District hruaitute Programme

On:

1. Rev.R.Lalrosanga, Lunglei Disrtict Superintendent chuan February 24-26 chhung in District Board rorel bawhzuiin Thingsai bial Pastor Quarter leh Cherhlun bial Pastor Quarter repair dan tur enfiahin hun a hmang a, Thingsai local ten  chawimawina an buatsaih turah Speaker ah a tang nghal ang.

2. Rev. C. Lalrintluanga, Lunglei District Secretary chuan February 24-26 chhunga Pukpui bial PYD khawmpui  Zotlang local-ah neih turah Speaker niin ranwgbawlna a nei ang.
3. Rev.C.Vanlalena, Lunglei  District Treasurer chu February 24-26 chhung hian Rahsiveng bial LAD khawmpui Zion local, Venghlun biak ina neihah Speaker niin rawngbawlna hun a hmang ang.
4. Rev Rosanga Kawlni, Aizawl East District Superintendent chuan Sakawrdai Kohhran ten Diamond Jubillee an hmanah telpuiin thusawi rawngbawlna a nei.
5. Rev Biaksangzuala, District Secretary chuan District Superintendent Represent-in February 24-27 hmanga Bawngkawn Bial Inkhawmpui Bawngkawn Local-a hman mek telpuiin Pathianni Chawhma hian Thusawi rawngbawlna a nei dawn a ni.
6. Rev Vanlalfela Ramtiam, Aizawl East District Treasurer chuan Thingsulthliah Bial ten February 24-27 chhunga Bial Inkhawmpui an hman paha Bial Inkhawmpui Golden Jubillee an hman-ah telpuiin Pathianni Chawhma hian Thusawi rawngbawlna a nei dawn a ni.
7. Rev Darchhawna, Aizawl East District Missions Director chuan February 24-27 chhunga Thuampui Bial Inkhawmpui, Thuampui Biak In-a hman mekah District Superintendent aiawhin a telpui a, Pathianni Chawhma hian Thusawi rawngbawlna neiin Conference hawnna a nei bawk a ni.
8. Rev F. Lalchhanhima, Aizawl East District Sunday School Director chuan Chhingchhip Bial Thentlang Local ten Sunday School Zirtirtute puala Seminar a buatsaih-ah Resource Person-ah tangin zirtirna a pe dawn a, Pathianni hian Thentlang-ah hun a hman chhunzawm dawn a ni. Seminar hi Inrinni hian neih a ni.
9. Rev. C. Lalrammuana, North Mizoram District Superintendent  chuan February 19 Pathianni hmang khan  Lengpui Bial Dilzawl Biak In a hawng. District Superintendent hian North Mizoram District huam chhunga Pastor Bial 28 ten Bial LAD Conference an hman mekah Durtlang Bial LAD Conference Durtlang Mualvenga neih, Conference vawi 31 “I rawngbawlna kha hlen rawh” tih thupui hmanga neihah Speaker ah tangin rawngbawlna a nei mek bawk.
10. Rev. Laltluanga, North Mizoram District Secretary  chuan Feb ni 18 leh 19 Inrinni leh Pathianni hmang khan Dimapur Missions Field -a Diphu tlawhin Quarters hawnna a nei.
11. Rev. Chhiarpuia, North Mizoram District Treasurer chuan Bial Conference Feb ni 10-12 hmangin Bairabi bial Conference hmanpuiin Speaker-ah a tang.
12. Rev. K. Lalduhsanga, North Mizoram District Missiosn Director chuan February ni 15 Nilaini khan 2016 District Missions Conference in Damdiai Missionary Quarters sak a passed tawh bawhzuiin  Damdiai Quarters sakna tur hmanrua lamkhawm leh hna tul thawk turin Mamit  Bial chhung Damdiai a kal a, Feb ni 23 Ningani khan Churachanpur District Missions Conference hmanpui tura sawm a nih angin Churachanpur panin a kal leh ang.