1. North Mizoram District PYD Conference vawi 49-na Resolution Committee chu October 2 Nilaini khan North Mizoram District Office Supdt. Chamber-ah thukhawmin President Evan. F. Lalngaihawma’n a kaihruai a, December 3 Inrinni lo awm tura Conference rorel tur engemaw zat chhawpchhuah a ni.
2. October 26, Nilaini khan Aizawl East District Sunday School Executive Board, Director Rev F.Lalchhanhima kaihhruaiin neih a ni a, Kumin December 2 – 4 chhunga District Sunday School Inkhawmpui lian hman tur atana thil tul pawimawh hrang hrang sawiin Kumin District Sunday School Inkhawmpui-ah Sunday School Department-in thupui a hman mek “Naupangte tan Thlarau Thianghlim” tih chu hman tur a ni a, Thupui thensawm hmangin Rev Biaksangzuala, District Secretary, Rev F.Lalchhanhima, District Sunday School Director, Evan Hr.Lalrindika, District Sunday School Secretary, Rev R.Laichhingpuia, General S.S Director, Rev Pc.Lalnghakliana, Saitual Bialtu Pastor, Upa F.Lalthangfala, Serchhip Dinthar leh Upa CVR Liana, Champhai ten Pathian Thuchah an sawi thin ang. Zohmun Bial ten an Bial chhunga Rest Camp puala thawhlawm khawn sak an dilna chu District Sunday School Inkhawmpui-ah khawn sak ni se, Thuampui Bial ten Muthi Sunday School Hall sak tanpuina an dil chu ngaihtuahin hruaituten enfiah phawta, a tul anga pek ni se tih a ni bawk. Muthi Sunday School Hall sak tanpuina an dilna hi Executive Board neih zawh khan District Sunday School Hruaituten an enfiah nghal a, pek tlakah ngaiin remchang hmasa berah pe turin ruahmanna an siam a ni.
3. October 24, Thawhtan Zan khan District LAD Executive Board, District Office-ah President Sis F.Lalawmpuii B/W kaihhruaiin neih a ni a, District LAD Inkhawmpui hman zawh tak thlirletna neiin an rorel thu passed tlangpuite chu:
1). District LAD Inkhawmpui neih zawh tak, rorel no 13-na in Kum 2017 chhungin thlatin Pathianni hmasa berah chawnghei tawngtaina neih ni se tia alo passed chu bawhzuiin Chawnghei tawngtai neihnaah hian Thupui hlawm chi hrang hrang January atanga December thla thleng siam a ni.
2). General Media Cell, Pennet lamin LAD te Programme nei ve tura an sawmna chu pawmin Local tinah Item nei turin Circular chhuah ni se, Item nei thei turte chuan hruaitute hriattir ni se.
3). Kum 2015- 2016 chhunga LAD member boral, Keifang hmuna sunna neih ve tak loh te chu Kum 2017 January thla ral hmain District Secretary hnenah report pe in District Kohhranpui Inkhawmpui hunah sunna hun hman mai ni se tih a ni bawk.
Facebook