District Level meeting nei

On:
1. Aizawl East District Missions Department hnuaia rorelna sang, Kum chanve District Board chu May 24, Nilaini khan Rev Darchhawna, Missions Director kaihruaiin District Committee Room-ah neih a ni. General Missions Director, Rev R. Lalhawia chuan telpuiin rorel palai fuihna thu leh General Missions Department hmalakna hrang hrangte leh hmachhawp a neih hrang hrang a report a, Rev Rosanga Kawlni, District Superintendent chuan kalkhawmte hmaah bial chhung hmalakna hrang hrang-ah lawmthu a sawi a ni.
Missions Board-ah hian Evan HK Lalhmangaiha chu District Missions-in Tawizo-a rawngbawlaa rawih mek Daido–a District PYD ngenna chu pawmin June 2017 atangin pek ni se an ti. Short Term Missionary rawih chhunzawm leh chhunzawm loh thlirin District Missions Board thu dinglai angin Board-in tha a tih anga lo ngaihtuah tura tih a ni.
North East India Missions Field tlawh chungchang District Missions Board Vawi 46-na in alo passed tawh chu ennawn in sum awm dan a zira kal hun leh hmun chu lo ngaihtuah se tih a ni.
District Missions Conference-ah North East India Missionary chahchhuah nise, Bhutan Field pualin Biak In tinah Bawm siamin dah theuh tura tih a ni a, Bial Board bawhzui tur atana dah a ni.
Kum 2017 chhunga District Missions Department kal zel dan tur leh hmachhawp hrang hrang an rel bawk a, District Board-ah hian Bial 30 atanga Bial 21 aiawh an kal thei a ni.
Tun dinhmunah Aizawl East District Missions Department te hian Home Missionary Kumkhat atana lak mi 4 leh Short Term atan mi 7, an vaiin Missionary 11 Mizoram hmun hrang hrang-ah a rawih mek a ni a, an ni kaltlang hian kumin chhungin member thar mi engemaw zat Kohhran-ah sengluh an ni tawh a ni.
Home Missionary a rawih mek leh an awmna te chu:
Kum khat atana lakte:
  • 1. Evan Rodingliana – Champhai Bethel Bial, Zokhawthar-ah
  • 2. Evan K.Vanlaldika – North Vanlaiphai Bial, Chekkawn-ah
  • 3. Evan Lalduhawmsanga – Kawlkulh Bial, Dulte-ah
  • 4. Sis Sangkhumi B/W – Suangpuilawn Bial, Lamherh-ah te an ni a,
  • Short Term atana lakte:
  • 5. Evan Larchhuakmawia – Serchhip Bial, Sialhau-ah
  • 6. Evan F.Zirliana – Khawbung Bial, Leithum-ah
  • 7. Evan Lalbiakmuana – Sakawrdai Bial, Khawpuar-ah
  • 8. Evan HP Ramfangzaua – Khawzawl Bia, Khawzawl Hermon-ah
  • 9. Evan H.Malsawmthanga- Thingsulthliah Bial, Darlawng-ah
  • 10. Evan Kamneihthanga – Champhai Bial, Chhungte-ah
  • 11. Evan K.Laltlanmawia – Rabung Bial, Pamchung hmunah te an ni.
  • Heng bakah hian District Missions Department kaltlanga Bial hrang hrang ten Missionary an enkawl an awm bawk a ni.

2. May ni 26 Zirtawp khan UPC, North East India, North Mizoram District Sunday School Department chuan Sunday School Board Meeting Headquarters Biak In Tuikhuahtlangah an nei.
Meeting-ah hian Bial 29 aiawh Sunday School Director te an kal tha hle. Meeting hi Rev. Lalramzauva Sailo District Sunday School Director in a kaihruai a, District hruaitu Rev. C. Lalrammuana Dist. Supdt. leh Rev. Chhiarpuia District Treasurer ten meeting an ho.
Meeting-ah hian Agenda pawimawh tak tak ngaihtuahin General Sunday School Canference rorel bawhzuiin Naupang ten thlarau thianghlim an dawn theih nan Bial leh Local ten naupang pual camping uar taka neih zel nise tih te, District Conference-ah Sunday School puala Zirtawpni  leh zan hun dil te, Naupang chawhnu inkhawm nei lo ten chawhnu inkhawm an neih theihna tura hmalak dan tur chungchang te an sawi ho a ni.