September 30 atanga October 2 chhung hian Keifang Play Ground-ah Aizawl East District LAD Inkhawmpui hman tur a ni a, hemi atan hian inbuatsaihna peih thawkhat a ni.
Inkhawmpui thleng tur Saitual Bial leh Keifang Bial te pawh nasa taka inbuatsaih a, Pandal sak hna zawh tawh a ni. September 3, atang khan Pandal sak hna hi tan a ni a, Keifang leh Saitual Bial-a Tualchhung Kohhran hrang hrang ten a inchhawkin Pandal sak hna hi an thawk thin a, Keifang Joint YMA hnuaia Branch YMA pathum te pawhin an pui thin bawk. September 29, Ninga Zan-ah Pandal hlanna Inkhawm Pandal chhungah neih a ni ang. Kumin LAD Inkhawmpui-ah hian Mikhual hmuah leh sem chu Keifang khaw chhunga YMA Branch Pathum te kutah dah niin an nin an buaipui vek dawn a ni. Inkhawmpui thupui atan “Sim hming pu tlakin rah rawh u“ Matthaia 3:8 tih hmangin Rev Rosanga Kawlni, District Superintendent; Sis Lalramthangi B/W, General LAD Secretary; Sis Zionparmawii, B/W, District LAD Secretary bakah Rev KVL Hmangaihkima, Khawruhlian Bialtu leh Upa JH Rozawna, Bazar Bial te hnen atangin Thupui thensawm hmangin thusawi ngaihthlak thin a ni ang. Inkhawmpui hmang tur hian District LAD Hruaitute leh Organising Committee hruaitute chuan Kohhran member te a tam thei ang ber kal turin min sawm a ni.
Facebook