July 13, Nilaini khan Chhimtuipui Distict Board vawi 174-na chu District Committee Roomah tluang taka neih a ni a. Rev.WL Thanghre District Superintendent chuan Board kaihruaiin Board memberte an tel kim vek a. He board hi Rev. Lalmalsawma Sailo General Superintendent chuan a telpui a ni. Board ah hian Kum chanve Sum audit an thlir let a, Kum hmasa aia hmasawn a ni. Tin, Half yearly report leh annual report siamthat ngai lai District official ten lo siamtha se an ti bawk. October 20, 2016 hi Chhimtuipui District Day a ni a, Local tinah programme fel tak siam a hlung taka hman nise tih te an rel a. District Missions Department ten Home Missions Field Zero point a ram leina tur thawhlawm khawn an dilna chu phalsak a ni bawk.
Tin, July 15, Zirtawpni khan Chhimtuipui District Missions Board neih a ni a. Rev.R.Lalhawia General Missions Director chuan a telpui. An thurel tlangpui te chu:- Vaseikaia Kohhran Quarters Project chungchang ngaihtuah a ni a, Saiha Bial leh Lawngtlai North Bial ten theihtawp chhuaha bul an tan tawh chu District pum anga project siam a hmalak tha tih a ni a, budget pawh siam nghal ani.
Chubakah September 28-30 chhunga Chhimtuipui District Missions Conference, Lawngtlai Bazar Biak In a neih chungchang ngaihtuah a ni a, hetiang hian ruahmanna siam a ni : Speaker – Evan.PC Lalrokima, General Treasurer Missions Dept. hman nise. Thupui atan ‘Hnam tina mi zirtirah siam ula’ Matthaia 28:19 tih chu hman tur niin District chhunga Local cable hrang hrangah sawmna siam nise tha tih a ni bawk.
Tin, July 15, Zirtawpni vek khan District Hqrs. Biak Inah District Sunday School Board neih ani a. Evan.V.John District Sunday School Director chuan rorel a kaihruai a, Sunday School hmalakna thu thupawimawh tak tak an rel a. Tlai lamah chawhlui kilho a ni.
Facebook