UPC, NEI Mizoram chhuunga Disrtict 3- Chhimtuipui, Aizawl East leh North Mizoram District-te chuan Lalpa Thlarau Thianghlim hruaina hnuaiah hlim leh lawm takin District Conference an hmang zo.
1. North Mizoram District te chuan Dinthar Veng Biak In, Aizawlah an hmang a, Home Missionary 8 leh Casual worker an ruai mek in heng – Sidon, Phulpui, Marpara, Damparengpui, Vawngawnzo, Saihapui, Kolalian, Damdiai leh Casual worker awmna Persang ah te hian rawng an bawl a, an report atanga a lan dan in report hun chhung hian member thar 134 lai Lalpan a seng luh tir a ni. Conference rorel ah chuan: Damparengpui kohhran Missions Field-a awm chu West Phaileng Bial chhunga Kohhran pakhat ni turin District Board-ah dil nise, Kawnpui Bial chhunga Rashtali kohhran kumina din thar chu Missions Field-a puan, Home Missions Field tanpui ngaite tanpui tura nasa zawka ruahmanna siamte bakah Kum 2017 District Missions Conference lehna tur atan Bilkhawthlir Bial ruahman a ni.
Tin, October 31 Thawhtanni khan North Mizoram District Missions Board Committee chu Headquarters Biak In Tuikhuahtlangah neih nghal a ni a, Kum 2017 budget atan lungrual takin Cheng nuai sawmruk leh pali (Rs. 64,00,000) chu pawm a ni. Budget bakah hian Conference rorel hmalakna tur a rel hrang hrangte bawhzui theih dan tur ruahmanna te an siam bawk.
October 31 Thawhtanni chawhnu khan District Missions Executive Committee chuan North Mizoram District huam chhunga Missionary te ko khawmin Missionary ten an awmna Field theuha rawng an bawl dan report an pek bakah Missions Department hruaitute’n hriatpui se an tih harsatna an tawh te bakah member te chanchin report ngaithlak a ni. Hruaitute hnen atangin fuihna thu tha tak tak ngaihthlak a nih piah lamah Missions rawngbawlna chak zawk neih theih dan tur an sawiho a ni.
District Conference ah hian Evangelist RS Lalnunmawia, Pastor Lalramthanga Kawlni, Rev. K. Lalduhsanga, Rev. H. Lalngailiana leh rev. Laltluanga ten Pathian Thuchah an sawi thin a ni.
2. Chhimtuipui District te chuan Lawngtlai Bazar Biak Inah Conference an hmang a Speaker Evan. PC Lalrokima’n Pathian Thuchah a sawi thin a ni. An hlim hle a, October 31 thawhtanni ah mikhual te cham vek tura in ngenin chawimawina neih leh niiin speaker ngai Evan. PC Lalrokima chu hman chhunzawm a ni. Conference ah hian Arunachal Missions Field Treasurer Evan. Lalringzuala Pachuau chuan Pathain Thuchah a sawi bawk.
Home Missionary te rawngbawlna atangin report hun chhungin mi thar 60 chuang seng luh an ni bawk. District Conference leh District Board rorel tlangpui :
1). 2017 Conference chu Diltlang South Bialah 27-29 October 2017 ah neih nise.
2). Kum 2017 Kumpuan atan ‘RAM LAK UAR KUM’ puan a ni.
3). 2017 a Ram lak Crusade neih.
4). Ram mut thla hman leh nise.
5). Missions chak taka a kal nan Missions support zawn chhunzawm nise tih leh,
6). Vaseikai Quarters sakna tur project neih chu sum chhun khawm turte tlin khawm veleh sak hna thawh tan nghal nise tih te an rel a ni.
3. Aizawl East District te chuan Ngopa High School Field kawta Pandal sakah Pathian Thlarau Thianghlim awmpuina hnuaiah hlim takin an hmang a, thusawitute – Evan. R. Vanchhunga, Rev R.Lalhawia, Rev Vanlalfela Ramtiam, Rev Darchhawna leh Evan. HK Lalhhmangaiha te hnen atangin Pathian Thuchah ngaihthlak a ni.
October 29, Inrinni nileng in Hqrs. Biak In-ah palai mi 300 vel ten rorel an nei. Secretary Report ah chuan Home Missionary mi 15 (kum khat atan mi 5 leh Short Term atan mi 10) te a ruai mek a, heng mite rawngbawlna atang hian report hun chhungin mithar 146 Kohhran-ah sengluh an ni tawh a ni. Khawmpui rorel ah chuan ruat sa angin Kum 2017-ah Serchhip Bial ten District Missions Department Inkhawmpui hi an thleng anga, Kum 2018-ah Khawhai Bial-ah nghah a ni. Budget zawng zawng Bial-ah sem zo vek lovin Budget Estimate tlin theih nan Bial hrang hrang-ah District Hruaituten Missionary Support zawn ni se tih a ni a, Kolkatta leh Guwahati hmuna UPC House sa turin Kohhranpui (General) hian hma la rawh se tih leh Guwahati kan ram neih General Missions Department enkawl hi Kohhranpui kutah awm se tih chu chak zawka hmalak a nih theih nan General Missions-ah thlen tura tih a ni a, District Missions Department in Chite ah ram lei ni se tih chu Kohhranpui kutah dah mai ni se tih leh Aizawl City huam chhunga a remchanna hmunah Crusade buatsaih ni se tih a ni bawk.
Tin, Pathianni zingkarah District Board neih a ni a, Kum 2017 District Missions Department Budget chu pharhin siam that ngaite siam tha in District Kohhranpui Board-ah Approve tura tih a ni. Missionary tirhchhuah tur reng reng te Training pek hmasak phawt, District Missions Department hmalakna in Saitual Bial-ah Revival Crusade neih tura ruahmanna neih chu sum dinhmun ena hmalak ni se, Kum 2017 chhung hian North East India huam chhunga Missions Field pakhat tal tlawh ni se tih a ni bawk.
Facebook