Pennet News Service : Oct 25 – Nov 1

UPCNEINEWSSERVICE OCT 25-1 NOV.2020
—————
Office khar :
Sawrkarin Hri pui leng avanga AMC area-total lockdown apuan vangin General Hqrs Office chu Oct ni 27, Thawhlehni atang khan khar a ni a, hawn leh hun tur pawh sawrkar ruahmanna siam zul zuia ruahmanna siam a ni ang.
—————
Khawvel ram danga UPC Kohhran rawngbawlna report :

New Zealand General Conference 2020 :
October ni 23 atanga ni 25 chhung khan New Zealand UPCI chuan General Conference an hmang a, thupui atan These are the Days tih an hmang a, conference chhungin mi thar 8 in sual ngaihdamna Baptisma changin, mi 7 Thlarau Thianghlim an dawng thar bawk.

Conference ah hian New Zealand Kohhran enkawl Pathian thu zirna Apostolic Bible College (ABC) zir chhuak te pualin programme an buatsaih nghal a, mi 15 in Certificate Level zir chhuakin, mi 1 in Intermediate Diploma a zir chhuak bawk.

Conference Speaker te :
Oct 23, Zirtawp : Pastor Brian Aubrey
Oct 24, Inrinni : Pastor Brandon Borders
Oct 25, Pathianni : Pastor Wayne Goodare

Hri pui lengin a tibuai ve nain, an fihlim tawh hle. Tun din hmunah chuan an ram chhungah hian hri vei mek hi mi 64 an awm a, case hmuh chhuah zawng zawng 1,940 zinga 1841 te chu an enkawl dam tawh niin;  he natna vanga thi mi 25 an awm ve thung.
———–
Tanzania :
Tanzania rama Ilula, Iringa ah thalai leh naupang pualin seminar buatsaih a ni a, he programme chhimtu mi 38 in Thlarau Thianghlim an dawng thar.

UPC of Tanzania ah hian Tualchhung Kohhran 105 vel awm mekin, Kohhran member 8,000 chuang an awm mek a ni.
————
Zambia ramah :
Zambia rama Television channel en hlawh tak, Zed Entertainment crew pakhat chuan Oct ni 21, Nilaini khan ‘What Does The Bible Say’ (Bible in engtin nge a sawi) tih programme kaltlanga Bible Study programme a buaipuina lamah Pathian thu dik hmu chhuakin sual ngaihdamna Baptisma a chang nawlh mai.

Oct ni 18, Pathianni khan Pastor Sichilindi rawngbawlna kal tlangin member thar pahnih in sual ngaihdamna Baptisma an lo chang tawh bawk.

Japan ramah :
Oct ni 25, Pathianni khan Japan ram Gifu khawpuiah member thar 5 in Isua hmingin sual ngaihdamna Baptisma an chang thar.

Athens khawpuiah :
Khawpui hlun leh chuai thei lo Athens khawpuiah pawh Oct ni 25, Pathianni khan member thar pakhat chuan Kohhran inkhawm chhim ve in; Isua Krista hmingin sual ngaihdamna Baptisma a chang zawhin lei tih danglamna nen Thlarau Thianghlima Baptis-in a awm nghal.

Thaliand ramah :
Member thar 5 in Sual ngaihdamna Baptisma an chang.

United States-ah :
Oct ni 25, Pathianni khan Arkansas District, New Life Cabot- Kohhranah member thar 4 in Sual ngaihdamna Baptisma an chang thar ve leh bawk.

Spain ramah :
Barcelona ah Oct ni 24, Inrinni zan khan member thar pakhatin sual ngaihdamna baptisma a chang ve leh ta. Spain rama khawpui pakhat Gijon ah pawh Oct ni 23 khan mi thar pakhatin sual ngaihdamna Baptisma a lo chang tawh bawk.

Hri pui leng boruak karah pawh Spain-ramah hian Lal Krista ram a zau zel a, hri chauh a leng lo, Krista Chanchin Tha leh hnathawh ropui tak tak pawh dan zawh rual lovin a leng vel mek. Hri pui leng boruak karah hian member thar 70 chuangin sual ngaihdamna Baptisma an chang tawh a. UPC of Spian General Suptd Rev. Nathan Harrod chuan “Thlarau Thianghlim i quarantine- thei lo” a ti tawp mai.
——–
America ramah :
America rama Florida State chhunga awm, New Life Tabernacle Kohhranah chuan tun hnai hian member thar leh Baptisma chang thar an awm nawlh nawlh mai. Oct ni 12 atanga ni 25 chhung khan mi 12 zetin sual ngaihdamna Baptisma changin Thlarau Thianghlim Baptisma chang thar pawn an awm belh zel bawk.

