmang a ni.
Rev R. Laltlankima, District Superintendent chuan College Veng Aizawl-ah rawngbawlna neiin hun a hmang ang.
Rev VL. Hnemtluanga, District Treasurer chuan Pentecost Day Programme-ah Bethlehem Vengthlang. Kohhranah Speaker-ah tangin rawngbawlna a nei ang.
Rev C. Lalmalsawma, District Missions Director chuan Pathianni hmang hian Champhai Bethel Bial, Zokhawthar hmunah rawngbawlna neiin hun a hmang ang.
———-
Mithar leh Baptisma chang thar:
May 12, Pathianni khan Bial hrang hrangah mithar sengluh an ni:
Thingsulthliah Kohhranah mi thar 2, Bialtu Pastor Hmingchungnunga Ralte chuan sengluhna a nei.
Ngopa Bial, North East Khawdungsei kohhrana lawi turin Pastor C. Lalropuia’n mithar pakhat a senglut.
Thuampui Bial, Muanna Kohhran a lawi turin Chhungkaw khat, Member 2 chu Bialtu Rev C Laldintluanga’n a lawmlut a, Chawhma inkhawmah Zuangtui Kohhranah Mithar 3 sengluh an ni bawk.
———-
———-
NORTH MIZORAM DISTRICT
District/Department Hruaitute Programme
North Mizoram Dist. Superintendent Rev. K. Lalduhsanga chu May ni 15 Nilaini khan Bairabi Bial tlawhin Bethel Kohhran Biak in bul leimin leh leimin avanga harsatna awm thei te en leh a tul anga hmalak dan tur ruahmanna nei turin a fehchhuak.
Dist. Supdt. Rev. K. Lalduhsanga hian Pentecost Day May ni 19 (2024) Phainuam Bial Saipum Kohhranah hmangin rawngbawlna a nei ang.
North Mizoram District Secretary Rev. C. Lalthantluanga chuan Gen. PYD President a nih angin Arunachal Missions Field PYD Conference vawi 10-na hmanpui turin May ni 15 khan Aizawl a chhuahsan. Pentecost Day pawh hi Arunachal Field-ah hian a hmang nghal ang.
North Mizoram District Treasurer Rev. C. Lalmuanpuia chuan May ni 15 Nilaini chawhma khan Neihloh khuaa kohhran hote Biak in hmun tur ava enpui.
Rev. C. Lalmuanpuia hian Pentecost Day May ni 19 zing inkhawmah District Headquarters Kohhran Biak inah rawngbawlna neiin zanah Khatla South Biak inah Kohhranhote hun a hmanpui bawk ang.
District Missions Hruaitute chuan Director Rev. C. Lalramthanga hovi’n Rengdil Bial Missions Field Tumpanglui leh New Eden Field-a kohhranhote an inkhawmpui ang a, Pentecost Day May ni 19-ah Missionary Convention neih dan tur chungchangah Rengdil Bial Missions Dept ten en Meeting an nei ang.
———-
DISTIRCT NEWS LAWRKHAWM
Ladies Auxilliary Tailoring Centre (LATC) tan thilpek pe: NMD LAD buatsaih LATC-a Puanthui zirlaite tan May ni 14 thawhlehni khan Chawlhhmun Bial LAD te chuan Zirlaite chaw chhun chhumna tur Preasure cooket thar an rawn pe.
An thilpek hi Chawlhhmun Bial LAD President leh Secy ten LATC Instructress kutah an hlan a, LATC zirlaite leh LATC board te an lawm hle.
———-
THIL PEK DAWNG:
Vairengte Bial Mission Dept chuan an Bial chhung atanga Gen Missionary-a kal, Bro. Denis -a, Odhisa field-a awm tur chu a Quarters-a dah turin Fridge man NMD Missions Dept. Kaltlangin an pe. Fridge man lo dawng tu, Dist. Missions Director hian Vairengte Bial te chungah Gen. Missions Dept. Aiawhin lawm thu a sawi.
