Pennet News Service : February 12, 2022

GENERAL NEWS

Kohhran sum Audit:

February  ni 8 atanga ni 10, 2022 chhung khan General Hqrs. Office, Mualpui Salem veng, Aizawl ah Kohhran sum Audit a ni.
General Hqrs. Account hrang hrang bakah General Administration hnuaia Department leh Committee peng hrang hrang te sum Audit a ni a, Auditors te hi Rev. Biaksangzuala, Rev. C. Lalthantluanga, Rev. PC. Lalfakawma leh Rev. WL. thanghre te an ni.

———-
———-

CHHIMTUIPUI DISTRICT

BIAL 3 TEN CONFERENCE AN HMANG:

February ni 4-6, 2022 hmang Khan Sangau Bial, South Lungpher Bial leh Niawhtlang Bial te chuan Bial conference an hmang.

Sangau Bial Conference chu Sangau II Local-ah nghah niin Dist. Superintendent aiawh in Pastor C. Lalchhuanthanga’n hun hman puiin, speaker ah hman nghal a ni.

South Lungpher Bial te chuan Conference hi South Lungpher Local ah hmangin Rev. H. Lalhnehchunga(Bualpui NG Bial) chuan superintendent aiawh in a hmanpui a ni.

Niawhtlang bial Conference-ah Rev Dr.C Sihmo chuan Superintendent aiawhin a hmanpui a, Niawhtlang sectional Pastor V Lalhlimpuia chu speaker hman a ni bawk.

———-

TUIPANG BIAL NEWS:

February ni 11-13, 2022 chhung hian Tuipang Bial inkhawmpui Vawi 46-na chu Phura hmunah neih a ni a. Rev. Kholy Hlychho, Distict Treasurer chuan inkhawmpui hi a hmanpui a ni. Khawmpui Speaker a tan Evan. K. Rinthara, District PYD President chu hman a niin Sis Zioni chuan zai rawngbawlna a nei thin bawk.
———-

SIAHA BIAL NEWS:

February ni 11-13, 2022 chhung hian Siaha Council Veng local ah Siaha Bial Conference Vawi 47 na hman a ni a, Thupui a tan “Pe rawh u….”  Luke 6:38 tih chu hman a ni. Pathianni tuk ah Rev. Joseph L. Thlauhthang, Dist Superintendent chuan thusawi rawngbawlna neiin, Pathian ni chawhnu hian Pastor C. Lalchhunthanga chuan rawngbawlna a nei ve leh a ni.

Sawrkar-in Hripui laka kan him nan a inkaihhruaina a siam te zawm chungin February ni 11 zirhtawp ni khan Bial Mission Department leh Bial Sunday school Department chuan rorelna an nei a, February ni 12 Inrinni khan Kohhranpui rorel neih a ni bawk.

———-
———-

LAWNGTLAI WEST DISTRICT

District Hruaitu-te Programme:

District Superintendent, Rev. F. Lalbiakthuama chuan Dt.09.2.2022 khan Diltlang ‘S Bial Board-a telpui a, Dt:12.2.2022 khan Lawngtlai North Bial Board a tel pui bawk. February ni 13 Sunday zing ah Lawngtlai chandmary Local Church ah  rawngbawlna a nei a, chawhnu ah Thingkah lamah Ram beihpui a nei bawk ang.

District secretary & Treasurer, Rev.Lalsawmliana Sailo chuan Feb. ni 12 ah Chandmary Local Church Board a telpui a, Pathian ni hian sihtlangpui ah rawngbawlna a nei bawk ang.
———-

MITHAR LAWMLUHNA NEI:

February ni 6, 2022 (Sun) Zing Inkhawm khan Rev.F.Lalbiakthuama, District Superintendent  chuan Thingkah UPC Kohhran a lawi turin Mithar pasarih (7) Chhungkaw thum(3) lawmluhna a nei a ni.
District Superintendent hi a nupui Sis.B.Sangremi B/W President LAD Lawngtlai South Bial,Pastor.S.Vanlallunghnema Bialtu Pastor, Evan.George Lalawmpuia District PYD Secretary leh Rbt.S.Vanlaldika Driver ten an tawiawm a ni.

