Aizawl East District kum chanve District Board July 6 atanga 7 chhunga neih chu tluang taka neih zawh a ni a, Board hi nithum awh tura ruahman ni mahse, nihnih-ah an zo thei a ni. An thu passed tlangpuite:
1. License hmu tharte reng reng chu Bial leh Tualchhung-ah inhlan mai lovin District hruaituten hmun khatah ko khawmin Seminar/ Practical Training neih pui thin ni bawk se tih a ni a, tuldang chu District hruaituten lo bawhzui se tih a ni.
2. Media lamah chak zawka hmalak a nih theih nan Media Cell Committee din a ni a, a hnuai ami ang hian hruaitute leh member ruat nghal a ni:
Chairman: Rev Biaksangzuala, District Secretary
Secretary: Bro K.Lalbiaknunga
Treasurer: Rev Vanlalfela Ramtiam
Ex-Officio: Rev Rosanga Kawlni, District Superintendent
Committee members atan : Rev Darchhawna, Missions Director, Rev F.Lalchhanhima, Sunday School Director bakah Rev R.Laltlankima, PYD President leh Sis F.Lalawmpuii B/W, LAD President te ruat an ni bawk.
3. Khawhai Bialin an Biate-ah Tirhkoh rawihsak an dilna chu pawm a ni a, anni bakah hian Sunhluchhip leh Damdiai-ah pawisa awm dan a zirin hruatuten hma lo la se tih a ni.
4. August thla rammut thla hi District chhungah a hlawk thei ang bera hman tura tih a ni a, rammut form hmangin District Superintendent hnenah September thla chhungin report pek vek ni se tih a ni.
5. Kum khat dana Pastor nupui te tan Seminar neih thin chu neih leh tura tih a ni a, kumin atan chuan nihnih hman ni se, resource person leh tul dang chu hruaituten lo bawhzui se tih a ni.
6. Kum 2017 Biak In sanction atan Thingsulthliah Bial, Mualmam leh Thuampui Bial, Thuampui Vengthar Biak In hmun tur leisak dilna chu pawm a ni a, Daido hmunah leh Darlawng hmunah hmun lo ram lei ni bawk se tih a ni.
Tin, July 14, Ningani khan Aizawl East District Missions Executive Board, Director room-ah neih a ni a, he hun hi Rev Darchhawna, Missions Director chuan kaihruaiin District Kohhranpui hruaitute pawh an telkim thei a ni. Missions Exeutive Board-ah hian Kumin October thla-a Ngopa Bial-a District Missions Khawmpui Programme tlangpui turte duangin Thupui atan “Chanchintha hi hril rawh u” Marka 16:15 thu hman ni se an ti a, Home Missionary thla hnih chhung atana an rawih mek, an Term tawp te ennawnna nei nghalin Thla hnih chhung atan an Term hi pawtsei lehin Muthi, Thuampui Biala Thla hnih chhung atana rawngbawl turin Evan Vanlalnghaka, Leng C.B.C atanga BTh zir chhuak chu dah ni se tih a ni bawk.
Facebook