July ni 21 Ningani chawhma dar 11:00 khan North Mizoram District Camping Centre-a Biak In Campers te inkhawmna tur atana ruahman sak thar chu an hawng.
Rev. Lalramzauva Sailo, District Sunday school Director chuan pawn lamah tawngtaina in hun bul atan a. Rev. C. Lalrammuana District Supdt. Chuan Sam 84:1-5 thu a chhiarin Camping Center hawn anih atanga Pathianin hriak a thih dan te, Thlarau bo tam tak center kaltlanga chhanchhuah an nih dante, he hmun kaltlanga Pentecost huanga Pathianin mi tam tak a sengluh tawh dan te a sawi bakah Biak buk tha zawk Lalpan Kohhran hote a pek avanga a lawmthu sawiin, Lal Isua ropuina tur leh Thlarau bo tam tak chhanchhuah an nih zel theihna turin Ribbon chepchat in Camping Center Biak In thar chu a hawng a ni.
Camping Centre hmun hi Kum 2006 January 13 khan hawn a ni tawh a, Sakawrtuichhun hmuna awm niin; Kohhran huang chhung ni lo, Kohhran dangte pawhin tawngtaina hmun atan leh Thlarau nuna intuaitharna atan tangkai takin an lo hmang tawh thin a ni. Biakin chhungah lut in Biak in thar lawmna Programme hman chhunzawm nghal a ni a. Rev. Laltluanga Dist secy chuan inkhawm a kaihruai a, Rev. Chhiarpuia District Treasurer in Technical report a pe. Rev. C. Lalrammuana, District Supreintendent chuan thuchah a sawi a, inkhawm banah lawmna thingpui ruai tuihnai tak an kilho a ni. Biakin hi cheng Nuai sawmpanga senga sak a ni a, a dung ft 24 niin avang ft 36 a ni.
Facebook