Literature & Publication » Lynden Offset Press

Mizo

Executive Board rorel No.16, dated 13-15 April, 1984 chuan General Youth Department hmalaknain Printing Press, Shillong-ah bun nise tih a passed a. Kum 1985 ah a dahna in tur siam a ni a. Kum 1986-ah chuan Printing Press chu Cutting Machine-te leh tuldang tam tak nen chah thlen a ni ta a. Tichuan, Manual Printing Press chu famkim takin kan nei thei ta a ni. Heng hun laia kan Dept. hruaitute leh memberte rilru thatna te, kohhran hmasawnna atana an in luangrualnate hi an fakawm tak zet a ni. A bikin General Youth Dept. sulsutna avanga Press nei thei kan ni a, an chungah kohranho kan lawm a ni. Kan Press hmingah pawh Pentecostal Printing Press tih a ni bawk. Hun a lo kal zel a, kan Printing Press hi kan kohhran Press zingah chuan mahni intodelh ber a ni ta hial a. Thawktute tanpuina pawh an thawh chhuahin an in pe chho char char thin. Amaherawhchu, kan khawl neihte a lo hlui takah chuan a then tihral a ni a, athen erawh chu dahthat an ni bawk a.

General Hqrs. Aizawl- a Offset Press neih chungchang

Kum 2005 ah General Hqrs., Shillong hmun a awm chu Aizawlah sawn chhoh a ni a, General Hqrs. Office mumal taka ruahman a lo nih tak hnu hian kan hotute rilru ah Printing Press neih leh duhna a lo awm ta a. Executive Board chuan tunlai hmaraw changkang Offset Press ngei neih dan dap nise tih a passed ve leh ta a. Kum 2008 a General Conference neih tumin International Hqrs. atangin Rev. Lynden Shalm, Regional Director, Asia chuan min rawnho thei a. A ni hnenah hian Printing Press kan mamawh thu thlen a ni a, America a thlen atanga reilo teah tanpuina sum a rawn thawn zui ta mai a. Executive Board chuan helam ngaihtuahtu tur bik Printing Press Board a din ta a, chumi chuan a bawhzui dan an dap ta zel a. Board Chairman atan hian General Secretary tih a ni a, General hruaitu dangte chu Ex-officio an ni nghal bawk. Tichuan, board hmalakna in reilote chungin Offset Printing Press chu lei a ni ta mai a ni. Printing Press Board chuan a hmingah LYNDEN OFFSET PRESS nise tih a rawt a, Executive Board pawhin hei hi a nemnghet zui ta bawk a ni.

Press staff chungchang : Heng post hnuaiah hian hnathawktute chhawr mek an ni.

  • Manager i/c.
  • Machineman
  • Computerist

Kan sawi tak angin Printing Press hi kan hmasawnna tilangtu pawimawh tak a ni a, kan kohhran hna pawimawh tinreng thawktu a ni ta a. Hei bakah hian pawnlam hna thawk thei turin tan pawh lak chhoh zel a ni.

English

Details Unavailable