———-
———-

LUNGLEI DISTRICT

BIAL PALI IN INKHAWMPUI TLUANG TAKIN AN NEI ZO:
February 4-6 chhung khan Luangmual bial, Lungsen bial, S.Vanlaiphai bial leh Rahsiveng bialte chuan bial inkhawmpui tluang takin an hmang zo a, hetiang hi bial inkhawmpui hmangte rorel tlangpui a ni.

i) Luangmual bial inkhawmpui vawi 23-na hi Luangmual Local-ah neih a ni a, District Secretary Rev. PC. Lalfakawma chuan District Superintendent Represent in he inkhawmpui hi a hmanpui a, Kohhranpui, Missions Department, Sunday School Department leh L.A.D. ten ro an rel a ni. Bial kohhranpui rorel langsar zualte :

1) Financial Campaign neih nise.
2) Thianghlimna Campaign nasa zawkin neih nise.
3) Bial chhunga Local hrang hrangin rawngbawltute pualin Seminar buatsaih nise.
4) Nakum 2023 inkhawmpuina hmun atan Lunglawn Zaia veng Local a ni ang.

ii) Lungsen bial inkhawmpui vawi 52-na hi Rangte N Local-ah neih a ni  a, District Treasurer Rev. C.Lalrintluanga chuan District Superintendent Represent in a hmanpui. Bial Kohhranpui rorel langsar zualte :
1)Pastor Quarters pualin sum dah nise
2) Nakum bial inkhawmpui neihna hmun atan Lungsen S an ruat bawk.

iii) S.Vanlaiphai bial inkhawmpui vawi 7-na hi S.Vanlaiphai Local-ah neih a ni a, District Superintendent Rev. C. Vanlalena chuan a hmanpui. February ni 5 Inrinni chhun lamah Kohhranpuiin rorelna an nei a, an rorel langsar zualte:
1) Pastor Quarters hnuai sak lai chhunzawm nise.
2) Kum 2022 chhungin bial chhung Local-te in tlawh tawn nise.

iv) Rahsiveng bial inkhawmpui vawi 37-na hi Hauruang Local-ah neih a ni a, Pukpui bialtu Pastor Rev. PC. Nghakliana chuan District Superintendent Represent-in a hmanpui, February ni 5 inrinniah Kohhranpuiin ro an rel a, an rorel langsar zualte:
1) District-a thlen tur thu pawimawh tak tak rel a ni a.
2) Nakum 2023 bial inkhawmpuina hmun atan Sazaikawn an ruat bawk.

———–

BIAL PANGAIN CONFERENCE AN HMANG DAWN:

February ni 11-13 chhung hian Headquarters bial, Zawlpui bial, Chhipphir bial, Thingsai bial leh Cherhlun bial te chuan bial Conference an hmang dawn a, hetiang hi an hun hman dan tur tlangpui a ni.

i) Headquarters bial Conference vawi 42-na hi Headquarters biak in, Chanmari-ah neih a ni dawn a, District Superintendent Represent-in Rev.R.Vanlalenga District Missions Director chuan a hmanpui dawn a, rorel in hun hman a ni ang. February ni 11 zirtawpni chawhma lamah Missions Department leh L.A.D ten rorelin chawhnuah Sunday School Department ten ro an rel ang a, February ni 12 inrinniah Kohhranpuiin ro an rel ang.

ii) Zawlpui bial inkhawmpui vawi 8-na Zawlpui Local-a neih tur hi Rahsiveng bialtu Pastor Rev.C.Lalhriatpuia chuan District Superintendent Represent-in a hmanpui ang. February ni 12 inrinni zing karah Missions Department chuan rorelna neiin, chhunah Kohhranpuiin ro an rel ang a, zan lamah Sunday School Department in ro relna an nei thung ang.

iii) Chhipphir bial inkhawmpui vawi 38-na Sekhum Local-a neih tur hi District Superintendent Represent-in Rev.PC.Lalfakawma District Secretary chuan  a hmanpui dawn a, February ni 11 Zirtawpni chawhma ah L.A.D. leh P.Y.D. ten ro an rel ang a, chawhnuah Sunday School Department-in rorelin February ni 12 Inrinniah Kohhranpuiin ro an rel ang.

iv) Thingsai Local-ah Thingsai bial inkhawmpui vawi 32-na hi neih a ni dawn a, District Superintendent Represent-in Rev.C.Lalrintluanga, District Treasurer-in  a hmanpui ang. February ni 12 inrinniah Department-in rorelin February ni 13 Pathianni chawhnuah Kohhranpuiin ro an rel ang.

v) Cherhlun bial inkhawmpui vawi 46-na hi S.Chawngtui Local-ah neih a ni dawn a, District Superintendent Represent-in Rev.R.Lalsangzuala Haulawng bialtu Pastor chuan a hmanpui ang.

