1. Aizawl East District, Zuangtui Kohhrana Crusade neih-ah August 19, Zirtawp zan khan member thar chhungkaw khat kohhranah sengluh an ni a, August 20, Inrinni zan khan mi 2-in baptisma an chang bawk. Zuangtuiah hian August 17, Nilai zan atanga 24, Ninga Zan thleng khan Crusade hi neih a ni a, Speaker atan Evan Lalchhuanmawia Zote chu hman a ni. Crusade denchhen hian vawiin August 27, Inrinni khan Sis. Maengi te chhungkua chuan Pathian chawimawina neiin Bialtu Pastor, Rev HL Dawngliana Speaker atan hman a ni a, August 25, Ninga Zan atang khan Revival Inkhawma hun hmangin Pathianni Zan thleng hun hmang turin ruahmanna siam a ni.
2. Saitual Bial Phullen khuaa Sis. Duhhlupuii rawngbawlna kal zelah August 20, Inrinni tlai khan Bialtu Rev Pc. Lalnghakliana kutah mi 10 in sual ngaihdamna baptisma changin an zinga mi 8 te hi member thar an ni.
Champhai Bethel Bial, Hruaikawn-ah Evan T. Vanlalvuana rawngbawlna atangin August 19, Zirtawpni khan chhungkaw khat, member 4 lawmluh an ni a, Zokhawtharah August 22, Thawhtanni khan chhungkaw khat, member 5 chu Rev Darchhawna, Missions Director chuan Kohhran-ah a lawmlut. Zokhawthar-ah hian Rev Darchhawna, Missions Director chuan Rammut Programme, August 17- 21 chhung khan hmangin Evan K.Rodingliana chu District Missions tirhin rawngbawlin a awm mek a ni. August 20 – 21 chhung khan Thlarau Thianghlim dawnglo puala hun hman a ni bawk a, Thlarau Thianghlim la dawnglo mi 16 ten Thlarau Thianghlim an dawngthar. Missions Director-te Zokhawthara an cham chhung hian Pathian chawimawina vawi 3 neiin Kohhran hoten Pathian Thlarau Thianghlim awmpuina hnuaiah hlim takin hun an hmang.
3. Bro Vanlalchhanhima (Pate-a), District Hqrs.Kohhrana lawi chuan Zemabawk Middle School Vengah August 8 atanga 20 chhung khan rawngbawlnaa nei a, chhungkaw khat, member 5 chu Kohhran-ah sengluh an ni bawk.
4. Darlawn Bial chhungah Kohhran-ah mithar 14 sengluh an ni a, Sunhluchhip-ah member 4, Ratu Melkawnah member 5, North Serzawl-ah member 5 lawmluh an ni. Tunah hian Darlawn Bial hi Rev T.Lalbiakliana chuan a enkawl mek a, Tualchhung Kohhran 7 leh member 500 vel an awm.
5. Rabung Bial chhung Khualen Local a lawi turin chhungkaw khat member 4 kohhranah lawmluh an ni.
Facebook