Oct ni 24, Inrinni khan America rama Pakersburg- tan in (prison) warden leh security officer te chuan sual ngaihdamna chan an mamawh tih in hriain, Pastor David Bounds-a kutah sual ngaihdamna Baptisma an chang nawlh mai. Lalpa fakin awm rawh se.

Kum 2019 chhung khan Parkersburg prison-a mi tang 60 zet te chuan Pastor David Bounds-a kutah hian Lalpa Isua Krista hmingin sual ngaihdamna Baptisma an lo chang tawh nghe nghe a ni. Lalpa ram a zau zel e.

Bangladesh ah :
Oct ni 28, Nilaini khan Bandarban, Bangladesh-lamah pawh mi 25 in sual ngaihdamna Baptisma an chang thar ve leh e.
————-
District hrang hrang rawngbawlna chanchin :

Aizawl East District :
District Missions Conference rorel:
October 23, Zirtawpni khan Aizawl East District Missions Department Conference vawi 27-na, rorel inkhawm chu tluang taka neih a ni. Bazar Bial ten District Hqrs. Local-ah lo thlengin Rev R.Lianzama, Director, District Missions Department chuan a kaihruai a, Rev Biaksangzuala, District Superintendent leh Rev Vanlaltluanga Sinate, Generam Missions Secretary te chuan palai kalkhawmte hnenah fuihna thu an sawi a ni.

Aizawl East District Missions Department Conference hi ruahmanna ang chuan October 23 atanga 25 chhungin E.Lungdar Bial-ah Revival inkhawma neih tura tih niin Covid-19 hri leng mek avangin Revival Inkhawm hi nei lovin rorel inkhawm chauh October 23, Zirtawpni hian neih a ni ta a ni. He rorel inkhawm-ah hian hri leng avanga Mizoram sawrkarin inkaihhruaina a siam hrang hrangte zawm niin rorel palai pawh kum dang ang lovin bial tin atangin mi 3 zel ruat an ni. He rorel inkhawmah hian Bialtu Pastor bakah District Department hrang hrang hruaituten an telpui bawk a ni.

District Missions Department Conference rorel-ah hian Bial atang leh Official atangin agenda lut engemaw zat awmin an thu passed langsar zualte:
1. Kum 2022 District Missions Department Conference chu Zemabawk Bial-ah nghah a ni. Ruatsa angin Kum 2021-ah chuan Champhai bial-ah Conference hi neih a ni ang.

2. Bial Missions Inkhawmpui leh Missionary Day a in su thin hi a in sut kumah chuan Bial Missions Inkhawmpui hun hi tihdanglam ni se tih chu District Kohhranpui Board-ah thlen tura tih a ni.

3. Kum 2021 chhungin District bul tumin Bible Tract “Lal Isua lokal lehna” tih chu siam ni se tih niin Executive board kutah dah a ni.

4. Home Missionary tih chu District Missions Evangelist tia thlak ni se tih a ni.

5. Kum 2021 chhungin Kohhran thar din tura nasa zawka hmalak ni se tih a ni.

6. Kum 2021 chhungin Aizawl East District chhungah Biak in saa woek camp neih tura tih a ni.

7. Kum 2021 chhungin bial tinin member thar 5 aia tlem lo lak tum theuh ni se tih a ni bawk..

District Missions Department Conference rorel-ah hian Bial hrang hrang atangin palai mi 93 vel an kal thei a ni.

District Missions Board:
October 23, Zirtawpni rorel inkhawm neih zawh a nih hnuah District Missions Department te hian District Board Rev R.Lianzama, Director kaihhruaiin an nei nghal a, Rev Vanlaltluanga Sinate, General Missions Department Secretary chuan report tawi a pek bakah hunserh a hmang nghal a ni. An rorel tlangpuite:

1. Conference rorel in a passed District chhungah Biak in saa work camp neih ni se alo tih bawhzuina pakhat atan Champhai Bial, Dinthar Biak in sak tanpuinan Rs 100,000 (nuai khat) pek ni se tih a ni.
2. Hripui leng avanga District Missions Evangelist lak turte Interview koh a remchan loh avangin Interview Board kal tlang lovin  District Missions Evangelist lak chu Executive Board kutah dah a ni.
3. Conference rorel in Kum 2021 chhungin Kohhran thar din tura nasa taka hmalak ni se alo tih chu Executive board kutah dah a ni.
4. Conference rorel in Kum 2021 chhungin bial tinin member thar 5 aia tlem lo lak tum theuh ni se a tih chu Bial tintin theihtawp chhuaha hmalak vek ni se tih niin Conference report form-a Bial report-ah telh tura tih a ni.
5. Kum 2021 District Missions Budget chu Evan C.Lalchhuanga, Treasurer chuan pharhin District Kohhranpui pawmpui turin Budget pumpui-ah Rs 11,116,500 (nuai za sawm pakhat singkhat sangruk zanga) chu an pawm bawk a ni.