———-

3. MI THAR

February ni 6 Pathianni khan Putlungasih Local a lawi tur in Home Missionary Evan. T. Biaklala chuan mi thar pakhat kohhranah a lawm lut.

———-
———-

NORTH MIZORAM DISTRICT

Bial Conference hmang :

UPC, North Mizoram District huam chhung Pastor Bial 30 ten Feb 11-13 Zirtawp zan atanga Pathianni chhung hian Bial Confe an hmang.
District Puipa pathum ten Bial Confe an hmanpui dan tur hetiang hian ruahman a ni:-
i) District Superintendent Rev. Laltluanga chuan Rngdil Bial a hmanpui
ii) District Secretary Rev. Chhiarpuia’n Headquatters Bial a hman pui
iii) District Treasurer Rev. K. Lalduhsanga’n Kawnpui Bial a hman pui

———-

Rengdil Bial te’n Bial Golden Jubilee leh Confe Golden Jubilee an hmang:

North Mizoram District, Rengdil Bial chuan Bial a din atanga kum 50 an tlinna leh Confe Golden Jubilee ( Kum 50-na) an lawm. He Confe leh Bial Golden Jubilee Confe hi, North Mizoram District Supdt. Rev. Laltluanga’n hmanpuiin Feb ni 10 Zirtawp ni zan hian Golden Jubilee lawm Prog tannin, Meichher an det ang. Conference hun chhung hian Dist. Supdt. Rev. Laltluanga Speaker a ni ang ang, Hemi bakah hian Golden Jubilee Lungphum hawnna te, Conference hawnna te bakah Jubilee puala buatsaih Souvenir Bu te a tlangzarh bawk ang.
Feb ni 10 zirtawpni khan Jubilee pualin mithar 1 lawmluh niin, Bialtu Pastor Rev. C. Lalthlengliana kutah sual ngaihdamna baptisma a chang  ni.

———-

Sairangah kal:

District Supdt. Rev. Laltluanga  chuan Feb ni 6 Pathianni khan Hunthar Bial Sairang  kohhran tlawhin rawngbawlna a nei a, Hemi ni vek Chawhnu inkhawm chu Chawlhhmun Bial Sakawrtuichhun kohhrante inkhawmpuiin rawngbawlna a nei bawk a ni.

———-

W. Phulpui Mission Field Biak in chung chihin workcamp:

Bro. Lalnunhlima, Rawpuichhip, Lengpui bial Missions Secretary chu West Phulpui Mission Field a work camp turin Jan ni 31 thawhtanni khan West Phulpui a thleng a.  February ni 1 thawhlehniah hna tanin, February ni 2 thawhlehni khan, in chhun siam chawpin, in chung hi a chih zo vek hman a ni.  Bro Lalnunhlima hi West Phulpui Missionary leh kohhran member remchang ang ang ten biak in chung chih ni hian an lo pui ve bawk a, Bro. Lalnunhlima leh a thawhpuite chungah District Missions hruaitute leh Bial Kohhranpui hruaitute an lawm hle.

———-

S. Chhimluang Missions Field, Sunday School Hall hawn a ni:

N. Mizoram District Missions Department leh Kolasib Venglai Bial Sunday School Department ten South Chhimluang Home Missions Field a Sunday School Hall an sak chu Feb ni 5 Inrinni khan Rev. B. Vanlalruata, Venglai Bialtu Pastor in a hawng.

Rev. B. Vanlalruata hian Bible chang  Exodus bung 25:8 leh Marka 11:17 chhiarin Pathian Kohhran ho ten Pathian thu an zir a, Pathian hming an lamna tur hmun hawn theih a peih a ni chu lawmawm a tih thu a sawi a. Hun lo kal zel turah pawh Pathian Thuthlung an zir chhuah a, an ngheh deuh deuhna hmun ni tura a duh a sawi a. Sunday School Hall a hawn zawh hian a hawnnaa tel te tawngtai rualin Hall hi an hlan a ni.

South Chhimluang Sunday School Hall an hawn tak sak nan hian District Missions Department chuan cheng singnga an thawh a. Bial Sunday School-in Local hrang hrangte thawhkhawm bakah bial sum nen Rs 48,771 an tum a, Hall sak nan a sum sen zawng zawng hi Rs 98,771 a ni a. Hnatlang tha 88 sen a ni bawk.

