1. Aizawl East District, Serchhip Bial Kohhranpui hmalakna-in Serchhip Biak Inpui-ah November 1, Thawhleh Zan atanga naktuk November 5, Inrinni thleng hian Chhandamna Camping hlawhtling tak hman mek a ni. He Camp-ah hian Speaker-ah Rev KVL Hmangaihkima, Khawruhlian Bialtu chu niin Campers 41 (mipa 29 leh hmeichhia 12) an lut. Naktuk zan atang hian Follow Up Programme hman chhunzawm tur niin naktuk Pathianni Zan thleng a awh ang.
He Camp neihna tur atan hian Bial chhung Kohhran hrang hrangte an inbuatsaih a, Bial Missions pawhin Bial Kohhranpui kutah hian Camping buatsaih nan hian cheng singhnih pe in Local hrang hrangah appeal neih a ni bawk.
2. Aizawl East District, Sailulak Church Board Committee buatsaihin October 5 – 10 chhung khan Camping neih a ni, Speaker atan Evan R.Vanchhunga chu hman a ni. Camp-ah hian 52 lutin Thlarau Thianghlim Baptisma chang mi 22 awmin Sual ngaihdamna baptisma mi 11 in an chang bawk a ni. He Camp boruak kal chho zelah October 11, Thawhlehni khan Pathian chawimawina neih a ni a, Pathian Thlarau Thianghlim awmpuina hnuaiah hlim takin Kohhran hoten an hmang. Camping hi october 12, Nilaini atang khan a chhawng hnihna chuan October 16 Pathianni zingkar thleng camp hian a awh a, mi 91 lutin Thlarau Thianghlim Baptisma chang mi 14 leh Sual ngaihdamna baptisma chang mi 51 an awm bawk. Pathian Thlarau Thianghlim awmpuina hnuaiah Kohhran hoten hlim takin hun an hmang a, October 18, Thawhlehni khan Bro Lalrozama te chhungkua chuan Pathian chawimawina an nei a, Oct 21, Zirtawpni-ah Bro F.Rualkima te chhungkua in Chawimawina an nei leh a Oct. 24, Thawhtanni khan Bro F.Lalrinliana te chhungkua chuan Chawimawina hi an nei leh bawk a ni. Chawimawina leh Camp neih chhung hian Pathian Thlarau Thianghlim chuan nasa taka awmpuiin Kohhran ho ah siamthar lehna chang mi engemaw zat an awm a, Kohhran hoten hlim takin hun an hmang a, Sailulak hi E.Lungdar Bial chhung a awm a ni a, Kohhran member 500 chuang an awm mek a ni.
3. Aizawl East District, Bawngkawn Bial Ramhlun Vengthar Church Board Committee te buatsaiha Chhandamna Camping chu October 24, Thawhtan zan atanga khan chhunzawm leh a ni a, Speaker atan Evan H.Lalrinfela hman a ni. Camping chhawng khatna-ah mi 60 vel lutin mi 15 in sual ngaihdamna baptisma an chang a, heng zinga 6 te hi Kohhran dang an ni. Chhawng hnihna-ah hian mi 40 vel an lut leh a, he Camping neih chhung hian sual ngaihdamna Baptisma mi 24 ten changin heng zinga 8 hi Kohhran pawl dang atanga chang niin Thlarau Thianghlim Baptisma mi 15 vel ten an chang bawk.
Camp chhawng hnih an neih denchhen hian vawiin November 5, Inrinni khan Pathian hnenah lawmthu sawina Kohhran ten an nei a Speaker pangngai thusawi tura ruat a ni. Lalpa Thlarau Thianghlimin a awmpui a, an hlim hle a ni.
Facebook