District Missions Board hi Kohhranpui hruaitute pawhin an telpui bawk a ni.

District Sunday School Board thulh:
Aizawl East District Sunday School Department hruaituten November 12, Ningani-a District Sunday School Board neih tura ruahmanna alo siam tawh chu hri lengin ziaawm lam ala pan loh avangin OB Meeting chuan thulh rih mai ni se an ti. Board neih hun tur chu la in hriattir leh a ni dawn a ni.

Heng bakah hian hri leng avangin Sunday School Exam kuminah neih theih a nih dawn leh dawn loh a hriat loh avangin District S.S Executive meeting chuan Bial tin hnenah Exam Question kum danga a print saa pek thin chu Soft Copy-a thawn mai ni se an ti a, Bial tin ten an remchan dan angin hma lo la zui mai se an ti bawk a ni.

District Office khar:
Mizoram Sawrkarin Covid-19 hri leng mek laka mipuite kan him theih nan leh Covid-19 mipuia darh tih ziaawm a nih theih nana October 27 atanga November 3 thleng Aizawl khawpui chhungah Lock Down a puan avangin Aizawl East District Office pawh hemi hun chhung hian khar a ni a, Office dawr duh harsatna nei kan awm a nih chuan hruaituten hriatthiamna an ngen a ni. Sawrkar thuchhuak a zirin Office hawn hun tur hi la in hriattir leh tur a ni ang.

Hri leng laka Kohhran mipuite kan him theih nan inveng fimkhur a, Sawrkar in Dan a siam te zawm hram hram turin District hruaitute chuan min ngen a ni.
———–
Chhimtuipui District :
DIST PYD EXECUTIVE BOARD THU CHHUAK
Dt.23.10.20(friday) dar 10:30 khan Dist Committe room UPC NEI Office ah Dist PYD hruaitute leh Dist Official ten meeting pawimawh tak an nei. Thurel then khat te:-

1. General PYD Conference kal dan tur: General PYD Conference chu Dt.23-26.01.2021 ah sawn anih leh tak avangin, General PYD Conference kal dan tur pawh Dist Board rel atan dah ani.

2. General PYD Conf Agenda:- Gen PYD Conf sawn anih tak avangin, dist chhung Bial tinte tan agenda thawh hun November 2020 thleng pawhsei ani. Hetih lai hian Siaha bial aṭang agenda hi dawn tawh a ni.

3. General PYD Conference Report: General PYD lam aṭanga reporting period anlo tihdanglam tak avangin, dist PYD tepawhin General lam zulzui hian ahma lamin report form thawn chhuah nise. Dist PYD in (January- December 2020 ) report chu lo compile se, December 1st week ah General lamah submit nise.

4. Hoarding Board: Kokim zawkin Dist PYD in ngaihtuah mai ila ṭha tihtlan ani.

5. Evangelism tour: 43rd Dist PYD Conference in alo pass tak “Evangelism Tour” neih nise atih chu ruahmanna kalpui mek niin, group-6 a then niin. Thawh khatna leh thawh hnihna a vah chhuah tur ani. Bial PYD hruaitute, Dist PYD hruaitute leh Dist PYD Sub committe hruaitute chuan he rawngbawlna hi annei ang.

A hun tur erawh superintendent min thurawn angin boruak thianghlim hun ngaih chan mai nise.

6. Missionary support: Dist PYD ten missionary chawmna puala kan intiam chu sum dawn mek zel ani a.Intiamna petu chungah lawmthu asawiin, oelo tepawh in pezel turin Dist PYD chuan angen ani. Kan sum din hmun a zirin missionary lawmman kan pek loh techu pek zel nise.
————
CRUSADE NEI CHHUNZAWM ZEL- Mi 5 in Thlarau Baptisma chang

Dt.24.10.2020 (inrinni) aṭang khan Dist Evangelist N Thanghnuna chuan Niawhtlang III (10 km) ah rawngbawlna neiin, Dt.26.10 hian Bro.Zothana techhungkua kaltlangin Pathian chawimawina neih ani. Ran talhin ruai kil ani a, thlarau lamah pawh an hlawkin mi-5 laiin Thlarau Baptisma an dawng thar ani.

Dt.27.10(thawhleh) ni hian Pathian chawimawina annei leh anga, Kohhran thawhkhawm aṭang ruai ankil leh ang.