———-
PATHIAN CHAWIMAWINA NEI:
May Ni 11 Inrinni khan Thenzawl Bialtu Pastor Rev. C.Lalrammuana te chhung chuan Pathian chawimawina neiin Thenzawl bial Headquarters Vengpui biak inah hun an hmang.
Chawimawina hi Inrinni chawhmaah tanin, a tuk Pathianni zan thlengin hun hman a ni a, Speaker-ah Evan. C.Lalngaihawma (Imanuel Revival Team Speaker), Evan.K.Laldawla (Dinthar Aizawl), Evan. Vanlalhruaitluanga (Hebron, Kolasib Venglai bial a rawngbawla awm mek), Rev. C.Lalrammuana (Bialtu Pastor) leh Upa H.Zomuana (Vengpui local) te hman an ni a, anni hnen atangin Pathian thu ropui leh tha tak tak ngaihthlak niin, Thlarau lam boruak nen hlim taka hun hman a ni a, zan lam inkhawm banah hlim leh tui taka zaikhawm thin a ni bawk.
Chawimawinaah hian Bial chhung Local hrang hrang bakah Thingsulthliah, Aizawl leh Kolasib atangtein mi engemawzat in an telpui bawk.
———-
LAD DAY HLIM TAKA HMAN A NI:
May ni 10, LAD Day chu Thenzawl Bial LAD te chuan Neihloh (Preaching Point) ah bial huapa hmangin, North Mizoram Dist. LAD President Sis. F.Rohlupuii’n a hmanpui a, LAD te fuihtharna leh Pathian thuchah te a sawi. District LAD Secretary Sist. Doris Lalrinsangi chuan Hqrs. Bial Nursery kohhran a hmanpui a, Dist. LAD Treasurer Sist. Lalzuiliana pawhin Chawlhhmun Bial Zonuam kohhrante hun a hmanpui bawk.
———-
LENGPUI BIAL REPORT :
Lengpui Bial chhung Lengpuiah Apostolic Revival team ten May ni 1, 2024 atang khan rawngbawlna an tan a, an rawngbawlna kaltlang hian Thlarau thianghlim la dawng lo mi 7 laiin an dawng a. Kohhranah harhtharna a thleng mek bawk a ni. Inkhawm ngailo te lam ngailote an inkhawmin an lam a, siamtharna engemaw zatin an chang a ni.
Hetihrual hian Lengte Local ah Rehoboth Revival team ten May ni 8 (2024) atangin rawngbawlna an nei tan a, an rawngbawlna Lalpan mal a sawm hle. Kohhran hoten an hlawkpuiin Revival nasa tak a thleng mek bawk. Inrinni kalta May ni 11 khan Upa Atea ten Pathian chawimawi nan an ran kohhranah an pe leh bawk.
———-
MITHAR NEI:
May ni 12, 2024 (Pathianni) zan khan Ailawng Kohhranah Bro. Suineihpianga (Pianga) te chhungkua chu UPC Of Mizoram aṭangin United Pentecostal church of North East India Ailawng kohhran, Reiek bial ,North Mizoram District a lawi turin lawm luh an ni.
Rev. Lalchuailova chuan Pathianni zan hian Ailawng kohhranah rawngbawlna neiin, Bro.Pianga te chhungkua chu Lalpa Isua hminga lawmluhna hun leh, Nau hlan rawngbawlna a nei a. Inkhawm banah Baptisma rawngbawlna neih a ni bawk. Mizoram UPC atanga lut thar te hi member 3; puitling 2 leh naupang 1 an ni.
Ailawng kohhran-ah hian member 160 vel an lawi mek a, kum kal ta khan Ailawng kohhran hian beina a tawk a, harsatna tlem azawng tawk mahse, Lalpan a mi turte chu a ko hawng leh mek a ni.
———-
EDUCATION CAMPAIGN NEI:
Bial Sunday School Department chuan May ni 12, 2024 Pathianni chawhnu inkhawm khan Kawnpui Bial chhung local hrang hrangah Naupang Sunday School pualin Education Campaign a buatsaih a. He hun atan hian District PYD Education Sub-Committee rawih niin, District PYD OB pathum leh Education Sub-committee member ten hun an hmanpui.
