Board meeting nei

On:

1. Nov. ni 15, Nilaini khan North Mizoram District LAD te chuan District LAD Executive Board neiin District Office Supdt. Chamber-ah an thukhawm.

Meeting hi Dist. LAD President Sist. C. Lalthangpuiin B/w chuan kaihruaiin kum 2018-a District LAD Budget ruahmanna an siam. Executive committee hi District hruaitu pahnih Rev. C. Lalrammuana leh Rev. Chhiarpuia ten an ho a ni.

2. Nov. ni 8 Nilaini, khan North Mizoram District enkawl Pentecostal Gateway Higher Secondary School Managing Board chu District Office Committee Room-ah an thukhawm.

Meeting hi Board Chairman Rev. C. Lalrammuana’n a kaihruai a, School hmasawn zelna tura Study Camp neih dan tur te, Building thawmthat ngai thawm dan tur te, Budget siamrem te bakah Thawktute hlawh lak dan kalphung te an sawiho a ni.

3. Nov.15, Nilaini khan Lunglei District LAD chuan District Board vawi 100-na an nei a, he board hi District LAD President Sist. H. Zirliani B/w chuan a kaihruai a, bial 15 atangin rorel palai an tel thei bawk.
He board ah hian District Superintendent Rev.R.Lalrosanga chuan LAD board member-te chu kohhran him taka a kal theih nan leh kohhranin in zirtirna a neih te zah tak chunga chhawm nung zel turin a fuih.
An rorel tlangpui te :

  • i) Kum 2018 District LAD Conference thupui atan ‘I Pathian tawk turin inpeih rawh’ Amosa 4:12 tih hman nise, Speaker atan Rev. R. Lalrosanga, Rev. H. Rothuama leh Evan. F. Lalsanglura te ruat an ni.
  • ii) District Missions Conference hunah Home Missionary-te tanpuina pek nise.
  • iii) Pentecostal Lady Magazine copy lak tur zat hi December 2017 chhungin District LAD Asst. Secretary hnenah report nise.
  • iv) Nakum 2018 March 31 hian Ruihhlo ngai leh zuar tuten an sim theih nan chawnghei tawngtai local tinin neih nise.
  • v) Kohhranpui District official quarter-ah Solar tuilumna a hman turin tuizem pathum dah nise tha an tih bakah
  • vi) Nakum 2018 Budget atan Rs.8,55,800.00 an pawm bawk.