Sunday school Hall hawnna inkhawm hi Upa Lalnunmawia, Bial Sunday School Director in a kaihruai a, Upa Lalhruailiana, Treasurer Bial Sunday School in Report a pe a. Upa Lalhmangaiha, Director Bial Mission Department leh Upa B. Daniel Lalawmpuia, Secretary Bial Missions Department bakah Evan Lalthianghlima Sidon bakah bial chhunga member thenkhat ten an tawiawm a. South Chhimluang ah hian Sist Lalhriatkimi chu thawktu in a awm mek a ni.

———-

District Missions Director Rev. C. Lalthantluanga, Missions Field fangin fehchhuak :

North Mizoram District Missions Director Rev. C. Lalthantluanga chu Feb ni 4 chawhma khan, Home Missions Field hrang hrang tlawh turin a fehchhuak.

District Missions Director hi Mamit Bial Missions Director Upa B. Vanlalauva’n tawiawmin Vawngawnzo Field-a Missionary Quarters sak mek a hmunah enin hma bak an neih dan te a hmuh pui.
Feb ni  5 Inrinniah Jampui Tripura Home Missions Field Zomuantlang panin, Tuidam ah van.Lianthangvunga (Maliana) te, PYD hmalaknaa an rawngbawlna Kawrthah Missionary Dist, PYD rawih te an tlawh bawk. Tlangsang-ah Zan Inkhawm hmanpuiin Director Rev C.Lalthantluanga’n rawngbawlna a nei a, Bro. Jakoba Lalremsanga Durtlang te pawh lo awmin Director rawngbawlna an lo tawiawm bawk.

———-

Missions Field tan fehchhuak:

Evan. Lalduhsaka Saza, Rengdil chuan Tumpanglui Missions Field Biak in hman tur Pulpit, Maicham leh Lecturn te a siam.  Evan. Duhsaka hian hei lo pawhin rawngbawla a lo awm tawhna Tuipuibari Hmar veng Biak in bungraw hrang hrang, Maicham, Thuthleng leh thil dang dang te siamin tha a lo thawh tawh a, Hetiang taka Pathian ram hmangaihtu Kohhran mite zinga an awm hi.. Tumpanglui MF hruaitute leh Department hruaitute pawh an lawm hle.

———-

Statistician Training nei dawn:

Kolasib Diakkawn Bialte chuan, Kum 2021 Bial Board Vawi thumna Rorel no. 1 bawhzuiin Feb ni 15 (Inrinni) khan Bial chhunga Local tin Secretary leh Statistician-ten training an nei dawn. Statisticial training hi Kol. Diakkawn Bialtu Pastor Quarters-ah chawhma dar 11:00Am ah tannin, Bialtu Pastor Rev. C. Lalmuanpuia’n zirtirna a pe dawn a ni.

———-

South Chhimluang Missions Field Report:

Jan ni  27 Ningani  aṭangin Kol Venglai Bial Missions Dept hmalakna in Bru Revival Speaker Evan Lalthianghlima’n rawngbawlna S. Chhimluangah a nei a, Home Crusade leh remchan dan ang zelin rawngbawlna hi a nei a, Karkhat lai  Crusade hi neih a ni.

Feb ni  5 Inrinni aṭangin Bial Director Upa Lalhmangaiha leh Unaunu Dimi Kolasib Venglai, Unaupa Hruaia Bukvannei ten hun hmanpuiin, Pathianni chawhma inkhawmah hian Nau 2 hlanna Evan Lalthianghlima’n a nei a, Chawhnu lamah Sual ngaihdamna Baptisama mi 1 in a chang bawk a,  rawngbawltute rawngbawlna Pathianin mal a sawm a, Crusade chhung hian dam lo 2 ṭawngṭai dam an ni.

———-
———-

AIZAWL EAST DISTRICT

Bial Kohhranpui Inkhawmpui:

Aizawl East District chhunga Bial hrang hrangah February 11 atanga 13 chhung hian ruahmanna ang chuan Bial Kohhranpui Inkhawmpui hman mek a ni a, hripui leng avangin kum danga hman thin angin hman theih a ni lo. Bial engemaw zat chuan February 12, Inrinni khan rorelna hun hmangin Pathianni chawhma leh chawhnu-ah inkhawm an nei hlawm a, Bial thenkhat erawh chuan hrileng avangin inkhawmpui an la nei thei lova, Pathianni-a inkhawmna buatsaih lovin rorel inkhawm chauh nei an nei bawk a ni. Bial inkhawm rorel-ah hian Kum 2022 chhunga Bial kalphung tur hrang hrang bakah District-a lut turte an ngaihtuah hlawm a ni.

