Bial Inkhawmpui – Chhimtuipui District

On:
Chhimtuipui District chunga Pastor Bial 2 te Conference report hetiang hi a ni:
1. Lawngtlai Chandmary Biak Inah Lawngtlai South Section Conference vawi 20na hlawhtling tak leh hlim taka hman a ni. Headquarters atangin Pastor Joseph L. Thlauhthang District Secretary chuan a hmanpui a, Conference hi Pastor Lalsawmliana Sailo Bialtu Pastor in hneh taka kaihruaiin Evan. Joseph Lalremruata speaker in rawngbawlna nung takin a nei thin bawk. Conference chhung hian Bial Department hrang hrang ten a hran a rorelna nei vek in Bial Kohhranpui pawn rorel na tluang takin an nei. Ni 4.2.2017 (Inrinni) khan Lawngtlai South Bial in kum 20 a thlen lawmna hun hman ani a, hruaitu hmasa ten thusawina te neiin Kum 20 na pual a booklet an siam chu Pastor Joseph L.Thlauhthang in release na a nei bawk. Rorel tlangpui :
  • a. Ni 2-4.2.2018 hmang in Sihtlangpui Local-ah Conference neih a ni ang.
  • b. LAD & PYD te Joint Conference neih phal sak an ni.
  • c. Missionary rawih nise
  • d. Kumpuan ‘Ram lak uar Kum’ hlawhtlin nan Sub-Committee din nise.
2. Phura Local-ah Tuipang Bial khawmpui hlim tak leh hlung taka hman a ni. He khawmpui hi Rev.WL Thanghre District Superintendent, Sist. H. Zoramthangi President District LAD, Sist. Nitei Treasurer District LAD ten an hmanpui a. Pastor F. Biakhnuna Bialtu Pastor leh Bial hruaituten Conference kaihruaiin Speaker Evan. Lc Khailawng, Vahai Field worker rawngbawlna Lalpan a hmang hle bawk.
Rorel tlangpui :
  • a. 2018 February 1-4 hmangin Tuipang ‘L’ Local-ah Conference neih ani ang.
  • b. Kum 2017 chhung hian Bial hruaitute leh Bial Depatment hruaitu ten Bial fan chhuah nise.
  • c. Pastor Quarters sa turin building board din nise.
  • d. Kumpuan ‘Ram lak uar kum’ bawhzui nan Local tinin atul angin hma lo la se.
Tin, Bial Conference hi February 16-19 chhung hian Bial 3- Niawhtlang, Bualpui NG leh Bungtlang South ten an hmang chhunzawm leh dawn a, hetiang hian ruahmanna an siam: Niawhtlang Bial ten KM 10 Biak Inah Conference an nei leh mek a, Pastor Kholy Hlychho Bialtu Pastor chuan a kaihruai anga Rev.Dr.J. Ralbuaia chu speaker ah hman a ni ang. District lam atangin Rev. R. Ramthatzawla, Missions Director, Rev.Dr.T.Tumsanga leh District LAD hruaitu ten an hmanpui bawk ang.
Bualpui NG Bial chuan Vawmbuk Local ah an hmang mek a, Conference hi Bialtu Pastor C.Lalchhuanthanga’n a kaihruai anga, Rev.Thanchunga Sailo, District Treasurer leh Evan.Lalnunmawia ten an hmanpui bawk ang.
Bungtlang South Bial chuan Sabualtlang Local-ah Conference an hmang dawn a, Pastor K. Kawngkharmawia, Bialtu Pastor in a kaihruai anga Conference speaker atan Evan. T. Malsawma niin Pastor Joseph L. Thlauhthang, District Secretary leh Apostolic Bible school naupang ten an hmanpui bawk ang.