Education Campaign hi bial chhung hmun thumah a ruala neih a ni.
Kawnpui Kohhranah: Kawnpui khawchhunga local pathum – Kawnpui Venglai, Kawnpui Chhimveng leh Kawnpui Banglaveng bakah Kawnpui Kanan Preaching Point ten Headquarter Local (Kawnpui Venglai) Biak Inah hun an hmang a. Upa F Lalrikhuma, Bial Sunday School Treasurer chuan inkhawm kaihruaiin; District PYD President Rev. B Vanlalruata uapna hnuaiah Sis. Julie Vanlalsawmi’n education pawimawhna hrang hrang a sawi a, ngaihthla tute’n an hlawkpui hle.
Hortoki-ah: Hortoki localah Bialtu Pastor Rev. Lalruatkima Fanai hovin hun hman a ni. Upa Lalruatkima Bial Sunday School Director chuan inkhawm a kaihruai a; Evan. Lalmuanawma, Dist PYD Treasurer chu Resource Person niin, Powerpoint presentation hmangin fiah takin zirtirna a pe bawk.
Bualpui-ah : Bualpui Venglai leh Bualpui Hmarveng local-te tan Bualpui Venglai Biak Inah Campaign hi buatsaih niin Bial Sunday School Secretary T. Upa CVL Malsawmtluanga’n inkhawm a kaihruai a; Evan K Rotluanga, District PYD Secretary chuan kalkhawmte zirtirna ngaihnawm tak a pe bawk.
Local hrang hranga campaign neihnaah naupang; zirtirtu bakah nu leh pa engemaw zatin an telpui a. Campaign a hlawkthlak a, resource person-te inbuatsaihna a ṭha-in hlawkthlak an ti hle.
Bial chhung local-a campaign neih lohna awmchhun ni rih, Khamrang Localah hian hun remchanga neih tura ruahmanna siam a ni bawk.
Education campaign-a lokalte hian, Kawnpui leh Bualpui local-ah te Pathianni zan inkhawm an hmanpui nghal bawk.
———-
PANGBALKAWN BETHLEHEM MISSIONS FIELD AH LADIES AUXILIARY DEPARTMENT ( L.A.D) DIN A NI:
May ni12, 2024 (Pathianni) khan Kolasib Rengtekawn Bial L.A.D Conference rorel bawhzuiin, Bial L.A.D Hruaitute chuan Rev. C.Lalthlengliana Bialtu Pastor kaihhruainain Pangbalkawn Bethlehem Missions Field ah L.A.D a din theih nan Bial fan Programme an nei a, Evan H.Lalnunzira Pangbalkawn Bethlehem Missions Field Missionary in inkhawm kaihruaiin Sis. Nemhawihi Bial L.A.D President-in ṭanna hun a hmang a, Rev. C.Lalthlengliana Bialtu Pastorin Pathian thuchah a sawi a ni.
Inkhawm banah Church Board Committee neih a ni a, Church Board Committee chuan Pangbalkawn Bethlehem ah Ladies Auxiliary Department (L.A.D) din nise tiin a rel a, LAD hi din nghal niin hetiang hian hruaitu an ruat nghal bawk.
President : Sis.Vanlalruati
Secretary : Sis. Khawrbawih-i
Treasurer: Sis. Ṭhakimi
May ni 12.05.2024 (Pathianni) ah vêk hian, L.A.D O.B te hian Membership fee khawn nghalin, Pangbalkawn Bethlehem ah hian L.A.D member – 7 (Pasarih) an awm a, Bial L.A.D in Budget atan Rs. 650/- an pek chu Pangbalkawn Bethlehem Missions Field L.A.D ding thar te hian Member te ah khawn nghalin an lo tlâk nghal bawk a ni.
He tih rual hian Sis. Zonunmawii, Bial L.A.D Asst.Secretary chuan Pangbalkawn Bethlehem L.A.D ding thar indan nan hian Rs. 300/- (Cheng zathum) a pe bawk
Facebook