February 16 atang 19 chhung hian Khawlian Playground-a Pandal ft 120 X ft 80 sakah Aizawl East District PYD Inkhawmpui vawi 23-na chu hman a ni dawn a, inbuatsaihna pawh peih thawkhat tawh niin Khawlian khawtlang ten he Inkhawmpui hi an lo dawngsawng dawn a ni. Kumin Aizawl East District PYD Inkhawmpui-ah hian Thupui-ah “I Pathian tawk turin inpeih rawh” Amosa 4:12 thu hman tur niin Thupui thensawm hmangin Speaker hrang hrang te hnen atangin ngaihthlak a ni dawn a ni.
He Inkhawmpui hmang tur hian Organising Committee te chuan tlang tin leh mual tina Kohhran member te kal vek turin min sawm a, Khawmpui palai kalturte chu mahni mamawh chi hrang hrang intodelh vek tura ngen kan ni bawk.
Inkhawmpui Organising Committee leh Kohhrante inbuatsaihna enpui turin February 1 atang 3 chhung khan District PYD Hruaitute: Rev R.Laltlankima, President; Evan Lalchhuanmawia Zote, Vice President leh Bro K.Lalbiaknunga, Fin.Secretary te chu kalin Pandal sak hnatlang neih mekah an hnatlang ve bawk a ni.
Facebook