1. Tripura District Conference chu February 3-5 hmang khan Dagaichhora, Kalachhora Section ah neih a ni a. He hunah hian Speaker atan Rev. Lalmalsawma Sailo, General Superintendent i/c Tripura Disrtict Superintendent; Rev. Chhiarpuia, North Mizoram District Treasurer; Rev. H. Lalngailiana, General Missions Secretary leh Rev. Biaksangliana, Kolkata Missionary te chu hman an ni. Bengali tawng hmang an tam zawk avangin Rev. Biaksangliana chuan tawnglehlin hna a thawk bawk a ni.
February 4 inrinni khan rorel inkhawm neih a ni a, an rorel pawimawh zingah:
- a. Kum 2018 hi Tripura District Golden Jubilee a ni a, District Conference hman pahin lawmna hun hman tura ruahmanna siam a ni. Inkhawmpuina hun atan hian February Pathianni hmasa ber a ni ang.
- b. General hruaitute hmalakna in Bangladesh-ah Bengali Medium-ah Bible zirturin Evangelist a District a chhawr lai Mainik Tripura chu tirh nise, he a kalna tur hi Rev. James Corbin, Missionary to Bangladesh kaihhruaina hmang a din a ni.
2. Aizawl East District PYD Inkhawmpui lian vawi 23-na chu February 16, Ninga Zan atang khan Khawlian Playground-a pandal sakah hman a ni. He Inkhawmpui hi Rev R.Laltlankima, President chuan kaihruaiin Evan Lalramzauva, Bethlehem-in hawnna hun a hmang. Kumin Aizawl East District PYD Inkhawmpui-ah hian Thupui-ah “I Pathian tawk turin inpeih rawh” Amosa 4:12 thu hman niin Speaker bik nei lovin, Rev C.Lalengliana, Rabung Bialtu Pastor, Pastor H.Lalropuia, General PYD President bakah Rev Rosanga Kawlni, District Superintendent, Evan H.Lalrinliana, Upper Republic leh Rev R.Laltlankima, District PYD President te hnen atangin Pathian thusawi an ngaithla thin a ni. Vawiin February 17, Zirtawpni khan Pandal-ah rorel Inkhawm neiin naktuk Inrinni nilengin Fellowship hun an hmang thung ang.
Aizawl East District PYD Inkhawmpui hi Pandal a dung ft 120 leh a vang ft 80-a liana sak niin mihring 2000 vel leng tura sak a ni a, he thu buatsaih lai hian palai kal zat chiah hi kan hre hman ta lo a ni. He Inkhawmpui thleng tur hian Khawlian khawtlang te nasa takin an inbuatsaiha, Pandal sakna-ah pawh hian Kohhran hote nasa takin an pui bawk a ni.
3. February 9-12 chhung khan Mizoram tlangsang ber Phawngpui tlang hnuai a awm South Lungpher khuaah Chhimtuipui District PYD Conference chu hlim tak leh hlawhtling taka hman a ni. Conference hi Evan. K. Rinthara, President District PYD leh District hruaitu dang ten hneh takin an kaihruai a, speaker Rev. R. Sangthanga pawh Lalpan a hmang in a rawngbawlna Kohhran ten an hlut hle. District Superintendent Rev. WL Thanghre; District Secretary Pastor Joseph L.Thlauhthang; General PYD Treasurer Pastor C. Lalmalsawma leh Bialtu Pastor engemaw zat in an hmanpui bawk. North Mizoram PYD choir, Sist. Melody Nuzawni, Sist. Lalhriatchhungi, Bro. Pazawna leh District chhung a zai mite leh zaipawl ten Pathian fak hla hmang in rawngbawlna nung tak an nei thin bawk.
Conference chhimtu hi palai 813 (hriat theih chin) an ni a, thawhlawm lut zawng zawng hi Rs.256035/- niin Pathianni tukah mi thar member 6 Kohhran dang atangin lawmluh an ni bawk.
Rorel tlangpui –
- a. Conference hi kumtin neih tur a relin March 1st week ah neih tur a ni a, a hmun tur erawh dilna hun siam niin march 2017 thleng dil theih ani ang.
- b. District PYD hian Home Missionary rawih nise. ( Hemi pual hian Rs.2,00,725/- in tiam chu hmuh nghal a ni).
- c. NEI PYD chanchinbu Thlamuantu pual hian support fund neih nise, District chhung member tin ten Rs.10 theuh thawh nise. Thlamuantu pual hian account hran maintain ni bawk se.
- d. General PYD hian nasa zawk a foreign-a rawngbawlna kawng zawng turin General PYD Conference-ah agenda neih nise.
- e. District chhungah Revival team din turin Kohhranpui ah thlen nise.
- f. Enviroment humhalh nan District huap a thingphun nise.
- g. Thlakhat a vawi khat PYD inkhawm zanah thupui nei thuzir nise.
- h. District PYD project kal lai Story Room pual hian local tin ten kumkhatah vawi khat fehchhuah nise.
- i. Kohhran dan inneih ennawn turin District Kohhranpuiah agenda neih nise.
Conference ah hian lengkhawm leh solfa intihsiakna neih niin lengkhawm a lawmman latute :
1)Saihatlangkawn 2) Council Veng Saiha 3) Chandmary Local Lawngtlai
Solfa a lawmman latu te : 1) District Hqrs Local 2) College veng Saiha 3) Bazar Local Lawngtlai
Best conductor atan Bro.Lalrinchhana of College veng, Saiha thlan a ni bawk.
Conference thlengtu South Lungpher Kohhran te inbuatsaihna leh inpekna a chhuanawm in an entawn tlak tak meuh meuh a, hmun dang leh hun dang a thleng zen zen lo, Conference chhung a thingpui lum hna zawng zawng chu Baptist thalai pawl TKP leh LIKBK thalai pawl ten an thawk thin a, khawtlang ang pawn lungrual takin tan an la a chu chu Conference hlawhtlin tirtu pakhat ani.
Tin, Licence Holder leh Upa Palaite phei chu he hunah hian kan pawimawh lehzual a, kan tihtur leh mawhphurhna pawimawh tak a ni tih hriain in lo kal ngei dawn nia. Inkhawmpui hlawhtling tak a nih theih nan, intawngtainaah lo hlan fo turin ka ngen a che u.
Facebook