Lunglei District huam chhunga Pastor bial li (4) ten February 5 Pathianni hmang hian bial khawmpui an hmang dawn:
Rahsiveng bial ten Runtung local-ah an hmang ang a, District Superintendent Rev. R. Lalrosanga chu Speaker a ni ang. Bunghmun bial ten Bunghmun local-ah an nei anga, District Secretary Rev. C. Lalrintluanga chu speaker a ni ang. Pukpui bial ten Venglai local-ah khawmpui an nei dawn a, District Treasurer Rev. C. Vanlalena chuan a hmanpui ang. District Missions Director Rev. PC. Lalrosanga’n Theiriat bial khawmpui Thaizawl local-a neih tur a hmanpui bawk ang. Luangmual bial PYD ten Zaia veng local-ah khawmpui an hmang anga, Speaker atan Evan. Lalengzauva, Vaisam Home Missionary chu hmangin, ‘Intodelh’ tih thupui atan an hmang bawk ang. Haulawng bial PYD khawmpui chu Mualthuam N Vengchhak local-ah neih a ni dawn bawk a, Speaker atan bialtu Rev. C. Hmingthanfala chu hman a ni ang a, khawmpui thupui atan ‘I pianna ramah chuan lo haw leh tawh rawh’ tih chu an hmang bawk ang.
Facebook