Chhimtuipui District PYD Kumpuan hawnna leh seminar neih a ni

On:
July 24, Pathianni khan Chhimtuipui District PYD kumpuan Committee huaihawtin ‘GENERAL KUMPUAN (INTODELH)’  hawnna Lawngtlai IV Biak Inah neih a ni. He hun hi District Kumpuan Committee Secretary Upa R.VL Chhuanan kaihruaiin Rev.F.Lalbiakthuama Lawngtlai North Bialtu in hunserh a hmang a. Pu Dolianbuaian Kumpuan hawnna neiin  Resources Person ten Taimakna, Inremchem, Thawhrimna leh Tumruhna tih leh Intodelh tura sum khawl tih thupui te zir ho a ni a, member ten an hlawkpui hle a ni. Thusawi karlakah Bro.Ramengmawia leh Bro. Lalruatsaka ten zaia rawngbawlna an nei bawk. Resources Person te leh an subject te :
  1. Upa B.Sangtlunga District PYD Vice President  – TAIMAKNA
  2. T.Upa H.Lalhmachhuana District PYD  Fin.Secretary – INRENCHEM
  3. Rbt.S.Lalmalsawmsanga District Kumpuan Committee Chairman  – THAWHRIMNA LEH TUMRUHNA
  4. Upa Aldrin Lalngaihawma Bazar Local Church Local Treasurer  – INTODELH TURA SUM KHAWL.
Tin, General PYD Kumpuan “Intodelh” puala hmalakna vekin July ni 30 Inrinni nileng hian North Mizoram District Kumpuan Committee buatsaihin Headquarters Kohhran Biak In Tuikhuahtlangah  Seminar neih a ni dawn.
Seminar hi Kumpuan Committee chairman Bro R. Lawmsanga’n kaihhruaiin chawhma dar 10:00Am-ah tan a ni anga, Chawhma lamah Mizoram Youth Comission Secretary Bro. Lalsawmzuala hnen atangin Skill Development tih thupui hmangin zirtirna ngaihthlak a ni anga, chawhnu lamah Kohhran rawngbawlna kawnga intodelhna tih Evan. Lalchhuanmawia Sailo hnen atangin zirtirna ngaihthlak a ni bawk ang.
He Intodelh seminarah hian Aizawl khawpui chhunga Bial hrang hrang bakah Thingtlang lam atanga member chhimtu mi engemaw zat beisei an ni.