Dt.28.10 atang khian Kohhran ten chawnghei tawngtai annei ang a, Crusade chhunzawm zel ani ang.
————

North Mizoram District :
North Mizoram District, Missions Department chuan vawiin (Oct Ni 23) khan Confererence rorel inkhawm an nei.
Rorel inkhawm hi District Hqrs. Biak in, Tuikhuahtlangah neiin, Dist. Missions Dept Director Rev. C. Lalthantluanga’n  inkhawm a kaihruai a, District Puipa pathum Dist. Supdt. Rev. Laltluanga, Dist. Secy Rev. Chhiarpuia leh Dist. Treasure Rev. K. Lalduhsanga ten an ho thei a, NEI-UPC Gen. Missions Director Rev. R. Lalhawia leh Treasurer Pastor PC Lalrokima ten an ho thei bawk.
Rorel tan hmain North Mizoram Dist Supdt. Rev. Laltluanga’n mipuite chibai bukin hripui leng karah N.Mizoram district Missions Dept. ten Confe. Rorel kan nei thei hi Lal Lalpa hnathawh ropui a ni tiin; tawngtaina a nei a, Rev. R. Lalhawia, Gen. Missions Director in thusawi bawkin, North East India huapa rawngbawlna hrang hrang report pein Lalpan ramthim su  e ng turin a mite min hmang mek a ni tiin, tha thlah lovin rawngbawlna turin ke kan pen zel tur a ni ati bawk.
Confe. Rorel inkhawm chawhma dar 10:00 AM-ah tannin, rorel pawimawh zualte:-
1. Confe. Neih lehna hmun tur kum 2023 thleng ruahmanna siamin:- Kum 2021-ah Rengdil Bialah neih a ni anga, Kum 2022-ah Maubawk Bial leh Kum 2023-ah Sumsuih Bialah te neih a ni ang.
2. North Mizoram District Missions Dept te hian Home Missions Field-ah revival Programme buatsaih ni se. tih te an rel a ni.
UPC-NEI, North Mizoram District-ah hian Missions Field 12 leh rawngbawlna mek khaw thum neih a ni a, Kum 2019 – 2020 chhungin Missionary te leh Casual worker te hian mi thar 143 neiin, Baptisma chang 128 an awm bawk.
Coference-ah hian rorel mi 80 bawr kalin, Hqrs. Local Missions Dept. ten  hnen takin Rorel inkhawm an thleng a, chhunga eitur tuihnai tak bakah rorel palaite tlaiah chawhlui min kilpui bawk a ni.

Chawhnu lamah Dist. Missions Dept Board neih nghal a ni a, rorel tlangpui:
1. Kum 2021 District Missions Budget Estimate Rs. 11500000.00 (Nuai za sawm leh panga)
2.  Missionary Post 2 ruak chu hnawhkhah tha tih a ni a, Advertisement chhuah a, December thla Board-ah lak tura tih a ni.
3. Missionary chawmna ip hi kum 2021 atan siam ni se. tih passed a ni
4. Missionary Transfer & Posting hun a nih angin December thlaah Missionary thar 2 lak rualin Transfer and Posting tih tha tih a ni.
Coference-ah hian rorel mi 80 bawr kalin, Hqrs. Local Missions Dept. ten  hnen takin Rorel inkhawm an thleng a, chhunga eitur tuihnai tak bakah rorel palaite tlaiah chawhlui min kilpui bawk a ni.

NMD Hqrs Bial, Hqrs Local Missions Dept te Ramthim tan an luang chhuak: Oct 26 (Thawhtanni) khan North Mizoram District, Hqrs Bial, Hqrs Local Missions Dept te chuan Assam Missions Field-a Pechadapri Kohhran hote inkhawmna tur Biak in sak nan Rs 100000 NMD Missions Dept Treasurer Evan MS Dawngliana kutah an local Missions Secy Sist PC Lalhmingchhuangi’n a hlan. Hqrs Local MSD te hian kumin kumtir khan Rs 100000 lo pe tawh bawkin. Dist Missions ah hian Rs 200000 an thehlut tawh a, remchang hmasa berah Rs 50000 pek leh an tum. Pechadapri Biak in hi Rs 250000 a sak zawk theih beisei a ni. Hqrs Local MSD te chungah Evan Madawnga hian Gen leh Dist aiawhin lawmthu a lo sawi a ni.

Kawnpui Bialah Mithar nei: Oct ni 25.10.2020 Pathianni khan Kawnpui Bial chhunga Preaching point kan neih Kawnpui Kanan Vengah Presbyterian kohhran aṭangin mi thar 1 leh Home Mission Field Rasdali aṭangin mi thar pakhat BBC kohhran aṭangin UPC(NEI) kohhranah lawmluh an ni.
Kanan Venga member thar neih hi tirhkoh rawih lai Evan. Lalramhluna Hmar chuan a lawmlut a; Rasdali-ah hian Missionary rawih lai Evan. Hrangchhankhuma chuan a lawmlut bawk.

N. Thinglianah mi thar nei: N. Thinglianah Oct. ni  25 Pathianni khan BBC ațangin UPC of North East India-ah mi thar pakhat lawmluh a ni a. Lawmluhna neih rual hian lawmluttu Tirhkohvin țawngțaisakna a nei nghal bawk a ni.