Aizawl East District Level Meeting nei

1. October 11, Nilaini khan District Committee room-ah District Literature and Publication Board thutkhawm Rev Rosanga Kawlni Chairman kaihruaiin neih a ni. He hunah hian Kum 2018 Nilai Zan thupui tur leh Rev KVL Hmangaihkima thuziak, Literature and Publication Board in a published tur chu endikna an nei a ni. Aizawl East District te hian Kum 2018 Nilai Zan thupui-ah hian Evan Lalhmangaiha Chawngthu ziak, “Kohhran Dik- Ringtute himna” tih chu zirho tur niin hetah hian thupui hlawm hrang hrang a thensawm lehin Bung 41 awm tura ruahman a ni. District Literature and Publication Board memberte lo tarlang ila:
Chairman: Rev Rosanga Kawlni, District Superintendent
Secretary: Upa Lalfelkima, Bethlehem
Memberte: Rev Vanlalfela Riamtiam, Rev Biaksangzuala, Rev R.Lalthanzuala, Rev VL Hnemtluanga, Rev Rohmingliana, Rev C.Laldintluanga, Pastor Lalhmangaihawma Parte leh Pastor V.Lalnienga te an ni.
2. October 13, Zirtawpni khan District Committee Room-ah Aizawl East District Sunday School Department rorelna sang District Board neih a ni. He hun hi Rev F.Lalchhanhima, Director chuan kaihruaiin Bial atang leh Official atanga agenda lut hrang hrangte ngaihtuah anih bakah Kum 2018 Budget thlir hona neiin he thu buatsaih lai hian an thu pass kan hre hman lo a ni.