Bial Kohhranpui Inkhawmpui hi District hruaitute chuan hetiang hian hmun hrang hrangah an hmanpui a ni:
Rev Vanlalfela Ramtiam, District Superintendent chuan Khawzawl bial-ah a hmanpui a

Rev R.Laltlankima, District Treasurer chuan Zohmun Bial hmanpuiin

Rev KVL Hmangaihkima, Missions Director chuan Thuampui bial a hmanpui bawk a ni.

———-

Audit:

Aizawl East District hnuaia Kohhranpui leh Department hrang hrangte sum chu February 8, Thawhlehni atang khan endikna, Audit neih a ni a, February 13, Ningani khan audit hi zawh fel a ni. Heng sum te hi District Board in alo ruat tawh angin Rev H.Lalropuia,  Pastor Lalhmangaihawma Parte bakah Rev B.Lalengzauva leh Upa Joseph Lalhruaitluanga te chuan endikna, Audit hna an thawk a, audit atanga a lan danin Kohhranpui leh Department te hian kum hmasa lam aiin sum leh paiah hmasawnna a hmu a ni.

———-

Missionary Support zawngin rawngbawlna nei:

February 6, Pathianni khan Serchhip Bial, Serchhip Dinthar Bial leh Sakawrdai bial-ah Missionary Support zawngin mi hrang hrang ten rawngbawlna an nei. Serchhip Dinthar bial, Serchhip Dinthar Kohhranah Evan C.Lalramzauva, District Missions Secretary chuan rawngbawlna a nei a, Ramthar Kohhranah Evan HK Lalhmangaiha’n rawngbawlna a nei a, Serchhip Biakinpui Kohhranah District Secretary Rev VL Hnemtluanga’n rawngbawlna a nei a, Serchhip Chandmary Kohhranah Evan C.Lalchhuanga, District Missions Treasurer kalin Electrict Veng Kohhranah Evan Lalnunzira a kal a, New Serchhipah Evan R.Vanchhunga’n rawngbawlna neiin College Veng Kohhranah Rev KVL Hmangaihkima, District Missions Director in rawngbawlna a nei bawk a ni.  District Superintendent Rev Vanlalfela Ramtiam chuan Pathianni vek khan Missionary Support zawngin Sakawrdai bialah rawngbawlna hi a nei a, mi thahnemngai tak takte kaltlangin Support hi egemaw zat heng bial pathum atang hian hmuh a ni.

District Missions Hruaitute hian Bial hrang hrangah Missions Support hi zawng turin ruahmanna an siam mek a ni.

———-

Pastor induction nei:

February 6, Pathianni khan Rev.H.Lalropuia, Mualpui bialtu Pastor leh Gen. PYD President ni bawk chuan Kawlkulh bialtu Pastor ni turin Pastor R.Lalfamkima te chhungkua chu Kawlkulh Vengthar biakin ah lakluhna, induction a nei. Hemi rual hian mithar chhungkaw khat member 3, sengluhna a nei nghal a, an zinga pahnih hian sual ngaihdamna baptisma an chang nghal a ni.  He hunah hian Bialtu Pastor R. Lalfamkima chuan nau pahnih a hlan nghal bawk a ni.

———-

Mithar:

February 6, Pathianni khan Khawbung bial, Leithum hmunah mithar 1 chu Bialtu Pastor H.Lalbiakzauva chuan sengluhna a nei. Inkhawm banah District Missions Evangelist H.Lalhmingmawia chuan sual ngaihdamna Baptisma a chan tir nghal a ni. Evan H.Lalhmingmawia hian Khawbung Bial Leithumah hian ni January 15 atang khan rawngbawlna a nei tan a ni.

February 6, Pathianni vek khan Champhai Bethel Hqrs. Kohhrana lawi turin mithar 2, Bialtu Pastor E.Vanlalpeka Zote chuan sengluhna  a nei bawk. January 23, Pathianni khan mithar 1 Bethel Hqrs kohhrana lawi turin sengluhna alo nei tawh bawk a ni.

———-

Hruaitute Programme:

Rev VL Hnemtluanga, District Secretary chuan Pathianni hmanga Imphal District Hqrs. Bial Joint Conference hmanah Speaker-ah tangin rawngbawlna a nei a, ruahmanna ang chuan February 16, Nilaini-ah Aizawl a thleng leh ang.