1. May ni 23 Thawhlehni khan North Mizoram District LAD Executive committee, District office Supdt. Chamber-ah neih a ni.
Meeting Dist. LAD President Sist. C. Lalthangpuii B/w chuan a kaihhruai a, District Puipa Pathumte’n Committee an ho bawk. Meetingah hian Kum chanve District LAD Board hun ruatin July ni 14 zirtawp dar 11ruatin a hmun atan Headquarters Biak In ruat a ni. Pentecostal School of Ministry ( PSM) Sponsorship an pek thin chu kumin (2017) atan PSM Registration Day June ni-ah Rs. 50,000 hlan nise an ti a. Hei bakah hian Damparengpui Bial thar tlawh nise, tih leh District LAD Dan bu chhut nawn leh nise tih te an rel.
2. Aizawl East District Missions Department hnuaia rorelna sang, Kum chanve District Board chu May 24, Nilaini khan tluang taka neih zawh a ni.
He hun hi District Committee Room-ah neih niin Rev Darchhawna, Missions Director chuan a kaihruai a ni. Missions Department Kum chanve District Board hi General Missions Director, Rev R.Lalhawia chuan telpuiin rorel palai kalkhawmte hnenah fuihna thu leh General Missions Department hmalakna hrang hrangte leh hmachhawp a neih hrang hrangte sawina a nei a, Rev Rosanga Kawlni, District Superintendent pawhin thu tawi sawina neiin rorel palai kalkhawmte chu Bial chhunga an hmalakna hrang hrang-ah lawmthu a sawi a ni. District Missions Department kum chanve Board neihna-ah hian Evan Zotawna, Falkland Veng, Aizawl East District U.P.C hnuaia District Missions Secretary hmasa ber boral an hriat veleh sunnan ngawi rengin minute khat hun an hmang nghal a ni. An thu rel langsar zualte:
1). Short Term Missionary rawih chungchang
2). NEI Missions Field tlawh ennawn thu
3). NEI Missionary, District Missions Conference-a chahchhuah chungchang.
3. May 23, Thawhlehni khan Aizawl East District Superintendent room-ah District Literature & Publication Board thutkhawm Rev Rosanga Kawlni, Chairman kaihhruaiin neih a ni.
Board ah hian Kum 2018 Nilai zan thupui zirtur atan “ Kohhran dik, ringtute himna” tih chu thlan a ni a, ziak turin Evan Lalhmangaiha Chawngthu, Serchhip chu ruat a ni bawk. UID chungchanga zirtirna diklo Kohhrante hrilhfiahna tur pamphlet District chhunga chhungtinte daih tur siam ni se tih pass in ziak turin Rev Biaksangzuala leh Pastor V.Lalnienga te ruat an ni. Aizawl East District Literature & Publication Board hian Kohhran hote Literature lamah hma a sawn theih tan ala mek zel a, Kohhran Hlabu, Android Version pawh Literature & Publication Board hmalakna hian tihchhuah alo ni tawh bawk a ni.
Facebook