Aizawl East District rorel bawhzuiin Thlarau dawnglo pualin hun hmang:

Aizawl East District hriattirna a chhuah angin “Local tinte he hun Urhsun taka hmang tur leh Tualchhung Kohhran hrang hrang ten Chawnghei tawngtai nei a, a thei in Speaker hranpa nen hun hman ni se” a tih angin Tualchhung Kohhran hrang hrang ten naktuk August 20, Inrinni tlai hian Thlarau Thianghlim la dawnglo puala Chawnghei tawngtai neiin Local thenkhat chuan Revival Speaker ruaiin hun an hmang dawn.  Thalarau Thianghlim dawn a pawimawhna leh a tulna hrang hrang te sawiin rawngbawlna neih a ni ang. Tin, Kumin District LAD leh District Missions Department Khawmpui neih hunah hun thalai berah Thlarau Thianghlim la dawnglo te pual hian hun hman leh ni se tih a ni bawk.

Bawngkawn Bial chhung Kohhran te pawhin he hun hi an hmang dawn a: Bawngkawn Kohhran ten Bialtu Rev R.Lianzama leh Upa HK Lalnunsanga te hnen atangin thuchah ngaihthlak a ni ang. Pathianni tlaiah Upa, Tual Upa leh License Holder ten chawnghei tawngtai an nei bawk dawn. Peniel Kohhran te chuan August 20 tlaiah Biak In-ah Thlarau Thianghlim la dawnglo pual hian Chawnghei tawngtai an nei dawn bawk a, Revival Inkhawma chhunzawmin Speaker atan Rev R. Sangthanga an hmang  dawn. Ramhlun Vengthar Kohhranah pawh Tualchhung Upa ten thusawina hun an hmang dawn a ni.

Bazar Bial District Hqrs. Kohhran te chuan Evan K.Vanlalenga leh Tual Upa Pc.MS Dawnga te hnen atangin Pathian thuchah ngaihthlak thin a ni dawn a, Bazar Kohhran te chuan Evan R.Vanchhunga Speaker atan an hmang dawn a, Ramthar Local pawhin Pastor C.Lalmalsawma, Speaker ah  hmangin rawng a bawl dawn a ni.

Zemabawk Vengpui Kohhran ten Speaker hran nei lovin Tualchhung Upa te hnen atangin thusawi ngaihthlak thin a ni dawn a,  Zemabawk Local te pawhin naktuk August 20 tlaiah Chawnghei tawngtai an nei anga, revival inkhawm in hun an hmang chhunzawm ang.

Thuampui Bial Zuangtui Local ten August 17, Nilai Zan atang khan Revival Crusade in hun an hmang tawh a, District Revival Speaker  leh District PYD Vice President ni bawk Evan Lalchhuanmawia Zote, Thuthlung puangtute Team chu Speaker atan an hmang. Bial Hqrs. Thuampui Kohhran ten naktuk ninrinni tlaiah Thlarau Thianghlim dawnglo te pualin chawnghei tawngtai an neii dawn bawk a, Pathianni hian Bialtu Rev HL Dawngliana Speaker a hmangin hun an hmang leh anga zan Inkhawm-ah Kesil rawngbawlna an nei leh bawk ang.

Bethlehem Bial te chuan Bial huapin Bethlehem Biak In-ah Revival Crusade in an hmang dawn a, Speaker hran nei lovin mi hrang hrang hnen atangin Pathian thusawi ngaihthlak a ni ang. Pathianni chawhnu hian Thlarau Thianghlim dawnglo pualin beihpui thlakna an nei dawn. Tunlai hian Bethlehem Bial Missions Department te chuan Evan Lalhmachhuana Varte, District Revival Secretary chu an Bial chhungah  rawngbawlin an nruai mek a ni.

Serchhip Bial-a Serchhip Biakinpui Kohhran te chuan Speaker hran nei lovin Tualchhung Upa leh Tirhkoh te hnen atangin thuchah an ngaithla anga, Pathianni tlaiah Thlarau Thianghlim dawnglo pualin Chawnghei tawngtai an nei ang. College Veng Kohhran te chuan Serchhip Bial PYD President Evan Lalthankima Ralte, Speaker a hmangin he hun hi an hmang bawk a ni.

Zohmun Local ten Revival Inkhawm neiin District Treasurer, Rev Vanlalfela Ramtiam chu Speaker atan an hmang dawn.

Khawzawl Bial Hqrs-ah Bialtu Rev C.Laldintluanga Speaker atan hmangin naktuk Inrinni tlaiah Chawnghei tawngtai an nei dawn.

Khawhai Bial New Chalrang leh Hqrs.Kohhran te chuan Joint in Hqrs.Kohhran-ah an hmang dawn a, Speaker atan Bialtu Pastor VL Hnemtluanga chu hman a ni.

  Khawlian Bial Hqrs. Kohhran chuan awmni khamin an hmang a, Pathianni zan thleng a awh anga, speaker atan Bialtu Pastor Lalhmangaihawma Parte ruat a ni.

  Ngopa Bial Kohhran zingah Bial Hqrs. Kohhran in naktuk August 20 nilengin Biakin-ah tawngtaina an hmang dawn a, tlai-ah chawnghei tawngtai Bialtu Pastor Robert Lalrinsanga kaihruaiin an nei anga, Pathianni hian Revival Inkhawm in hun an hmang thung ang. Damaska Kohhran te pawhin Revival Inkhawma hun hmangin Speaker atan Evan Lalrosanga, District Revival Speaker chu an hmang dawn a, Selam Biak Inpui leh Selam Vengthar te chuan Selam Biak Inpui-ah Joint-in Revival Inkhawm in hun an hmang ang.

Chhingchhip Bial te pawhin hmangin- Hqrs. Kohhran chuan naktuk nileng in Thlarau Thianghlim la dawnglo tan Camping in hun an hmang dawn a, Pathianni ah chhunzawmin tlaiah chawnghei tawngtaina an nei ang. Chhiahtlang North Kohhran te pawhin naktuk tlai hian Chawnghei tawngtaiin bul an tan anga, Pathianni hian Kohhran Upa ten chan in semin Thlarau dawnglo te tan hun an hmang bawk dawn a ni.

North Vanlaiphai Bial – Hqrs. Kohhran te chuan naktuk zan atangin Thlarau Thianghlim pawimawhzia thuchah ngaihthlak a ni anga, Pathianni ah chhunzawm lehin tlai-ah chawnghei tawngtaina an nei dawn a ni. Khawlailung Dinthar te pawhin Bialtu Pastor H.Lalropuia Speaker atan hmangin naktuk tlai atangin hun an hmang tan dawn a, tlaiah chawnghei tawngtaina neiin Pathianni nileng hian Revival Inkhawm in an chhunzawm leh ang. Khawlailung Bunghmun te chuan Evan K.Vanlaldika Speaker atan an hmang dawn a, Pathianni tlaiah chawnghei tawngtaina an nei dawn. Rawlkhang Kohhran te pawhin Pathianni tlai hian Chawnghei tawngtaina an nei dawn a, Leilet leh Lungkawlh Kohhran te pawhin Pathianni tlaiah chawnghei tawngtaina an nei bawk dawn a ni.